Prithviraj Sukumaran: పృథ్వీరాజ్ మామూలోడు కాదు..! అతనిదగ్గర ఎన్ని కార్లు ఉన్నాయో తెలుసా..

Prithviraj Sukumaran

నటుడు పృథ్వీరాజ్ సుకుమారన్ పేరు ఇప్పుడు అన్ని ఇండస్ట్రీలో గట్టిగా వినిపిస్తుంది. మొన్నటివరకు మలయాళ ఇండస్ట్రీలోనే పృథ్వీరాజ్ పేరు వినిపించేది. ఇప్పుడు ఆయన పాన్ ఇండియా సినిమాలతో బిజీగా మారిపోయాడు. ఇటీవలే ప్రశాంత్ నీల్ దర్శకత్వంలో వచ్చిన సలార్ సినిమాలో కనిపించి మెప్పించాడు. ప్రభాస్ స్నేహితుడిగా ఈ సినిమాలో కనిపించాడు పృథ్వీరాజ్. ఇక పృథ్వీరాజ్ నటించిన రెండు సినిమాలు బ్యాక్ టు బ్యాక్ రిలీజ్ అయ్యాయి. ‘ఆడుజీవితం ’, ‘బడే మియా చోటే మియా’ సినిమాలు విడుదలై ప్రేక్షకులను ఆకట్టుకున్నాయి. తన నటనతో అందరి ప్రశంసలు అందుకుంటున్నాడు పృథ్వీరాజ్. ఆడు జీవితం సినిమా ప్రమోషన్ లో భాగంగా ఇంటర్వ్యూలు ఇస్తున్నాడు. తాజాగా ఓ ఇంటర్వ్యూలో తన భార్య సుప్రియా మీనన్‌తో జరిగిన ఓ ఫన్నీ సంఘటనను పంచుకున్నాడు.

పృథ్వీరాజ్ సుకుమారన్‌కి కార్లంటే విపరీతమైన మోజు. అయితే ఆయన భార్య సుప్రియ అలా కాదు. ఖరీదైన, లగ్జరీ కార్లంటే వారికి పెద్దగా ఇష్టం ఉండదట. పృథ్వీరాజ్ తన భార్యను సర్ ప్రైజ్ చేసేందుకు ఓ సారి ఫెరారీ కారులో వచ్చాడు. కానీ ఊహించని సీన్ జరిగిందట. ఈ విషయ గురించి పృథ్వీరాజ్ మాట్లాడుతూ.. ‘ నా భార్యకు ఎప్పుడూ కారు గురించే ఆలోచించడం ఇష్టం ఉండదు. ఆమెకు కార్లపై పెద్దగా ఆసక్తి లేదు. నేను ఒకప్పుడు స్కాట్లాండ్‌లో ఉన్నాను. అక్కడ  ఫెరారీ కారును కొన్నాను. ఆ కారు నిజంగా అద్భుతంగా ఉంది. రోడ్డు కూడా సూపర్ గా ఉంది. కారు నడపడంలో చాలా ఎంజాయ్‌ చేసేవాడిని’ అని పృథ్వీరాజ్‌ అన్నారు. అయితే భార్యకు ఆ కారు ఇష్టం లేదు

‘నేను ఈ కారులో రావద్దని నా భార్య గట్టిగా చెప్పింది. నా టీమ్ లోని ఒక వ్యక్తి మామూలు కారులో వెనుక వస్తున్నాడు. నేను ఆ కారు తీసుకొని.. అతనికి నా ఫెరారీ ఇచ్చాను..   అతను ఫెరారీ కారులో నన్ను ఫాలోయ్యాడు.సైలెంట్ గా ఆ కారును ఇంటికి తీసుకొచ్చాను అని తెలిపాడు. పృథ్వీరాజ్ సుకుమారన్‌కి కార్లంటే చాలా ఆసక్తి. పృథ్వీరాజ్ మొత్తం ఆస్తులు విలువ 54 కోట్ల రూపాయలు. పృథ్వీరాజ్ దగ్గర లంబోర్ఘిని ఉరస్, మెర్సిడెస్ AMG G63 ఉంది. దీనికి ‘0001’ అనే నంబర్ ప్లేట్ ఉంది. ఇది కాకుండా, రేంజ్ రోవర్ వోగ్, ల్యాండ్ రోవర్, డిఫెండర్, పోర్షా లాంటి కార్లు ఉన్నాయి.

మరిన్ని సినిమా వార్తల కోసం ఇక్కడ క్లిక్ చేయండి.