Actress : 17 ఏళ్ల వయసులోనే బాడీ షేమింగ్ కామెంట్స్.. సొంతంగా ప్రైవేట్ జెట్.. ఆస్తులు రూ.130 కోట్లు..

వెండితెరపై అరంగేట్రం చేసిన చాలామంది హీరోయిన్లుగా ఎదగడం మాములు విషయం కాదు. కెరీర్ తొలినాళ్లల్లో అవమానాలు ఎదుర్కొన్నారు. కానీ ప్రతిసారి ఆత్మవిశ్వాసంతో వచ్చిన ప్రతి అవకాశాన్ని సద్వినియోగం చేసుకుంటూ తమ ప్రతిభను నిరూపించుకున్నారు. అలాంటి వారిలో ఈ హీరోయిన్ కూడా ఒకరు.

Shilpa Shetty

Rajitha Chanti |
Updated on: Jul 23, 2025 | 11:28 AM

సినీరంగంలోకి అడుగుపెట్టిన వెంటనే స్టార్ డమ్ రావడం.. సక్సెస్ కావడమంటే అతిశయోక్తి కాదు. నటీనటులుగా తమకంటూ ప్రత్యేక గుర్తింపు తెచ్చుకోవాలని ఎన్నో కలలతో ఇండస్ట్రీలోకి అడుగుపెడుతుంటారు. కానీ ఎక్కువగా తిరస్కరణలు, అవమానాలు, విమర్శలతో బాధపడిన తారలు చాలామంది ఉన్నారు. ఎన్నో అడ్డంకులు ఎదుర్కొని సూపర్ స్టార్లుగా మారిన హీరోయిన్స్.. ఇప్పుడు తమ కెరీర్ మొదటి రోజులను గుర్తుచేసుకుంటున్నారు. ఇప్పుడు మనం మాట్లాడుకుంటున్న ఓ హీరోయిన్.. సైతం 17 ఏళ్ల వయసులోనే నటిగా కెరీర్ స్టార్ట్ చేసింది. కానీ అప్పుడే బాడీ షేమింగ్ కామెంట్స్ రావడంతో మానసిక ఒత్తిడికి గురైంది. ఆమె మరెవరో కాదు.. హీరోయిన్ శిల్పా శెట్టి.

శిల్పా శెట్టి.. భారతీయ సినీప్రియులకు పరిచయం అవసరంలేని హీరోయిన్. కెరీర్ ప్రారంభంలో నిర్మాతల నుంచి అనేక తిరస్కరణను ఎదుర్కొంది. సినిమాల్లోకి అడుగుపెట్టిన మొదట్లో ఆమె చాలా అవమానాలను ఎదుర్కొందట. అయినప్పటికీ ఏమాత్రం వెనకడుగు వెయకుండా తన ప్రయత్నాలను వదులుకోలేదు. 17 ఏళ్లకే నటిగా కెరీర్ స్టార్ట్ చేశానని.. తాను ఓ ఫ్యాషన్ షోలో పాల్గొన్నప్పుడు ఒక ఫోటోగ్రాఫర్ తన ఫోటో తీసి ఫ్యాషన్ ఇండస్ట్రీకి పరిచయం చేశాడని తెలిపింది.

ఇవి కూడా చదవండి: Damarukam movie: ఢమరుకం మూవీ విలన్ గుర్తున్నాడా.. ? అతడి భార్య తెలుగులో క్రేజీ హీరోయిన్..

Shopping Mall : షాపింగ్ మాల్ సినిమాలో కనిపించిన ఈ అమ్మాయి ఎవరో తెలుసా..? ఇప్పుడేం చేస్తుందంటే..

యాక్టింగ్ స్టార్ట్ చేసినప్పుడు తన వయసు 17 ఏళ్లు మాత్రమే అని.. అప్పటికీ ఈ గ్లామర్ ప్రపంచం తనకు అర్థం కాలేదని తెలిపింది. హిందీలో మాట్లాడం, కెమెరా ముందు నిలబడడం కూడా రాలేదని తెలిపింది. ఎలాంటి కారణాలు లేకుండానే తనను సినిమాల నుంచి తీసేశారని.. శారీరక విమర్శలు చేస్తూ.. తనను వివక్షకు గురిచేశారని చెప్పుకొచ్చింది. ఆ తర్వాత వచ్చిన ప్రతి అవకాశాన్ని ఉపయోగించుకుంటూ తెలుగుతోపాటు హిందీలోనూ పలు సినిమాల్లో నటించింది. నివేదికల ప్రకారం శిల్పా శెట్టి ఆస్తులు రూ. 130 కోట్లు ఉంటుందట.