Mahesh Babu: తనయుడు గౌతమ్ పుట్టిన రోజు.. ఇదే మొదటిసారంటూ మహేష్ బాబు ఎమోషనల్

టాలీవుడ్ సూపర్ స్టార్ మహేశ్ బాబు కుమారుడు గౌతమ్ పుట్టిన రోజు నేడు (ఆగస్టు 31). దీంతో సినీ ప్రముఖులతో పాటు సినీ అభిమానులు, నెటిజన్ల గౌతమ్ కు సోషల్ మీడియా ద్వారా బర్త్ డే విషెస్ తెలియజేస్తున్నారు. ఈ నేపథ్యంలో 20వ వసంతంలోకి అడుగుపెడుతున్న గౌతమ్‌కు బర్త్ డే విషెస్ చెబుతూ మ‌హేశ్ బాబు సోషల్ మీడియా వేదిక‌గా ఒక ఎమోషనల్ పోస్ట్‌ పెట్టాడు. ఫస్ట్ టైమ్.. ఈ ఏడాది నీ పుట్టినరోజును మిస్సవుతున్నా అంటూ మహేష్ అందులో రాసుకొచ్చారు. నీ ప్రతి అడుగులో నా ప్రేమ ఉంటుందని గౌతమ్ పై ప్రేమ కురిపించారు. ’19 ఏళ్ల నా కుమారుడు.. ప్రతి సంవత్సరం నన్ను కొంచెం ఎక్కువగానే ఆశ్చర్యపరుస్తున్నావ్. ఈ సంవత్సరం నీ పుట్టినరోజు మిస్ అవుతున్నా. నా ప్రేమ నీ ప్రతి అడుగులోనూ ఎప్పటికీ నీతోనే ఉంటుంది. నువ్వు చేసే ఏ పనిలోనైనా ఎల్లప్పుడూ నువ్వే అతిపెద్ద చీర్ లీడర్… ఎప్పటికీ ఇలాగే ప్రకాశిస్తూ, ఎదుగుతూ ఉండు’ అంటూ తన కుమారుడిపై ప్రేమకు అక్షర రూపమిచ్చాడు మహేష్. ఈ పోస్ట్ కు గౌతమ్ తో కలిసున్న ఒక త్రో బ్యాక్ ఫొటోను జత చేశాడీ సూపర్ స్టార్.

టాలీవుడ్ ప్రిన్స్ షేర్ చేసిన పోస్ట్ ప్రస్తుతం సామాజిక మాధ్యమాల్లో వైరల్ గా మారింది. ఈ ఫొటోలో మహేష్, గౌతమ్ చాలా క్యూట్ గా ఉన్నారు. ఇక సినిమాల విషయానికి వస్తే.. ప్రస్తుతం మహేష్ బాబు దర్శక ధీరుడు రాజమౌళి దర్శకత్వంలో ఓ సినిమా చేస్తున్నారు. యాక్షన్ అడ్వెంచర్ థ్రిల్లర్ గా తెరకెక్కుతోన్న ఈ మూవీలో బాలీవుడ్ బ్యూటీ ప్రియాంక చోప్రా హీరోయిన్ గా నటిస్తోంది. అలాగే పృథ్వీరాజ్ సుకుమారన్ లాంటి టాప్ స్టార్స్ ఈ మూవీలో నటించనున్నట్లు తెలుస్తోంది.  త్వరలోనే ఈ సినిమా నుంచి మరిన్ని అప్ డేట్స్ రానున్నాయి. .

ఇవి కూడా చదవండి

ముగ్గురు పిల్లలను కనాలని ఉంది..ఇంట్రెస్టింగ్ రీజన్ చెప్పిన జాన్వీ

బాలకృష్ణ గొప్ప మనసు.. వరద బాధితులకు భారీ విరాళం.. ఎంతంటే?

చనిపోతూ మరొకరి జీవితాల్లో వెలుగులు నింపిన అల్లు కనకరత్నమ్మ..

ఒకప్పుడు పెన్నులు అమ్మాడు..ఇప్పుడీ నటుడి నెల ఆదాయం 24 లక్షలు పైనే

మహేష్ బాబు ట్వీట్..

Happy 19 my son!! Each year you amaze me a little more… ♥️♥️♥️ Missing your birthday this year, the only one i have ever missed… my love is with you every step of the way….😘😘😘 Always your biggest cheerleader in whatever you do… keep shining and keep growing…🤗🤗🤗 pic.twitter.com/0bV51ZRR8S

— Mahesh Babu (@urstrulyMahesh) August 31, 2025

మరిన్ని సినిమా వార్తల కోసం ఇక్కడ క్లిక్ చేయండి.