Dasara: ఆ ఒక్క కారణంతో దసరా సినిమాచేయలేదు.. నాని బ్లాక్ బస్టర్‌ను మిస్ చేసుకున్న హీరో ఎవరో తెలుసా..

Dasara

నేచురల్ స్టార్ నాని కెరీర్ లో బెస్ట్ సినిమాలు ఇవి అని చెప్పే వాటిలో దసరా సినిమా ఖచ్చితంగా ఉంటుంది. నాని మాస్ అవతార్ లో అదరగొట్టిన సినిమా ఇది. లవర్ బాయ్ గా ఉన్న నానికి మాస్ ఆడియన్స్‌కు మరింత దగ్గర చేసింది ఈ సినిమా.. శ్రీకాంత్ ఓదెల దర్శకత్వంలో తెరకెక్కిన ఈ సినిమాలో నానికి జోడీగా కీర్తిసురేష్ హీరోయిన్ గా నటించింది. తెలంగాణలోనిగోదావరిఖని ప్రాంతంలోని సింగరేణి బొగ్గు గనుల నేపథ్యంలో ఈ సినిమాను తెరకెక్కించాడు దర్శకుడు. ఈ సినిమాలో ఎప్పటిలానే నాని తన నటనతో ఆకట్టుకున్నాడు. ఇక మహానటి కీర్తిసురేష్ డీ గ్లామర్ లుక్ లో వెన్నెల పాత్రలో ఆకట్టుకుంది. స్నేహం, ప్రేమ లాంటి ఎమోషన్స్ తో తెరకెక్కిన ఈ సినిమా మంచి విజయాన్ని అందుకుంది.

ఇది కూడా చదవండి : Dookudu : ఇదెక్కడి అరాచకం రా మావ..!! దూకుడు టైటిల్ సాంగ్ బ్యూటీ దుమ్మురేపుతోందిగా..!

ఈ సినిమాలో దీక్షిత్ శెట్టి నాని స్నేహితుడిగా అద్భుతంగా నటించాడు.  అయితే ఈ పాత్రకు ముందుగా మరో హీరోను అనుకున్నాడట దర్శకుడు శ్రీకాంత్. ఆయన ఎవరో కాదు ప్రముఖ మ్యూజిక్ డైరెక్టర్, యాక్టర్ జీవి ప్రకాష్. ఏఆర్‌ రెహమాన్‌ మేనల్లుడిగా ఎంట్రీ ఇచ్చిన జీవి ప్రకాష్. సంగీత దర్శకుడిగా ఆకట్టుకుంటున్నాడు. తెలుగులో ‘డార్లింగ్‌’, ‘ఎందుకంటే ప్రేమంట!’ సినిమాలకు మ్యూజిక్ అందించాడు. ఇదిలా ఉంటే దసరా సినిమాతో జీవి ప్రకాష్ నటుడిగా తెలుగులో పరిచయం అవ్వాల్సింది కానీ మిస్ అయ్యిందంట.

ఇది కూడా చదవండి :దుల్కర్, విజయ్ ఎత్తుకున్న ఈ అమ్మాయి ఎవరో తెలుసా..? ఆమె బ్యాగ్రౌండ్ తెలిస్తే దిమ్మతిరగాల్సిందే

ఈ విషయాన్నీ ఆయనే స్వయంగా చెప్పారు. తాజాగా జీవి ప్రకాష్ మాట్లాడుతూ.. నాని నటించిన దసరా సినిమాలో నేను ఓ రోల్‌ ప్లే చేయాల్సి ఉంది. కానీ, డేట్స్‌ సర్దుబాటు కాకపోవడంతో నటించలేకపోయా.. మంచి కథ, పాత్రలో నటించే అవకాశం వస్తే ఈసారి తప్పకుండా చేస్తా అని చెప్పుకొచ్చారు జీవి ప్రకాష్. కాగా జీవి సంగీతం అందించిన అమరన్, లక్కీ భాస్కర్ సినిమాలు ఇటీవలే విడుదలై మంచి విజయాలను అందుకున్నాయి. అలాగే వరుణ్ తేజ్ నటిస్తున్న మట్కా సినిమాకు కూడా జీవినే సంగీతం అందించారు.

ఇది కూడా చదవండి :Kasthuri Shankar: హీరోయిన్ అవ్వాలని స్టార్ డైరెక్టర్‌కు పర్సనల్ ఫోటోలు పంపిన కస్తూరి.. ఆ దర్శకుడు ఎవరో తెలుసా..

మరిన్ని సినిమా వార్తల కోసం ఇక్కడ క్లిక్ చేయండి.