Actress: అమ్మ బాబోయ్.. ఒక్క సినిమాతో ఇండస్ట్రీని షేక్ చేసిన హీరోయిన్.. రష్మిక, శ్రీలీలకు టెన్షన్ పుట్టిస్తోందిగా
పై ఫొటోలో ఎలాంటి మేకప్ లేకుండా ఎంతో న్యాచురల్‌గా కనిపిస్తోన్న ఈ అమ్మాయిని గుర్తు పట్టారా? ఈ అందాల తార ఇప్పుడు టాలీవుడ్ లేటెస్ట్ సెన్సేషన్. యూత్ కలల రాణి. ప్రస్తుతం ఎక్కడ చూసినా ఈ బ్యూటీ పేరే వినిపిస్తోంది. సోషల్ మీడియాలో సైతం సొగసరి ఫొటోలు, వీడియోలే. అలాగనీ ఈ ముద్దుగుమ్మ పెద్దగా సినిమాలు కూడా చేయలేదు. జస్ట్ ఒక సినిమాతో ఇండస్ట్రీ హాట్ టాపిక్ గా మారిపోయింది
పై ఫొటోలో ఎలాంటి మేకప్ లేకుండా ఎంతో న్యాచురల్‌గా కనిపిస్తోన్న ఈ అమ్మాయిని గుర్తు పట్టారా? ఈ అందాల తార ఇప్పుడు టాలీవుడ్ లేటెస్ట్ సెన్సేషన్. యూత్ కలల రాణి. ప్రస్తుతం ఎక్కడ చూసినా ఈ బ్యూటీ పేరే వినిపిస్తోంది. సోషల్ మీడియాలో సైతం సొగసరి ఫొటోలు, వీడియోలే. అలాగనీ ఈ ముద్దుగుమ్మ పెద్దగా సినిమాలు కూడా చేయలేదు. జస్ట్ ఒక సినిమాతో ఇండస్ట్రీ హాట్ టాపిక్ గా మారిపోయింది. సాధారణంగా సినిమా హీరోయిన్లు స్టేజ్ పై పెద్దగా డ్యాన్సులు గట్రా చేయరు. కానీ అందాల తార మాత్రం స్టేజ్ ఎక్కితే చాలు ఎంతో హుషారుగా, ఎనర్జిటిక్‌ గా డ్యాన్సులు చేస్తోంది. ఇలా తన అందం, డ్యాన్స్ తో ఇండస్ట్రీలో సంచలనంగా మారిన ఈ ముద్దుగుమ్మ మరెవరో కాదు రవితేజ ‘మిస్టర్ బచ్చన్’ హీరోయిన్ భాగ్యశ్రీ బోర్సే. ఇది ఆమె ఏడాది క్రితం నాటి ఫొటో. సినిమా రిలీజ్ నేపథ్యంలో భాగ్యశ్రీకి సంబంధించిన ఫొటోలు, వీడియోలను తెగ సెర్చ్ చేస్తున్నారు నెటిజన్లు. ఈ క్రమంలోనే ఈ ఫొటో తన ఇన్ స్టా గ్రామ్ ఖాతాలో లభ్యమైంది. షాక్, మిరపకాయ్ లాంటి సినిమాల తర్వాత మాస్ మహారాజ్ రవితేజ హీరోగా హరీష్ శంకర్‌ దర్శకత్వంలో తెరకెక్కిన మూడో చిత్రం మిస్టర్ బచ్చన్. పనోరమా స్టూడియోస్‌, టీ సిరీస్‌ సమర్పణలో టీజీ విశ్వ ప్రసాద్‌ ఈ సినిమాను నిర్మించారు. టీజర్స్, సాంగ్స్ ,ట్రైలర్ తో బజ్ క్రియేట్ చేసిన ఈ సినిమా స్వాంతంత్ర్య దినోత్సవం కానుకగా గురువారం (ఆగస్టు 15)న ప్రేక్షకుల ముందుకు వచ్చింది.
ఉత్తరాదికి చెందిన భాగ్యశ్రీకి సినిమా ఇండస్ట్రీలో పెద్దగా అనుభవం లేదు. ఇటీవల వచ్చిన హిందీ సినిమా ‘చందు ఛాంపియన్’లో హీరోయిన్ గా నటించిందీ అందాల తార. అంతకు ముందు యారియాన్ 2లో నటించారు. ఇక తెలుగులో మిస్టర్ బచ్చన్ తో ప్రేక్షకులను పలకరించిందీ ముద్దుగుమ్మ. సినిమాలో భాగ్యశ్రీ నటనకు మంచి ప్రశంసలు వస్తున్నాయి. రివ్యూయర్లు కూడా ఆమెకు మంచి మార్కులు వేస్తున్నారు. ఇక రవితేజకు పోటీగా డ్యాన్సుల్లో ఇరగదీసిందంటూ అభిమానులు, నెటిజన్లు కామెంట్లు చేస్తున్నారు.
Instagramలో ఈ పోస్ట్‌ని వీక్షించండి
ఇక సినిమాకు కూడా పాజిటివ్ టాక్ రావడంతో ఈ ముద్దుగుమ్మ ఖాతాలో మొదటి హిట్ పడినట్టేనంటున్నారు. మరి ఈ అమ్మడి భవిష్యత్తు ఎలా ఉండనుందో తెలియాల్సి ఉంది. అభిమానులు మాత్రం భాగ్య శ్రీ ఇండస్ట్రీని ఏలడం పక్కా అంటున్నారు.
Instagramలో ఈ పోస్ట్‌ని వీక్షించండి
మరిన్ని సినిమా వార్తల కోసం ఇక్కడ క్లిక్ చేయండి.
