Mahesh Babu: మహేష్ బాబును అన్నా అని పిలిచిన ఏకైక హీరోయిన్ ఎవరో తెలుసా? సూపర్ స్టార్ సైతం అవాక్కయ్యాడట..
టాలీవుడ్ సూపర్ స్టార్ మహేష్ బాబు తన సినిమా కెరీర్ లో ఎంతో మంది హీరోయిన్లతో కలిసి నటించాడు. ప్రీతిజింటా, అమృతా రావు, బిపాసాబసు, కియారా అద్వానీ, ప్రియాంక చోప్రా లాంటి బాలీవుడ్ స్టార్ హీరోయిన్లు సైతం సూపర్ స్టార్ తో కలిసి స్క్రీన్ షేర్ చేసుకున్నారు.
తెలుగు సినిమా ఇండస్ట్రీలోనే కాదు భారతీయ సినిమా ఇండస్ట్రీలోనే ది మోస్ట్ హ్యాండ్సమ్ హీరో ఎవరంటే చాలా మంది మహేష్ బాబు పేరే చెబుతారు. 50 ఏళ్లకు చేరువవుతున్నా ఇప్పటికీ 20 ఏళ్ల కుర్రాడిగానే కనిపిస్తుంటాడు మహేష్. అందుకే అతనితో కలిసి నటించాలని బాలీవుడ్ హీరోయిన్లు సైతం ఎదురు చూస్తుంటారు. 1999లో రాజకుమారుడు సినిమాతో హీరోగా ఎంట్రీ ఇచ్చిన మహేష్ తన 27 ఏళ్ల సినిమా కెరీర్ లో ఎంతో మంది హీరోయిన్లతో కలిసి నటించాడు. టాప్ హీరోయిన్స్ తో రొమాన్స్ చేశాడు. ప్రీతిజింటా, సిమ్రాన్, సాక్షి శివానంద్, సోనాలీ బింద్రే, భూమిక, రక్షిత, త్రిష, ఇలియానా, అనుష్క, కాజల్ అగర్వాల్, శ్రియ, సమంత, ప్రణీత, తమన్నా, శ్రుతి హాసన్, రష్మిక, శ్రీలీల, పూజా హెగ్డే ఇలా ఎందరో స్టార్ హీరోయిన్స్ మహేష్ బాబుతో కలిసి నటించారు. ప్రీతిజింటా, బిపాసా బసు, సోనాలిబింద్రే, అమృతా రావు, కియారా అద్వానీ లేటెస్ట్ గా ప్రియాంక చోప్రా వంటి బాలీవుడ్ హీరోయిన్స్ సైతం మహేష్ తో రొమాన్స్ చేశారు. ఇక ఈ సూపర్ స్టార్ కు నమ్రతాతో వివాహమైనప్పుడు చాలా మంది అమ్మాయిలు ఫీలైపోయారు. ఇలా ఓ రేంజ్ లో లేడీస్ ఫ్యాన్ ఫాలోయింగ్ ఉన్న మహేష్ ను ఒక హీరోయిన్ అన్నా అని పిలిచిందట. ఆమె పిలుపునకు స్టార్ హీరో సైతం అవాక్కయ్యాడట. ఇంతకీ ఆమె ఎవరనుకుంటున్నారా?
2002లో మహేష్ నటించిన సినిమా బాబీ. దివంగత దర్శకుడు శోభన్ తెరకెక్కించిన ఈ సినిమాలో దివంగత హీరోయిన్ ఆర్తి అగర్వాల్ హీరోయిన్ గా నటించింది. ఈ సినిమా షూటింగ్ లో మహేష్ బాబు ను మొదటసారి చూసినప్పుడే అన్న అని పిలిచిందట ఆర్తి అగర్వాల్.దీంతో మహేష్ బాబు సైతం అవాక్కయ్యాడట. కారణం ఏంటి అంటే ఆర్తీ అగర్వాల్ వాళ్ల కజిన్ బ్రదర్ సైతం మహేష్ లానే ఉంటాడట. తన అన్నయ్య పోలికలతో ఉన్న మహేష్ ను చూడగానే ఆమెకు అలాంటి ఫీల్ కలిగిందని, అందుకే అలా పిలిచానని ఆర్తీ చిత్ర బృందంతో చెప్పుకొచ్చిందట. ఇక మహేష్ కూడా ఆర్తీ అగర్వాల్ ను కలిసి నీకు ఎలా పిలవాలనిపిస్తే అలా పిలువు అని చెప్పారట. మొత్తానికి అమ్మాయిల కలల రాకుమారుడైన మహేష్ ను అన్నా పిలిచిన ఏకైక హీరోయిన్ ఆర్తి అగర్వాలే అని చెప్పవచ్చు.
Aarthi Agarwal
మరిన్ని సినిమా వార్తల కోసం ఇక్కడ క్లిక్ చేయండి.