Sai Pallavi: బోనమెత్తిన సాయిపల్లవి.. నెట్టింట్లో ట్రెండ్‌ అవుతోన్న విరాటపర్వం డైరెక్టర్‌ ట్వీట్‌

Sai Pallavi

Bonalu 2022: తెలంగాణ సంస్కృతి, సంప్రదాయాలకు ప్రతీకగా బోనాల ఉత్సవాలను పరిగణిస్తారు. ఈ ప్రత్యేక రోజుల్లో ఆడపడుచులు ఎంతో అందంగా ముస్తాబై అమ్మవారికి బోనాలు సమర్పించి మొక్కులు తీర్చుకుంటారు. అలా ఈరోజు (జులై 24) భాగ్యనగరంలో ఆషాడం బోనాలు వేడుకగా జరుగుతున్నాయి. సామాన్యులతో పాటు వివిధ రంగాలకు చెందిన ప్రముఖులు అమ్మవారికి బోనాలు సమర్పిస్తున్నారు. ఇదిలా ఉంటే సినిమా వాళ్లకు కూడా బోనాల ఉత్సవాలు ఒక మెయిన్‌ పాయింట్‌. ఇప్పటికే చాలా సినిమాల్లో ఈ ఉత్సవాలకు సంబంధించిన సన్నివేశాలు, పాటలను పొందుపర్చి ఆకట్టుకున్నారు. అలా ఇటీవల వచ్చిన విరాటపర్వం సినిమాల్లోనూ బోనాల సన్నివేశాలతో తెలంగాణ ప్రజల సంస్కృతిని కళ్లకు కట్టినట్లు చూపించారు డైరెక్టర్‌ వేణు ఊడుగుల. దగ్గురాటి రానా, సాయిపల్లవి (Sai PallavI) ఈ సినిమాలో హీరోహీరోయిన్లుగా నటించారు. ఈ చిత్రంలో భాగంగా ఒక సన్నివేశంలో నటి సాయిపల్లవి లంగావోణి ధరించి అచ్చ తెలుగుదనం ఉట్టిపడేలా బోనం ఎత్తుకొస్తుంది. సినిమాలో ఈ సన్నివేశాలు హైలెట్‌గా నిలిచాయి.

ఈక్రమంలో బోనాల ఉత్సవాలను పురస్కరించుకుని డైరెక్టర్‌ వేణు విరాట‌ప‌ర్వం సినిమాలోని సాయిపల్లవి స్టిల్స్ ను సోషల్‌ మీడియాలో షేర్‌ చేశారు. ‘గ్రామీణ జీవన సంస్కృతికి,ప్రకృతికి, పర్యావరణానికి తెలంగాణ ఆడబిడ్డలు తీర్చుకునే మొక్కు బోనాల పండుగ! ఇది తెలంగాణ ప్రజల అస్తిత్వ పతాక’ అంటూ అందరికీ బోనాల పండగ శుభాకాంక్షలు తెలిపారు. తన పోస్టుకు #Happybonam అనే హ్యాష్‌ట్యాగ్‌ను జోడించారు. ప్రస్తుతం ఈ ట్వీట్‌ నెట్టింట్లో వైరలవుతోంది.

మరిన్ని సినిమా వార్తల కోసం క్లిక్ చేయండి..