ట్వింకిల్ ఖన్నా ‘పాము’ నెక్లెస్ ధర తెలిస్తే మైండ్ బ్లాక్! కోట్ల విలువైన వజ్రాలు.. నెక్లెస్ ప్రత్యేకతలివే!
నగలకు కేవలం మెరుపు మాత్రమే కాదు, ఒక గొప్ప చరిత్ర కూడా ఉంటుంది. కొన్ని డిజైన్లు దశాబ్దాలు గడిచినా తమ క్రేజ్ కోల్పోవు సరికదా, కాలంతో పాటు మరింత విలువైనవిగా మారుతుంటాయి. అలాంటి ఒక ఐకానిక్ డిజైన్ ఇప్పుడు సోషల్ మీడియాలో హాట్ టాపిక్గా మారింది.
బాలీవుడ్ నటి, రచయిత్రి ట్వింకిల్ ఖన్నా ఒక వేడుకలో ధరించిన ‘పాము’ ఆకారపు నెక్లెస్ ఇప్పుడు అందరినీ మంత్రముగ్ధులను చేస్తోంది. కోట్ల రూపాయల విలువైన ఆ లగ్జరీ నెక్లెస్ విశేషాలేంటో తెలుసుకుందాం. ఒక సాధారణ నెక్లెస్ ధర ఎంత ఉండవచ్చు? వేలు, లక్షలు.. మహా అయితే కొన్ని కోట్లు. కానీ, ప్రపంచవ్యాప్తంగా సెలబ్రిటీల నుండి రాచకుటుంబాల వరకు అందరినీ ఆకర్షించే ఒకే ఒక్క డిజైన్ ‘సెర్పెంటి’. తాజాగా ఒక ఈవెంట్లో పచ్చ రంగు ఇస్సీ మియాకే డ్రెస్ ధరించిన ఆ అభినేత్రి, తన మెడలో ధరించిన వజ్రాల హారంతో అందరి దృష్టిని ఆకర్షించింది. ఆ హారం చూడటానికి ఒక పాము ఆకృతిలో ఉండి, నిగనిగలాడే వజ్రాలు, పచ్చలతో మెరిసిపోతోంది. ఆ నటి మరెవరో కాదు.. ట్వింకిల్ ఖన్నా. ఆమె ధరించిన ఈ బుల్గారీ సెర్పెంటి నెక్లెస్ విశేషాలివే.
- ట్వింకిల్ ఖన్నా ధరించిన ఈ బుల్గారీ సెర్పెంటి నెక్లెస్ ధర సుమారు రూ. 5 కోట్ల నుండి రూ. 10 కోట్ల వరకు ఉంటుందని అంచనా. ఈ నెక్లెస్ మొత్తం వజ్రాలు, పచ్చలతో నిండి ఉంది. దీనికి తోడు ఆమె ఒక స్టేట్మెంట్ రింగ్, బొట్టెగా వెనెటా క్లచ్తో తన రాయల్ లుక్ పూర్తి చేసింది.
- పాము ఆకృతిలో ఉండే ఆభరణాలకు కొన్ని వేల ఏళ్ల చరిత్ర ఉంది.
- ప్రాచీన ఈజిప్ట్ రాణి క్లియోపాత్రాకు పాము ఆకారపు నగలు అంటే ఎంతో ఇష్టం.
- 1839లో ప్రిన్స్ ఆల్బర్ట్, రాణి విక్టోరియాకు 18 క్యారెట్ల బంగారంతో చేసిన పాము ఆకారపు ఉంగరాన్ని బహుమతిగా ఇచ్చారు. అప్పటి నుండి ఈ డిజైన్ విపరీతమైన ప్రజాదరణ పొందింది.
- రోమన్ లగ్జరీ జ్యువెలర్ బుల్గారీ, ఈ సెర్పెంటి కలెక్షన్ను 75 ఏళ్ల క్రితం, అంటే 1948లో ప్రారంభించింది. మొట్టమొదటిగా దీనిని ఒక బ్రాస్లెట్ వాచ్గా రూపొందించారు. దీని తయారీలో ‘ట్యూబోగాస్’ అనే ప్రత్యేక సాంకేతికతను వాడతారు. దీనివల్ల ఆ నగ పాములాగే మెలికలు తిరుగుతూ, ఒంటికి సరిగ్గా సరిపోతుంది. 1960ల నాటికి ఇది పూర్తిస్థాయి ఆభరణాల కలెక్షన్గా రూపాంతరం చెందింది.
సెలబ్రిటీల ఫేవరెట్..
కేవలం ట్వింకిల్ ఖన్నా మాత్రమే కాదు, అంతర్జాతీయ నటీమణులు జెండయా, అన్నే హాత్వే, ప్రియాంక చోప్రా వంటి వారు ఈ బ్రాండ్కు అంబాసిడర్లుగా ఉన్నారు. గతంలో ప్రియాంక చోప్రా ధరించిన ‘సెర్పెంటి మహారాణి’ నెక్లెస్ లో 109 క్యారెట్ల రూబెల్లైట్ మరియు వందలాది వజ్రాలు ఉండటం విశేషం. ఈ నగలకు వేలంలో విపరీతమైన డిమాండ్ ఉంటుంది. మార్చి 2024లో జరిగిన ఒక వేలంలో ఒక డైమండ్ సెర్పెంటి నెక్లెస్ దాదాపు రూ. 37 కోట్లకు అమ్ముడైందంటే వీటి క్రేజ్ ఎలా ఉందో అర్థం చేసుకోవచ్చు. సెర్పెంటి డిజైన్ అనేది కేవలం ఒక నగ మాత్రమే కాదు, అది శక్తికి, పునర్జన్మకు సంకేతం. అందుకే దశాబ్దాలు గడిచినా ప్రపంచ కుబేరుల జాబితాలో ఈ డిజైన్ ఎప్పుడూ మొదటి వరుసలోనే ఉంటుంది. ట్వింకిల్ ఖన్నా ఈ నెక్లెస్ ధరించిన తీరు ఆమె అభిరుచికి అద్దం పడుతోంది.