Sukumar: రంగస్థలంలో సమంత ఫస్ట్ ఛాయిస్ కాదట.. అసలు విషయం చెప్పిన సుకుమార్

తొలి సినిమాతోనే సూపర్ హిట్ అందుకున్నాడు. ఆ తర్వాత వరుసగా సినిమాలు చేస్తూ ప్రేక్షకులను మెప్పించాడు సుకుమార్. ఇక ఇప్పుడు పుష్ప సినిమాతో పాన్ ఇండియా డైరెక్టర్ గా మారిపోయాడు సుకుమార్. ఈ క్రియేటివ్ డైరెక్టర్ దర్శకత్వంలో చాలా సూపర్ హిట్ సినిమాలు వచ్చాయి.

Samantha

Updated on: Apr 09, 2024 | 1:43 PM

టాలీవుడ్ ఇండస్ట్రీలో ప్రస్తుతం క్రియేటివ్ డైరెక్టర్ ఎవరు అంటే టక్కున చెప్పే పేరు సుకుమార్. అల్లు అర్జున్ ఆర్య సినిమాతో దర్శకుడిగా పరిచయం అయ్యాడు. తొలి సినిమాతోనే సూపర్ హిట్ అందుకున్నాడు. ఆ తర్వాత వరుసగా సినిమాలు చేస్తూ ప్రేక్షకులను మెప్పించాడు సుకుమార్. ఇక ఇప్పుడు పుష్ప సినిమాతో పాన్ ఇండియా డైరెక్టర్ గా మారిపోయాడు సుకుమార్. ఈ క్రియేటివ్ డైరెక్టర్ దర్శకత్వంలో చాలా సూపర్ హిట్ సినిమాలు వచ్చాయి. ఇక సుకుమార్ సినిమాల్లో రంగస్థలం సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. రంగస్థలం సినిమాలో సమంత హీరోయిన్ గా నటించింది. ఈ సినిమాలో సమంత డీ గ్లామర్ రోల్ లో నటించి మెప్పించింది. రామలక్ష్మి పాత్రలో అద్భుతంగా నటించింది సామ్.

పల్లెటూరి అమ్మాయిగా ఒదిగిపోయి నటించింది సామ్. ఈ సినిమాలో రామ్ చరణ్ కు ఎంత పేరు వచ్చిందో.. సామ్ కు కూడా అంతే పేరు వచ్చింది. అయితే సమంత నటన చూసి సుకుమార్ షాక్ అయ్యాడట. సమంత తప్పా ఆ పాత్రలో మరెవ్వరూ నటించలేరు అనేలా.. నటించింది సామ్. సమంత నటన గురించి సుకుమార్ మాట్లాడుతూ..

ఓ ఇంటర్వ్యూలో సుకుమార్ మాట్లాడుతూ.. ‘రంగస్థలం సినిమాలో రామ్‌ చరణ్‌ అద్భుతంగా నటించి మెప్పించాడు. రంగస్థలం సినిమా కథను రాసుకున్నా..కానీ సమంత చేసిన రామలక్ష్మీ పాత్రను మాత్రం ఆమె కోసం రాయలేదు. అందుకోసం ఒక కొత్త అమ్మాయిని తీసుకోవాలనుకున్నాం.. సినిమాలో హీరో హీరోయిన్ ఇద్దరు స్టార్స్‌ అయితే మేనేజ్‌ చేయలేనేమో అనుకున్నా.. సినిమా కథకు తగ్గట్టుగా.. తెలుగు వచ్చిన ఓ అమ్మాయిని తీసుకోవాలనుకున్నాం కానీ సమంత అయితే ఆ పాత్రకు సరిగ్గా సరిపోతుందని సామ్‌ను సెకల్ట్ చేశాం అని తెలిపారు సుకుమార్. సామ్ నటన చూసి షాక్ అయ్యాను.. అద్భుతంగా నటించి మెప్పించింది. నేను సినిమాలు చేసినంత కాలం సామ్ తో చేస్తా అని అన్నారు సుకుమార్.