Shruti Haasan : ఈ భూమిమీద ఆయనే నా ఫ్యావెరెట్ అంటున్న శృతిహాసన్.. వైరల్ అవుతోన్న ఫొటోస్..

విశ్వనటుడు కమల్ హాసన్ కూతురిగా సినిమా ఇండస్ట్రీలోకి అడుగు పెట్టింది అందాల భామ శ్రుతిహాసన్. అనగనగా ఓ ధీరుడు అనే సినిమాతో..

Shruthi

Rajeev Rayala |
Updated on: Aug 13, 2021 | 7:26 PM

Shruti Haasan : విశ్వనటుడు కమల్ హాసన్ కూతురిగా సినిమా ఇండస్ట్రీలోకి అడుగు పెట్టింది అందాల భామ శృతిహాసన్. అనగనగా ఓ ధీరుడు అనే సినిమాతో హీరోయిన్‌‌‌గా ఎంట్రీ ఇచ్చింది శృతి. అయితే హీరోయిన్‌‌‌గా ఎంట్రీ ఇచ్చిన తర్వాత చాలా కాలం వరకు సరైన హిట్ మాత్రం అందుకులేక పోయింది. అదే సమయంలో పవర్ స్టార్ పవన్ కళ్యాణ్ నటించిన గబ్బర్ సింగ్ సినిమాలో హీరోయిన్‌‌‌గా ఛాన్స్ కొట్టేసింది శృతి హాసన్. ఈ సినిమా భారీ విజయం అందుకోవడంతో ఒక్కసారిగా శృతి హాసన్ బిజీ హీరోయిన్‌‌‌గా మారిపోయింది. గబ్బర్ సింగ్ సినిమా తర్వాత ఈ అమ్మడికి వరుసగా స్టార్ హీరోల సినిమాల్లో అవకాశాలు క్యూకట్టాయి. శృతి నటించిన సినిమాలు చాలా వరకు బ్లాక్ బస్టర్ హిట్స్‌‌‌గా నిలిచాయి. ఆతర్వాత తమిళ్‌‌‌తోపాటు బాలీవుడ్‌‌‌లోనూ సినిమాలు చేసింది. ఆ తర్వాత శృతి ప్రేమలో పడటం.. ఆ ప్రేమ కాస్త బ్రేకప్ అవ్వడం చకచకా జరిగిపోయాయి.

ఆ తర్వాత ఇటీవల మాస్ రాజా రవి తేజ నటించిన క్రాక్ సినిమాతో తిరిగి ట్రాక్‌‌‌లోకి వచ్చిన శృతి.. ఇప్పుడు వరుస సినిమాలతో ఫుల్ బిజీగా మారింది. ఈ క్రమంలోనే పాన్ ఇండియా స్టార్ ప్రభాస్‌‌తో కలిసి సలార్ సినిమాలో నటిస్తోంది. ఇదిలా ఉంటే శృతి సోషల్ మీడియాలోనూ చాలా యాక్టివ్‌‌గా ఉంటుంది. రకరకాల ఫోటో షూట్స్‌‌‌తోపాటు, సినిమా అప్డేట్స్ ఇస్తూ ఆకట్టుకుంటుంది శృతి. తాజాగా తన తండ్రితోకలిసి ఉన్న ఫోటోలను షేర్ చేసింది ఈ పొడుగుకాళ్ల సుందరి. తండ్రి కమల్ హాసన్‌‌తో కలిసి దిగిన ఫోటోలను షేర్ చేసిన శృతి..ఆయన నా తండ్రి మాత్రమే కాదు నా ఫ్యావెరెట్ హ్యూమన్ అంటూ రాసుకొచ్చింది. ఇప్పుడు ఈ ఫోటోలు నెట్టింట వైరల్ అవుతున్నాయి.