Ram Charan- Dhanush: రామ్ చరణ్ రిజెక్ట్ చేసిన కథతో ధనుష్ సినిమా.. కట్ చేస్తే 100 కోట్ల బ్లాక్ బస్టర్
సినిమా ఇండస్ట్రీలో కథలు చేతులు మారడమనేది కామన్. ఒక హీరో చేయాల్సిన సినిమా వివిధ కారణాలతో వేరే హీరో దగ్గరకు వెళ్లడం ఇక్కడ తరచూ జరుగుతుంటుంది. అలా చేతులు మారిన సినిమాలు ఒక్కోసారి సూపర్ హిట్ అవ్వచ్చు మరోసారి ఫ్లాప్ అవ్వచ్చు.
మెగా పవర్ స్టార్ రామ్ చరణ్ క్రేజ్ గురించి ప్రత్యేక పరిచయం అక్కర్లేదు. ఆర్ఆర్ఆర్ సినిమాతో ఆయన క్రేజ్ అమాంతం పెరిగిపోయింది. ప్రస్తుతం ఈ మెగా హీరోకు ప్రపంచ వ్యాప్తంగా అభిమానులు ఉన్నారు. గేమ్ ఛేంజర్ సినిమాతో బాక్సాఫీస్ రేసులో వెనకపడిన ఈ మెగా హీరో త్వరలోనే పెద్ది సినిమాతో ప్రేక్షకుల ముందుకు రానున్నాడు. బుచ్చిబాబు సనా తెరకెక్కించిన ఈ విలేజ్ స్పోర్ట్స్ డ్రామా ఇప్పటికే షూటింగ్ పూర్తి చేసుకుంది. జూన్ 04న ప్రపంచ వ్యాప్తంగా ఈ సినిమా రిలీజ్ కానుంది. ఇదిలా ఉంటే రామ్ చరణ్ తన సినిమా కెరీర్ లో కొన్ని హిట్ సినిమాలను మిస్ చేసుకున్నారు. కథ సూట్ కాకపోవడమో, డేట్స్ అడ్జెస్ట్ కాకపోవడమో తదితర కారణాలతో కొన్ని మంచి సినిమాలు వదులుకున్నారు. అందులో కోలీవుడ్ స్టార్ హీరో ధనుష్ నటించిన సార్ సినిమా కూడా ఉందట. వెంకీ అట్లూరి తెరకెక్కించిన ఈ సినిమా బాక్సాఫీస్ వద్ద బ్లాక్ బస్టర్ గా నిలిచింది. ఏకంగా 100 కోట్లకు పైగా కలెక్షన్లు సాధించింది. విద్యా వ్యవస్థలోని లోపాలను కళ్లకు కట్టినట్లు చూపించిన ఈ సినిమా విమర్శకుల ప్రశంసలు కూడా అందుకుంది.
అయితే సార్ సినిమా కథను దర్శకుడు మొదట మెగా పవర్ స్టార్ రామ్ చరణ్ కు వినిపించాడట. చెర్రీకి కూడా ఈ కథ తెగ నచ్చేసిందట. అయితే ఈ సినిమా మరీ క్లాస్ గా ఉండడం, అభిమానులకు నచ్చుతుందో? లేదో? అన్న అనుమానంతో చరణ్ ఈ ప్రాజెక్ట్ పై పెద్దగా ఇంట్రెస్ట్ చూపించలేదట. దీంతో ధనుష్ దగ్గరకు ఈ ప్రాజెక్ట్ వెళ్లిందట. అలా మొత్తానికి సార్ సినిమా పట్టాలెక్కడం, బ్లాక్ బస్టర్ అవ్వడం చకా చకా జరిగిపోయాయి. ప్రస్తుతం ఈ విషయం నెట్టింట బాగా వైరలవుతోంది. ఒకవేళ రామ్ చరణ్ ఈ సినిమా చేసి ఉంటే, మెగా అభిమానులు ఆశించే స్థాయి యాక్షన్, ఎలివేషన్స్ ఉండకపోవచ్చని, అందుకే రామ్ చరణ్ ఈ మూవీపై ఇంట్రెస్ట్ చూపించలేదని సినీ విశ్లేషకులు అభిప్రాయపడుతున్నారు.
మరిన్ని సినిమా వార్తల కోసం ఇక్కడ క్లిక్ చేయండి.