Vijay Deverakonda: అవార్డును వేలం వేసిన విజయ్ దేవరకొండ.. ఆ డబ్బును ఏం చేశాడంటే
పరశురామ్ దర్శకత్వంలో ఈ సినిమా తెరకెక్కింది. గతంలో ఈ ఇద్దరి కాంబినేషన్ లో వచ్చిన గీతగోవిందం సినిమా మంచి విజయం సాధించిన విషయం తెలిసిందే.. ఇక ఇప్పుడు మరోసారి ఈ ఇద్దరూ ప్రేక్షకులను ఆకట్టుకోవడానికి రెడీ అయ్యారు. ఫ్యామిలీ స్టార్ సినిమాలో విజయ్ కు జోడీగా మృణాల్ ఠాకూర్ నటిస్తుంది. తెలుగులో మృణాల్ కు ఇది మూడో సినిమా..
![Vijay Deverakonda: అవార్డును వేలం వేసిన విజయ్ దేవరకొండ.. ఆ డబ్బును ఏం చేశాడంటే](https://images.tv9telugu.com/wp-content/uploads/2024/04/vijay-devarakonda-4.jpg?w=1280)
రౌడీ బాయ్ విజయ్ దేవరకొండ క్రేజ్ రోజు రోజుకు పెరుగుతోంది. యువతను ఆకట్టుకునే సినిమాలతో పాటు ఫ్యామిలీ ఆడియన్స్ ను ఆకట్టుకునే సినిమా చేస్తూ దూసుకుపోతున్నారు. ఖుషి సినిమాతో ప్రేక్షకులను ఆకట్టుకున్న విజయ్ దేవరకొండ ఇప్పుడు ఫ్యామిలీ స్టార్ గా ఆడియన్స్ ను అలరించడానికి రెడీ అవుతున్నాడు. పరశురామ్ దర్శకత్వంలో ఈ సినిమా తెరకెక్కింది. గతంలో ఈ ఇద్దరి కాంబినేషన్ లో వచ్చిన గీతగోవిందం సినిమా మంచి విజయం సాధించిన విషయం తెలిసిందే.. ఇక ఇప్పుడు మరోసారి ఈ ఇద్దరూ ప్రేక్షకులను ఆకట్టుకోవడానికి రెడీ అయ్యారు. ఫ్యామిలీ స్టార్ సినిమాలో విజయ్ కు జోడీగా మృణాల్ ఠాకూర్ నటిస్తుంది. తెలుగులో మృణాల్ కు ఇది మూడో సినిమా.. కాగా ఇప్పటికే ఫ్యామిలీ స్టార్ సినిమా నుంచి విడుదలైన పోస్టర్స్, టీజర్ ప్రేక్షకులను మెప్పించాయి.
ఇటీవల ఈ మూవీ ప్రమోషన్స్ లో భాగంగా విజయ్ గతంలో తన అవార్డును వేలం వేసిన విషయాన్నీ ప్రస్తావించాడు. విజయ్ ను స్టార్ ను చేసిన సినిమా అర్జున్ రెడ్డి. సందీప్ రెడ్డి వంగ దర్శకత్వంలో వచ్చిన ఈ సినిమా సంచలన విజయాన్ని సాధించింది. ఈ సినిమాలో విజయ్ తన నటనతో ప్రేక్షకులను మెప్పించాడు. ఈ సినిమాలో విజయ్ నటనకు గాను ఫిల్మ్ఫేర్లో ఉత్తమ నటుడి అవార్డును గెలుచుకున్నాడు.
అయితే ఈ అవార్డును 2019లో వేలం వేశాడు. తాజాగా ఓ ఇంటర్వ్యూలో ఈ విషయం గురించి మాట్లాడుతూ.. తనకు అవార్డులు అంటే ఇష్టం లేదని.. తనకు వచ్చిన అవార్డ్స్ లో కొన్ని ఆఫీస్ లో ఉంటే మరికొన్ని ఇంట్లో ఉన్నాయని తెలిపాడు. అలాగే తనకు వచ్చిన అవార్డును కూడా వేలం వేశానని తెలిపాడు విజయ్. 2019లో ఫిలిం ఫేర్ అవార్డును 5 లక్షలు వస్తే చాలు అని ఆన్ లైన్ లో వేలం మొదలు పెట్టారు.. కానీ ఆ అవార్డు 25 లక్షలకు శ్యామలా దేవి దక్కించుకున్నారు. ఆ డబ్బును సీఎం సహాయ నిధికి అందించాడు విజయ్. ఏప్రిల్ 5న ఫ్యామిలీ స్టార్ సినిమా విడుదలకానుంది.
విజయ్ దేవరకొండ ఇన్ స్టా..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.