Ram Charan RC 16: రామ్ చరణ్ సినిమా సెట్‌లోకి అడుగుపెట్టిన శివన్న.. లుక్‌ టెస్ట్ పూర్తి.. వీడియో చూశారా?

గ్లోబల్ స్టార్ రామ్ చరణ్, సంచలన దర్శకుడు బుచ్చి బాబు కలిసి RC 16 (వర్కింగ్ టైటిల్)ని ప్రారంభించిన సంగతి తెలిసిందే. ఈ చిత్రంలో బాలీవుడ్ బ్యూటీ జాన్వీ కపూర్ కథానాయికగా నటిస్తున్నారు. ఇక కరుణడ చక్రవర్తి శివ రాజ్‌కుమార్ కీలక పాత్రలో నటించనున్నారు. ఇటీవలే చిత్రబృందం శివన్న లుక్‌ టెస్ట్‌ని పూర్తి చేసింది. ఇక త్వరలోనే శివన్న షూటింగ్‌లో జాయిన్‌ కానున్నారు. అద్భుతమైన స్క్రీన్ ప్రెజెన్స్‌ ఉండే శివ రాజ్ కుమార్ ఈ చిత్రంలో ఓ కీలక పాత్రలో కనిపించబోతోన్నారు. RC 16 షూటంగ్ గత ఏడాది ప్రారంభించిన సంగతి తెలిసిందే. గత నవంబర్‌లో మైసూర్‌లో ఫస్ట్ షెడ్యూల్‌ను పూర్తి చేశారు. ఇక ఈ మధ్యే టీం హైదరాబాద్‌లో కీలక షెడ్యూల్‌ను ఫినిష్ చేసింది. ఈ చిత్రంలో జగపతి బాబు, బాలీవుడ్ నటుడు మీర్జాపూర్ ఫేమ్ దివ్యేందు ముఖ్య పాత్రలను పోషిస్తున్నారు.

ఆస్కార్ విన్నింగ్ మ్యూజికల్ కంపోజర్ ఏఆర్ రెహమాన్ ఈ సినిమా కోసం సంగీతాన్ని అందిస్తున్నారు. ప్రముఖ సినిమాటోగ్రాఫర్ రత్నవేలు కెమెరామెన్‌గా పని చేస్తున్నారు. అవినాష్ కొల్లా ప్రొడక్షన్ డిజైనర్‌గా వ్యవహరిస్తున్నారు. వృద్ధి సినిమాస్ బ్యానర్‌పై వెంకట సతీష్ కిలారు ఈ ప్రాజెక్టును నిర్మిస్తున్నారు. మైత్రీ మూవీ మేకర్స్, సుకుమార్ రైటింగ్స్ బ్యానర్లు సంయుక్తంగా ఈ చిత్రాన్ని సమర్పిస్తున్నాయి. కాగా  ఈ సినిమా షూటింగ్ కొన్ని నెలల క్రితం మైసూర్‌లోని చాముండేశ్వరి కొండలలో ప్రారంభమైంది. ఈ సినిమా షూటింగ్ ఇప్పటికే చాలా భాగం పూర్తయింది.

ఇవి కూడా చదవండి

బంగారం అక్రమ రవాణా కేసు.. కన్నడ నటికి 14 రోజుల జుడిషియల్ కస్టడీ

మూవీ లవర్స్‌కు బంపరాఫర్.. ఒక సినిమా టికెట్ కొంటే మరొకటి ఫ్రీ

పార్లమెంట్‌లోకి అడుగు పెట్టిన టాలీవుడ్ హీరోయిన్ రెజీనా.. ఫొటోస్

అనాథ పిల్లలతో పుట్టిన రోజు జరుపుకొన్న వరలక్ష్మి.. ఫొటోస్ వైరల్

ఆర్ సీ 16 సెట్ లో కన్నడ సూపర్ స్టార్ శివన్న.. వీడియో

Completed the look test of Karunada Chakravarthy @NimmaShivanna Garu for #RC16

▶️ https://t.co/4soT42UXeH

He is all set for a stunning makeover for his character, that will be both breathtaking and sensational 💥 He will be joining the shoot soon.#RamCharanRevolts Global… pic.twitter.com/4BjHcBxrpH

— Vriddhi Cinemas (@vriddhicinemas) March 5, 2025

కాగా ఆర్ సీ 16  సినిమాలోని కొన్ని సన్నివేశాలను దేశ రాజధాని ఢిల్లీ పార్లమెంట్‌లో కొన్ని సన్నివేశాలను చిత్రీకరించాలని బృందం ప్లాన్ చేస్తోంది. ఈ షెడ్యూల్ లో రామ్ చరణ్ తో పాటు శివరాజ్ కుమార్ కూడా పాల్గొంటారని తెలుస్తోంది. ఇప్పటికే పార్లమెంటులో షూటింగ్‌లకు అనుమతి కూడా  వచ్చిందని తెలుస్తోంది.  అలాగే  జామా మసీదులోనూ రామ్ చరణ్ సినిమా షూటింగ్ జరగనుందని తెలుస్తోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .