Tharun Bhascker: క్రైమ్ కామెడీతో రాబోతున్న తరుణ్ భాస్కర్.. మూవీకి ఇంట్రెస్టింగ్ టైటిల్
ఈ నగరానికి ఏమైంది సినిమాతో దర్శకుడిగా పరిచయం అయ్యి.. పెళ్లి చూపులు సినిమాతో దర్శకుడిగా మంచిగుర్తింపు తెచ్చుకున్నాడు తరుణ్ భాస్కర్. ఆతర్వాత ఈ హీరోగా మారి సినిమా చేశాడు తరుణ్.
Updated on: Jun 24, 2022 | 3:08 PM
ఈ నగరానికి ఏమైంది సినిమాతో దర్శకుడిగా పరిచయం అయ్యి.. పెళ్లి చూపులు సినిమాతో దర్శకుడిగా మంచిగుర్తింపు తెచ్చుకున్నాడు తరుణ్ భాస్కర్(Tharun Bhascker). ఆతర్వాత ఈ హీరోగా మారి సినిమా చేశాడు తరుణ్. మీకుమాత్రమే చెప్తా అనే సినిమాతో హీరోగా మారాడు తరుణ్ భాస్కర్. ఆ సినిమా ఆశించిన స్థాయిలో ప్రేక్షకులను మెప్పించలేకపోయింది. యూత్ ఫుల్ ఎంటర్ టైనర్ సినిమాలను తీయడంలో దిట్ట అనిపించుకున్న తరుణ్ భాస్కర్ ఈసారి సరికొత్త క్రైమ్ కామెడీతో రాబోతున్నారు. విజి సైన్మా మొదటి ఫీచర్ లెంగ్త్ ప్రొడక్షన్ గా నిర్మాతలు ప్రాజెక్ట్ అనౌన్స్ చేయడంతో పాటు టైటిల్ కూడా రిలీజ్ చేసారు. ఈ చిత్రానికి ‘కీడా కోలా’ అనే ఆసక్తికరమైన టైటిల్ను ఖరారు చేశారు.
కీడా అంటే ఆరు కాళ్లు ఉన్న పురుగు, కోలా అనేది ప్రముఖ సాఫ్ట్ డ్రింక్ బ్రాండ్ పేరు. పోస్టర్లో సాఫ్ట్ డ్రింక్ సీసా క్యాప్ పై టైటిల్ రాసి ఉంది. డ్రింక్ కి బదులు రక్తం పొంగుతూ బయటికి రావడం పోస్టర్ లో ఆసక్తికరంగా వుంది. అలాగే పోస్టర్ లో ఒక పురుగుని కూడా గమనించవచ్చు. “మునుపెన్నడూ చూడని క్రైమ్ కామెడీని ఎక్సపీరియన్స్ చేయండి…” అని మేకర్స్ వెల్లడించారు. పెళ్లి చూపులు, ఈ నగరానికి పోస్టర్లు పసుపు రంగులో డిజైన్ చేసిన దర్శకుడు తరుణ్ భాస్కర్ ఆ సెంటిమెంట్ను కొనసాగిస్తూ ‘కీడా కోలా’ పోస్టర్ ని కూడా పసుపు రంగులో డిజైన్ చేయడం విశేషం. భరత్ కుమార్, శ్రీపాద్ నందిరాజ్, ఉపేంద్ర వర్మ, శ్రీనివాస్ కౌశిక్, సాయికృష్ణ గద్వాల్, విజయ్ కుమార్ నిర్మిస్తున్న ఈ చిత్రం 2023లో విడుదల కానుంది.
