Ravi Kishan: ప్రముఖ నటుడు రవికిషన్ ఇంట తీవ్ర విషాదం.. సోదరుడి కన్నుమూత .. సీఎం సంతాపం
రవికిషన్ తల్లిదండ్రులకు ముగ్గురు సంతానం. కిషన్ శుక్లా పెద్దవాడు కాగా, రవికిషన్ రెండోవాడు. కిషన్ శుక్లాకు కొడుకు ఉండగా.. భార్య ఇప్పటికే మృతి చెందింది. రవి కిషన్ తమ్ముడి మరణంపై యూపీ సీఎం యోగీ ఆదిత్యనాథ్ సంతాపం తెలిపారు. ఆయన ఆత్మకు శాంతి చేకూరాలంటూ ట్వీట్ చేశారు.
ప్రముఖ నటుడు, బీజేపీ ఎంపీ రవికిషన్ ఇంట తీవ్ర విషాదం నెలకొంది. ఆయన సోదరుడు రామ్‌ కిషన్ శుక్లా సోమవారం గుండెపోటుతో మరణించారు. ఈ విషయాన్ని స్వయంగా రవికిషన్ సోషల్ మీడియా ద్వారా అభిమానులకు తెలియజేశారు. రామ్‌ కిషన్ శుక్లా ముంబైలోనే నివాసముంటూ రవికిషన్‌కు సంబంధించిన ప్రొడక్షన్‌ పనులు చూసుకుంటేవారు. అయితే ఆదివారం (ఫిబ్రవరి 7) రామ్‌ కిషన్ శుక్లా తీవ్ర అస్వస్థతకు గురయ్యాడు. దీంతో వెంటనే ఆయనను ముంబైలోని నానావతి ఆస్పత్రికి తరలించారు. అక్కడ పరీక్షించిన వైద్యులు అప్పటికే మరణించినట్లు ధ్రువీకరించినట్లు రవికిషన్ తెలిపాడు. ఈ విషయాన్ని సోషల్ మీడియాలో షేర్‌ చేసిన ఆయన తన సోదరుడి ఆత్మకు శాంతి చేకూరాలని ప్రార్థిస్తున్నట్లు తెలిపాడు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది. పలువురు సినీ, రాజకీయ ప్రముఖులు రవికిషన్‌కు సానుభూతి తెలియజేస్తున్నారు. రవికిషన్ తల్లిదండ్రులకు ముగ్గురు సంతానం. కిషన్ శుక్లా పెద్దవాడు కాగా, రవికిషన్ రెండోవాడు. కిషన్ శుక్లాకు కొడుకు ఉండగా.. భార్య ఇప్పటికే మృతి చెందింది. రవి కిషన్ తమ్ముడి మరణంపై యూపీ సీఎం యోగీ ఆదిత్యనాథ్ సంతాపం తెలిపారు. ఆయన ఆత్మకు శాంతి చేకూరాలంటూ ట్వీట్ చేశారు.
కాగా ఐకాన్‌ స్టార్‌ అల్లు అర్జున్‌ హీరోగా వచ్చిన రేసుగుర్రం చిత్రంలో విలన్‌గా ఆకట్టుకున్నాడు రవికిషన్. ఇందులో ఆయన పోషించిన ‘మద్దాలి శివారెడ్డి’ మంచి గుర్తింపు తీసుకొచ్చింది. ఆతర్వాత కిక్‌ 2, సుప్రీమ్‌, రాధ, లై, ఎన్టీఆర్‌ కథానాయకుడు, సాక్ష్యం, ఎమ్మెల్యే, 90 ఎమ్‌ఎల్‌, సైరా, హీరో తదితర సినిమాలతో తెలుగు ప్రేక్షకులకు బాగా చేరువయ్యాడు. అంతకు ముందు పలు హిందీ, భోజ్‌పురీ సినిమాల్లో పలు విభిన్నమైన పాత్రలు పోషించాడు. సినిమాల్లో ఉంటూనే రాజకీయాల్లోకి ఎంట్రీ ఇచ్చిన రవికిషన్ 2019 ఎన్నికల్లో గోరఖ్‌పూర్‌ నియోజకవర్గం నుంచి బీజేపీ ఎంపీగా గెలిచారు.
दुःखद …मेरे बड़े भाई श्री रामकिशन शुक्ला जी का अचानक ह्रदय गति रुकने के कारण मुंबई के नानावटी अस्पताल में दोपहर 12 बजे निधन हो गया है । महादेव से प्रार्थना है की अपने श्री चरणों में स्थान दे ओम् शान्ति शान्ति शान्ति ? pic.twitter.com/TViOuakWcl
— Ravi Kishan (@ravikishann) February 5, 2023
మరిన్ని సినిమా వార్తల కోసం క్లిక్ చేయండి..