Tollywood: సినిమాలకు దూరమైన టాలీవుడ్ క్రేజీ హీరోయిన్.. ఇలా మారిపోయిందేంటి? ఎవరో గుర్తు పట్టారా?

ప్రభాస్, అల్లు అర్జున్, రవితేజ, గోపీచంద్, మంచు మనోజ్.. ఇలా టాలీవుడ్ స్టార్ హీరోలందరి సినిమాల్లో హీరోయిన్ గా నటించిందీ ముద్దుగుమ్మ. అందం, అభినయం పరంగా మంచి మార్కులు తెచ్చుకుంది. అయితే దురదృష్టవశాత్తూ హీరోయిన్ గా ఎక్కువ కాలం కెరీర్ కొనసాగించలేకపోయింది.

Tollywood Actress

Basha Shek |
Updated on: Jan 30, 2025 | 10:20 AM

పై ఫొటోలో ఉన్న టాలీవుడ్ హీరోయిన్ ను గుర్తు పట్టారా? ఢిల్లీకి చెందిన ఈ ముద్దుగుమ్మ మోడల్ గా కెరీర్ ప్రారంభించింది. 2009లో ఫెమీనా మిస్ ఇండియా ఫైనలిస్టుగా నిలిచింది. ఆ మరుసటి ఏడాదే అంటే 2010లో ఓ సూపర్ హిట్ సినిమాతో టాలీవుడ్ లోకి హీరోయిన్ గా ఎంట్రీ ఇచ్చింది. ఆ తర్వాత వరుస పెట్టి స్టార్ హీరోలతో స్క్రీన్ షేర్ చేసుకుంది. ప్రభాస్, అల్లు అర్జున్, రవితేజ, గోపీచంద్, మంచు మనోజ్, విక్రమ్, దర్శన్ వంటి దక్షిణాది స్టార్ హీరోల సినిమాల్లో కథానాయికగా నటించి మెప్పించింది. ఖాతాలో పలు సూపర్ హిట్స్ వేసుకుంది. అయితే ఇందులో చాలా సినిమాల్లో ఆమె సెకెండ్ హీరోయిన్ గానే నటించింది. దీనికి తోడు కొన్ని సినిమాలు బాక్సాఫీస్ వద్ద బోల్తా పడ్డాయి. దీంతో ఈ ముద్దుగుమ్మ సడెన్ గా సినిమాలకు దూరమైంది. 2012 తర్వాత మరే తెలుగు సినిమాలోనూ కనిపించలేదు. 2016లో చివరిగా ఒక హిందీ సినిమాలో కనిపించింది. వరుస పరాజయాలు పలకరించడంతో క్రమంగా సినిమా ఇండస్ట్రీకి దూరమైంది. ప్రస్తుతం సోషల్ మీడియాలో మాత్రమే దర్శనమిస్తోంది. తాజాగా ఈ అందాల తార బీచ్ లో ఎంజాయ్ చేస్తూ కనిపించింది. మరి ఈ ముద్దుగుమ్మ ఎవరో గుర్తు పట్టారా? ఆమె మరెవరో కాదు వేదం, మిరప కాయ్ సినిమాల హీరోయిన్ దీక్షా సేథ్.

సోషల్ మీడియాలోనూ..

2016లో సాత్ కదమ్ అనే హిందీ సినిమాలో చివరిగా కనిపించింది దీక్షా సేథ్. ఆ తర్వాత మరే చిత్రంలోనూ నటించలేదీ అందాల తార. అయితే సోషల్ మీడియా ద్వారా ఫ్యాన్స్ తో టచ్ లో ఉంటోంది. తన గ్లామరస్ అండ్ ఫ్యాషనబుల్ ఫొటోలను ఎప్పటికప్పుడు ఇన్ స్టా గ్రామ్ లో షేర్ చేస్తుంటుంది. అలా తాజాగా బీచ్ లో ఎంజాయ్ చేస్తున్న ఫొటోలను సోషల్ మీడియా షేర్ చేసింది దీక్ష. దీంతో ఇవి నెట్టింట తెగ వైరలైపోయాయి. వీటిని చూసిన నెటిజన్లు ఆశర్యపోతున్నారు. ‘ఈ బ్యూటీ అసలు దీక్షాసేతేనా .. ఇలా తయారైంది ఏంటి’ అంటూ కామెంట్స్ చేస్తున్నారు.

ఇవి కూడా చదవండి