ఐడీఏ బొల్లారం పారిశ్రామికవాడలో భారీ అగ్నిప్రమాదం, బాంబుల్లా పేలిన రియాక్టర్లు
సంగారెడ్డి జిల్లా ఐడీఏ బొల్లారం పారిశ్రామికవాడలోని వింధ్యా ఆర్గానిక్ పరిశ్రమలో శనివారం మధ్యాహ్నం భారీ అగ్నిప్రమాదం సంభవించింది.
Fire At Bolarum Chemical Factory: సంగారెడ్డి జిల్లా ఐడీఏ బొల్లారం పారిశ్రామికవాడలోని వింధ్యా ఆర్గానిక్ పరిశ్రమలో శనివారం మధ్యాహ్నం 1 .30 కి భారీ అగ్నిప్రమాదం సంభవించింది. రెండు రియాక్టర్లు పేలడంతో ఒక్కసారిగా భారీ శబ్ధం వచ్చింది. ఆపై మంటలు వ్యాపించాయని కార్మికులు చెబుతున్నారు. మంటలు చెలరేగడంతో కార్మికులు తీవ్ర భయాందోళనకు గురై పరిశ్రమ నుంచి బయటకు పరుగులు తీశారు. కొందరు కార్మికులు పరిశ్రమలోనే చిక్కుకున్నట్లు తెలుస్తోంది. సమాచారం అందుకున్న పోలీసులు, అగ్నిమాపక సిబ్బంది స్పాట్‌కు చేరుకున్నారు. ఎనిమిది ఫైరింజన్లతో సిబ్బంది మంటలను అదుపు చేస్తున్నారు. పేలుడు చుట్టుప్రక్కల ప్రాంతాల్లో దట్టమైన పొగలు అలుముకున్నాయి. ప్రమాద సమయంలో 40 మంది డ్యూటీ లో ఉన్నట్లు సమాచారం అందుతోంది. మొత్తం 8 మందికి గాయాలవగా..ముగ్గురి పరిస్థితి విషమంగా ఉన్నట్లు తెలుస్తోంది. లాక్ డౌన్ తరువాత మూడు షిఫ్టుల్లో వింధ్యా ఆర్గానిక్ పరిశ్రమలో పని కొనసాగుతుంది. లంచ్ సమయం కావడంతో చాలామంది కార్మికులు బయటే ఉండటంతో పెను ప్రమాదం తప్పిందని చెబుతున్నారు. మంటలు అదుపులోకి వచ్చేసరికి మరికొంత సమయం పట్టే అవకాశం ఉందని అధికారులు చెబుతున్నారు. విద్యుత్ సరఫరా ఆపేసిన అధికారులు..సహాయక చర్యలు చేపట్టారు.
Also Read :
యాభై ఎకరాల పొలాన్ని పేకాటలో తగలెట్టాడు, చివరికి వ్యసనాన్ని వీడలేక దొంగగా మారి..
Bigg Boss 4 Telugu : బిగ్ బాస్ ఫినాలేకు అతిథి మహేశ్ కాదట..’మాస్ కా బాప్’ రాబోతున్నారట !
