RC15: అయ్య బాబోయ్.. ఒక్క పోస్టర్ కే ఇంత ఖర్చా ? అంచనాలు పెంచేస్తోన్న శంకర్-చరణ్ సినిమా..

మెగా పవర్ స్టార్ రామ్ చరణ్ ప్రస్తుతం.. రాజమౌళి దర్శకత్వంలో ఆర్ఆర్ఆర్ సినిమా చేస్తున్న సంగతి తెలిసిందే. ఇందులో చరణ్‏తోపాటు.. జూనియర్ ఎన్టీఆర్ లీడ్ రోల్ పోషిస్తున్నాడు. ఇప్పటికే షూటింగ్ పూర్తైన ఈ సినిమా వచ్చే నెలలో ప్రేక్షకుల ముందుకు రానుంది. ఇక ఈ మూవీ తర్వాత చరణ్.. పాన్ ఇండియా డైరెక్టర్ శంకర్ దర్శకత్వంలో ఓ సినిమా చేయనున్నాడు. RC15 అనే వర్కింగ్ టైటిల్‏తో ఈ సినిమా తెరకెక్కించబోతున్నట్లుగా ఇప్పటికే అధికారికంగా ప్రకటించారు మేకర్స్. భారీ బడ్జెట్‏తో పాన్ ఇండియా లెవల్లో రాబోతున్న ఈ మూవీని దిల్ రాజు నిర్మిస్తుండగా.. బాలీవుడ్ బ్యూటీ కియారా అద్వానీ హీరోయిన్‏గా నటిస్తుంది.

అయితే నిన్న ఈ మూవీకి పూజా కార్యక్రమాలను నిర్వహించి.. ఘనంగా ప్రారంభించారు. ఈ వేడుకకు చిరంజీవి, రాజమౌళితోపాటు.. బాలీవుడ్ యాక్టర్ రణవీర్ సింగ్ కూడా హజరయ్యారు. అయితే ఈ పూజా కార్యక్రమానికి సంబంధించి.. ఓ కాన్సెప్ట్ పోస్టర్‏ను పోస్టర్‏ను విడుదల చేసింది చిత్రయూనిట్. ఈ పోస్టర్ ప్రేక్షకులను విపరీతంగా ఆకట్టుకుంటుంది. అందులో డైరెక్టర్ శంకర్‏తోపాటు.. మొత్తం కాస్ట్ అండ్ క్రూడ్ టీం అంతా ఇందులో కనిపిస్తున్నారు. అందరూ షూట్స్ ధరించి… చేతిలో ఫైల్స్ పట్టుకుని స్టైలీష్‏గా నడుస్తూ వస్తున్న ఈ పోస్టర్ అభిమానులను తెగ ఆకట్టుకుంటుంది. అయితే ఎప్పుడు భారీ బడ్జెట్ సినిమాలే తెరకెక్కించే శంకర్.. ఈ సినిమాకు కూడా దాదాపు రూ.250 కోట్లు కేటాయించినట్లుగా సమాచారం. అయితే ఇప్పుడు శంకర్, రామ్ చరణ్ సినిమా కాన్సెప్ట్ పోస్టర్ గురించి నెట్టింట్లో పెద్ద చర్చ జరుగుతుంది. ఈ పోస్టర్ డిజైన్ కోసం ఏకంగా కోటి 73 లక్షలు రూపాయాలు ఖర్చు పెట్టినట్లుగా ఇండస్ట్రీలో టాక్ వినిపిస్తోంది. కేవలం ఒక్క పోస్టర్‍కే ఇంత ఖర్చు పెడితే.. ఇక సినిమాకు ఎంత ఖర్చు పెడతారో అన్న సందేహాలు వ్యక్తమవుతున్నాయి. ఈ సినిమా రెగ్యూలర్ షూటింగ్ వచ్చే నెలలో ప్రారంభం కానుంది.

We are coming !!!#RC15 #SVC50 Muhurtham Ceremony Today. @shankarshanmugh @AlwaysRamCharan@advani_kiara @MusicThaman @DOP_Tirru @ramjowrites @saimadhav_burra @SVC_official pic.twitter.com/VnwUtmPaXP

— Sri Venkateswara Creations (@SVC_official) September 8, 2021

Also Read: Tollywood Drugs Case: టాలీవుడ్‏ను కుదిపేస్తున్న డ్రగ్స్ కేసు.. ఈరోజు ఈడీ ముందుకు రవితేజ..

Nayantara: పెళ్లి తర్వాత కూడా నయన్ సినిమాల్లో నటిస్తుందా ? లేడీ సూపర్ స్టార్ షాకింగ్ కామెంట్స్..