Ram Charan : అంచనాలు పెంచేస్తున్న చరణ్- శంకర్ సినిమా.. ఒక్క పాట కోసం భారీ ప్లాన్ చేసిన మేకర్స్..
రామ్ చరణ్.. ప్రస్తుతం వరుస పాన్ ఇండియా చిత్రాలను చేస్తున్నారు.. ప్రస్తుతం దర్శకధీరుడు రాజమౌళి తెరకెక్కిస్తున్న పాన్ ఇండియా
రామ్ చరణ్.. ప్రస్తుతం వరుస పాన్ ఇండియా చిత్రాలను చేస్తున్నారు.. ప్రస్తుతం దర్శకధీరుడు రాజమౌళి తెరకెక్కిస్తున్న పాన్ ఇండియా సినిమా ఆర్ఆర్ఆర్ మూవీలో చరణ్ నటిస్తున్న సంగతి తెలిసిందే. ఇందులో చరణ్తో ఎన్టీఆర్ సైతం లీడ్ రోల్ పోషిస్తున్నాడు. ఇక బాలీవుడ్ బ్యూటీ అలియా భట్.. ఒలివియా మోరీస్ హీరోయిన్లుగా నటిస్తున్నారు. ఇప్పటికే షూటింగ్ పూర్తిచేసుకున్న ఈ మూవీ ప్రస్తుతం పోస్ట్ ప్రొడక్షన్ పనులు జరుపుకుంటుంది. ఇదిలా ఉంటే.. ఈ సినిమాతోపాటే.. చరణ్.. సక్సెస్ ఫుల్ డైరెక్టర్ శంకర్ దర్శకత్వంలో ఓ సినిమా చేస్తున్నాడు.. ఈ సినిమాను దిల్ రాజు భారీ బడ్జెట్తో పాన్ ఇండియా లెవల్లో నిర్మిస్తున్నాడు.. ఇటీవలే ఈ సినిమా సెట్స్ పైకి వెళ్లింది.
శంకర్.. చరణ్ కాంబోలో తెరకెక్కుతున్న ఈ మూవీ పై అంచనాలు భారీగానే ఉన్నాయి.. ప్రస్తుతం ఈ సినిమా షూటింగ్ పూణేలో జరుగుతుంది. ఇందులో బాలీవుడ్ బ్యూటీ కియారా అద్వాని హీరోయిన్గా నటిస్తోంది. అయితే వీరిద్దరి మధ్య ఒక పాటను ఇప్పుడు చిత్రీకరించాలని ప్లాన్ చేస్తున్నారట మేకర్స్. అయితే తాజాగా వినిపిస్తున్న బజ్ ప్రకారం ఈ పాట కోసం 12 రోజులను కేటాయించారట. సాధారణంగా ఒక పాట చిత్రీకరణకు 3 రోజుల నుంచి 5 రోజుల సమయం తీసుకుంటారు. కానీ శంకర్ సినిమాల్లోని పాటలకు ప్రత్యేకత ఉంటుంది. ఆయన సినిమాలోని ప్రతి పాటలు భారీతనానికి నిదర్శనంగా నిలుస్తుంటాయి. ఒక్కపాటకు కోట్లలో బడ్జెట్ కేటాయిస్తారు.. ఇప్పుడు చరణ్, కియారా కాంబోలో ఉండనున్న పాట కూడా భారీ బడ్జెట్ తో తెరకెక్కిస్తున్నారట. ఇందులో అద్భుతమైన విజువల్స్ ఉండబోతున్నాయని అంటున్నారు..
Also Read: Megastar Chiranjeevi: మెగాస్టార్ కోసం దివ్యాంగుడి సాహసం.. ఏం చేశాడో తెలిస్తే ఆశ్చర్యపోతారు..
వర్మ రింగ్ మాస్టర్.. ఆసక్తికర కామెంట్స్ చేసిన మంచు మనోజ్.. హిలేరియస్ ఆన్సర్ ఇచ్చిన ఆర్జీవి..