Coolie Movie: వాట్ ఏ ఐడియా సర్ జీ.. రజనీ కాంత్ ‘కూలీ’ వెరైటీ ప్రమోషన్స్.. సినిమా హిస్టరీలోనే మొదటి సారిగా..
సూపర్ స్టార్ రజినీకాంత్ ప్రధాన పాత్రలో నటిస్తున్న చిత్రం కూలీ. ఇప్పటివరకు అపజయమెరుగని డైరెక్టర్ లోకేష్ కనగరాజ్ తెరకెక్కిస్తున్న ఈ చిత్రంలో అక్కినేని నాగార్జున, ఆమిర్ ఖాన్, ఉపేంద్ర, షౌబిన్ షాహిర్ తదితరులు కీలక పాత్రలు పోషిస్తున్నారు. పూజా హెగ్డే ఓ స్పెషల్ సాంగ్ లో సందడి చేసింది.
Updated on: Aug 02, 2025 | 8:20 AM
సినిమాను ప్రమోట్ చేయడానికి ఒక్కొక్కరూ ఒక్కో టెక్నిక్ ను ఉపయోగిస్తారు. ఇందుకోసం కొత్త కొత్త మార్గాలను అన్వేషిస్తున్నారు. కొందరు తమ సినిమా పోస్టర్లను వాటర్ బాటిళ్లపై అతికించి ప్రమోట్ చేస్తారు. అలాగే సినిమాల్లో విక్రియించే పాప్కార్న్ బాక్స్లు, కప్పులపై కూడా సినిమా పోస్టర్లను అతికించిన ఉదాహరణలు కూడా ఉన్నాయి. అయితే, ‘ కూలీ మూవీ ‘ సినిమా ఈ విషయంలో ఒక అడుగు ముందుకు వేసింది. ‘కూలీ’ సినిమాలో రజనీకాంత్ నటించగా, లోకేష్ కనగరాజ్ దర్శకత్వం వహించారు. ఈ సినిమా ఆగస్టు 14న విడుదల కానుంది. ఈ సినిమాను ప్రమోట్ చేయడానికి అమెజాన్ ప్రైమ్ వీడియోతో ఈ టీమ్ చేతులు కలిపింది. ‘కూలీ’ పోస్టర్ను అమెజాన్ ప్రైమ్ ద్వారా ప్రతి ఇంటికి డెలివరీ చేస్తారు. అంటే.. మీరు ఏదైనా అమెజాన్ లో ఆర్డర్ చేస్తే, బాక్స్ ‘కూలీ’ సినిమా పోస్టర్ రతో కవర్ అయ్యి ఉంటుంది. గతంలో, ‘కబాలి’ సినిమా రిలీజ్ సమయంలో ఆ సినిమా పోస్టర్ ను ఎయిర్ ఆసియా విమానంపై అతికించారు. ఇప్పుడు, ‘కూలీ’ అదే సరికొత్త రీతిలో ప్రచారం ప్రారంభించింది. ఇటీవల ఆన్లైన్లో ఆర్డర్ చేసే వారి సంఖ్య పెరిగింది. ఈ విధంగా, ‘కూలీ’ సినిమా పోస్టర్ అమెజాన్ ద్వారా ఆర్డర్ చేసే వారి ఇళ్లకు చేరుతుంది. ఈ సినిమాను ఆన్లైన్లోనూ, ఆఫ్లైన్లో ప్రమోట్ చేస్తారు. సినిమాను ప్రమోట్ చేయడానికి మూవీ టీమ్ ఒక ఈ-కామర్స్ కంపెనీని ఉపయోగించడం ఇదే మొదటిసారి.
కూలీ సినిమాలో రజనీకాంత్తో పాటు అక్కినేని నాగార్జున, ఉపేంద్ర, ఆమిర్ ఖాన్, సౌబిన్ షాహిర్ తదితరులు ప్రధాన పాత్రలు పోషిస్తున్నారు. అలాగే శృతి హాసన్, పూజా హెగ్డే, సత్యరాజ్ తదితరులు కూడా వివిధ పాత్రల్లో కనిపించనున్నారు. అనిరుధ్ రవిచందర్ ఈ చిత్రానికి సంగీతం అందించారు. సినిమా ప్రమోషన్లలో భాగంగా ఇవాళ (శనివారం ఆగస్టు 02) కూలీ ట్రైలర్ రిలీజ్ కానుంది. దీనిని చూసేందుకు రజనీ అభిమానులు వేయి కళ్లతో ఎదురు చూస్తున్నారు. ఇక జులై 04న కూలీ సినిమా గ్రాండ్ ప్రీ రిలీజ్ ఈవెంట్ జరగనుంది.
ఇవాళ సాయంత్రం కూలీ సినిమా ట్రైలర్..
Takeover Ottumothamey!💥 The much awaited #CoolieTrailer from tomorrow 7 PM 😎
Hindi | Sun Bangla – https://t.co/uGpMZeKj70#Coolie releasing worldwide August 14th @rajinikanth @Dir_Lokesh @anirudhofficial #AamirKhan @iamnagarjuna @nimmaupendra #SathyaRaj #SoubinShahir… pic.twitter.com/QkP56roBGb
— Pen Movies (@PenMovies) August 1, 2025
మరిన్ని సినిమా వార్తల కోసం ఇక్కడ క్లిక్ చేయండి.
