S. Thaman: మ్యూజిక్ చేసినప్పుడు కీ బోర్డులు పగిలిపోయేవి.. తమన్ ఇంట్రస్టింగ్ కామెంట్స్
సర్కారు వారి పాట సినిమా సరికొత్త రికార్డులను తిరగరాస్తూ దూసుకుపోతోంది. ఈ సినిమా సూపర్ స్టార్ మహేష్ బాబు స్టామినా ఏంటో మరోసారి నిరూపించింది.
సర్కారు వారి పాట(Sarkaru Vaari Paata) సినిమా సరికొత్త రికార్డులను తిరగరాస్తూ దూసుకుపోతోంది. ఈ సినిమా సూపర్ స్టార్ మహేష్ బాబు(Mahesh Babu) స్టామినా ఏంటో మరోసారి నిరూపించింది. పరశురామ్ దర్శకత్వంలో వచ్చిన ఈ సినిమాలో మహానటి కీర్తిసురేష్ హీరోయిన్ గా నటించింది. సినిమా మొదటి షో నుంచే బ్లాక్ బస్టర్ టాక్ ను సొంతం చేసుకోవడంతో మహేష్ ఖాతాలో మరో హిట్ పడింది. వరుస విజయాలతో దూసుకుపోతున్న మహేష్ సర్కారు వారి పాట సినిమాతో అదిరిపోయే హిట్ ను సొంతం చేసుకున్నారు. ఈ సినిమా మంచి విజయం సాధించడంతో చిత్రయూనిట్ సక్సెస్ సెలబ్రేషన్ ను కర్నూల్ లో ఏర్పాటు చేశారు. ఈ కార్యక్రమంలో మ్యూజిక్ డైరెక్టర్ తమన్ మాట్లాడుత.. సినిమా పైన చిత్రయూనిట్ పైన ప్రశంసలు కురిపించారు. తమన్ మాట్లాడుతూ..
మహేష్ గారి ఫిగర్ క్లాస్.. కానీ ఆయనకి వచ్చే కలెక్షన్స్ మాత్రం మాస్ అన్నారు. ఈ సినిమాకి అనంత్ శ్రీరామ్ చక్కని సాహిత్యం అందించారని.. నిర్మాతలు నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట అద్భుతమైన సహకారం ఇచ్చారని అన్నారు తమన్. ఈ ఆల్బమ్ క్రెడిట్ దర్శకుడు పరశురాంకి ఇస్తాను. ఆయన లేకపోతే ఇంత చక్కని ఆల్బం వచ్చేది కాదు. మహేష్ బాబుగారి పై వున్న ఇష్టాన్ని పాటల్లో చూపించారు. ఈ సక్సెస్ కారణం మహేష్ బాబు గారే. ఆయన నింపిన ఎనర్జీ మామూలుది కాదు. మ్యూజిక్ చేసినప్పుడు కీ బోర్డులు పగిలిపోయేవి. అంత ఎనర్జీ ఆయనలో వుంది. దూకుడు నుండి మా ప్రయాణం. ఆయన ఒకొక్క సినిమాకి రేంజ్ పెంచుకుంటూ వెళుతున్నారు. ఇంత పెద్ద సక్సెస్ ఇచ్చిన ప్రేక్షకులకు థ్యాంక్స్ అని తమన్ చెప్పుకొచ్చారు.
మరిన్ని ఇక్కడ చదవండి :