Karthikeya 2 : కుర్ర హీరో సినిమా నయా రిలీజ్ డేట్.. కార్తికేయ 2 ప్రేక్షకుల ముందుకు వచ్చేది అప్పుడే..
కుర్ర హీరో నిఖిల్ కెరీర్ బిగినింగ్ నుంచి వైవిధ్యమైన కథలను ఎంచుకుంటూ సినిమాలు చేస్తూ దూసుకుపోతున్నాడు. స్వామిరారా, కార్తికేయ, ఎక్కడికిపోతావు చిన్నవాడా , అర్జున్ సురవరం వంటి సినిమాలతో సూపర్ హిట్స్ అందుకున్నాడు నిఖిల్.
కుర్ర హీరో నిఖిల్ కెరీర్ బిగినింగ్ నుంచి వైవిధ్యమైన కథలను ఎంచుకుంటూ సినిమాలు చేస్తూ దూసుకుపోతున్నాడు. స్వామిరారా, కార్తికేయ, ఎక్కడికిపోతావు చిన్నవాడా , అర్జున్ సురవరం వంటి సినిమాలతో సూపర్ హిట్స్ అందుకున్నాడు నిఖిల్. ప్రస్తుతం మూడు సినిమాలతో ప్రేక్షకుల ముందుకు రావడానికి రెడీ అవుతున్నాడు. వీటిలో కార్తికేయ 2(Karthikeya 2)ఒకటి. నిఖిల్ కెరీర్ లో బిగెస్ట్ హిట్ గా నిలిచిన కార్తికేయ సినిమాకు సీక్వెల్ గా ఈ మూవీ రాబోతుంది. ఈ సినిమా ప్రస్తుతం షూటింగ్ కంప్లీట్ చేసుకొని రిలీజ్ కు రెడీగా ఉంది. ఈ సినిమాకు డైరెక్టర్ చందు మొండేటి దర్శకత్వం వహిస్తున్న విషయం తెలిసిందే. . ఈ సినిమాకు సంబంధించిన పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఇక కార్తికేయ సినిమా నిఖిల్ కెరీర్ లో మైల్ స్టోన్ గా నిలిచిపోయింది. అంతకు మిచ్చిన ఆసక్తికర అంశాలతో ఈ సినిమాను తెరకెక్కిస్తున్నాడు దర్శకుడు చందు మొండేటి.
ఇక ఈ సినిమానుంచి విడుదలైన పోస్టర్లు, టీజర్, పాటలు సినిమా పై ఆసక్తిని పెంచేశాయి. అలాగే రీసెంట్ గ వచ్చిన ఈ సినిమా ట్రైలర్ అంచనాలను ఆకాశానికి చేర్చింది. కార్తికేయ సినిమాకు మించిన ట్విస్ట్ లు ఈ సినిమాలో ఉండనున్నాయని ట్రైలర్ చూస్తే అర్ధమవుతోంది. ఈ చిత్రంలో ముగ్ధ పాత్రలో అనుపమ పరమేశ్వరన్.. నిఖిల్ కి జంట‌గా న‌టిస్తుంది. . ప్రముఖ బాలీవుడ్ నటుడు అనుపమ్ ఖేర్ ఇందులో కీలక పాత్రలో నటిస్తున్నారు. తాజాగా ఈ సినిమా రిలీజ్ డేట్ ను అనౌన్స్ చేశారు మేకర్స్. ఆగస్టు 12న ప్రేక్షకుల ముందుకు తీసుకురానున్నారు. నిజానికి ఈ సినిమాను ఈ నెల 22న విడుదల చేయాలని అనుకున్నారు. కానీ అనుకోని కారణాల వల్ల సినిమా వాయిదా పడింది. మొత్తానికి ఈ మూవీ ఆగస్టు 12న విడుదల కానుంది. ఈ మేరకు రిలీజ్ డేట్ తో కూడిన ఓ మోషన్ పోస్టర్ ను రిలీజ్ చేశారు మేకర్స్.
మరిన్ని సినిమా వార్తల కోసం ఇక్కడ క్లిక్ చేయండి