Keerthy Suresh: హైదరాబాద్‌లో కీర్తి సురేశ్‌.. అర్ధరాత్రి మాస్క్‌ పెట్టుకుని టిఫిన్‌ సెంటర్‌కు వెళ్లిన మహానటి
సర్కారువారిపాట, దసరా సినిమాలతో బ్యాక్‌ టు బ్యాక్‌ హిట్లు ఖాతాలో వేసుకుంది మహానటి కీర్తి సురేశ్‌. ముఖ్యంగా నాని హీరోగా వచ్చిన దసరా సినిమాలో కీర్తి అభినయానికి విమర్శకుల ప్రశంసలు దక్కాయి. సినిమా కూడా సూపర్‌ హిట్‌ కావడంతో కీర్తి సురేశ్‌కు మళ్లీ అవకాశాలు పెరుగుతున్నాయి. ఆమె చేతిలో ప్రస్తుతం పలు క్రేజీ ప్రాజెక్టులు ఉన్నాయి. అందులో మెగాస్టార్‌ చిరంజీవి భోళాశంకర్‌ కూడా ఒకటి.
సర్కారువారిపాట, దసరా సినిమాలతో బ్యాక్‌ టు బ్యాక్‌ హిట్లు ఖాతాలో వేసుకుంది మహానటి కీర్తి సురేశ్‌. ముఖ్యంగా నాని హీరోగా వచ్చిన దసరా సినిమాలో కీర్తి అభినయానికి విమర్శకుల ప్రశంసలు దక్కాయి. సినిమా కూడా సూపర్‌ హిట్‌ కావడంతో కీర్తి సురేశ్‌కు మళ్లీ అవకాశాలు పెరుగుతున్నాయి. ఆమె చేతిలో ప్రస్తుతం పలు క్రేజీ ప్రాజెక్టులు ఉన్నాయి. అందులో మెగాస్టార్‌ చిరంజీవి భోళాశంకర్‌ కూడా ఒకటి. మెహర్‌ రమేశ్‌ దర్శకత్వం వహిస్తోన్న ఈ సినిమాలో తమన్నా హీరోయిన్‌గా నటిస్తుండగా, చిరంజీవి చెల్లెలిగా కీలకమైన పాత్రలో కీర్తి కనిపించనుంది. ప్రస్తుతం ఈ మూవీ షూటింగ్ హైదరాబాద్‌లో జరుగుతోంది. ఇందుకోసం కొన్ని రోజులుగా సిటీలోనే ఉంటుందామె. తాజాగా తన టీమ్‌తో కలిసి నగరంలో చక్కర్లు కొట్టింది కీర్తి. ఇందులో భాగంగా గచ్చిబౌలిలోని వరలక్ష్మి టిఫిన్‌ సెంటర్‌కు వెళ్లింది. అక్కడ అందరితో కలిసి టిఫిన్‌ చేసింది. అలాగే తందూరీ టీని కూడా టేస్ట్‌ చేసింది. దీనికి సంబంధించిన ఫొటోలను ఆమేనే ఇన్‌స్టా స్టోరీస్‌లో షేర్‌ చేసింది. ‘ఈవీకెండ్ ఎంతో అద్భుతంగా గడిచింది’ అని దీనికి క్యాప్షన్‌ ఇచ్చింది. అయితే, బయటవాళ్లెవరూ తనను గుర్తు పట్టకుండా ఉండేందుకు కీర్తి సురేశ్‌. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి.
కాగా తమిళంలో సూపర్‌హిట్‌గా నిలిచిన అజిత్‌ వేదాళం తెలుగు రీమేక్‌గా భోళాంకర్‌ తెరకెక్కుతోంది. ఫ్యామిలీ యాక్షన్ ఎంటర్‌టైనర్‌గా రూపుదిద్దుకుంటోన్న ఈ మూవీ షూటింగ్ తుది దశకు చేరుకుంది. ఇప్పటికే విడుదలైన సినిమా స్టిల్స్‌ అభిమానులను ఎంతగానో ఆకట్టుకున్నాయి. ఆగస్టులో ఈ సినిమా విడుదలయ్యే అవకాశం ఉంది. భోళాశంకర్‌తో పాటు మామన్నన్‌, సైరన్‌, రివాల్వర్‌ రీటా వంటి క్రేజీ ప్రాజెక్టులు కీర్తి చేతిలో ఉన్నాయి.
మరిన్ని సినిమా వార్తల కోసం క్లిక్ చేయండి..