Bigg Boss Telugu 9: నేను అతనితో ప్రేమలో ఉన్నా.. పెళ్లి మాత్రం చేసుకోను: బిగ్బాస్ ఫ్లోరా షైనీ
గతంలో పలు సూపర్ హిట్ సినిమాల్లో నటించిన ఆశా షైనీ అలియాస్ ఫ్లోరా షైనీ బిగ్ బాస్ తెలుగు సీజన్ 9లో కంటెస్టెంట్ గా ఎంట్రీ ఇచ్చింది. మొత్తం ఐదు వారాలు హౌస్ లో ఉండి ఎలిమినేట్ అయ్యింది. బయటకు వచ్చిన తర్వాత వరుసగా ఇంటర్వ్యూలు ఇస్తోన్న ఈ అందాల తార తన గురించి పలు ఆసక్తికర విషయాలు పంచుకుంది.
Updated on: Oct 15, 2025 | 1:15 PM
సాధారణంగా బిగ్ బాస్ నుంచి ఎలిమినేట్ అయినప్పుడు చాలా మంది తెగ బాధపడిపోతారు. ఏడుస్తారు. కానీ నటి లక్స్ పాప ఫ్లోరా షైనీ మాత్రం బిగ్ బాస్ హౌస్ నుంచి చిరునవ్వుతో బయటకు వచ్చేసింది. ఎలాంటి ఏడుపులు, పెడబొబ్బలు చేయలేదు. హౌస్ లో మొత్తం 5 వారాలున్న ఈ అందాల తార గేమ్స్ లు, టాస్కుల్లో పెద్దగా ప్రభావం చూపలేదు. హౌస్మేట్స్తోనూ పెద్దగా కలవదు. ఎంత సేపున్నా తన పనేదో తను చేసుకుపోయింది. అందుకే ప్రతి వారం ఎలిమినేషన్ దాకా వచ్చింది. కానీ త్రుటిలో మిస్ అయ్యింది. కానీ ఐదో వారం తక్కువ ఓటింగ్ రావడంతో బిగ్ బాస్ హౌస్ నుంచి ఎలిమినేట్ అయ్యింది. బహుశా.. తన ఎలిమినేషన్ గురించి ఫ్లోరా ముందుగా ఊహించిందేమో! కాగా బిగ్ బాస్ హౌస్ నుంచి బయటకు వచ్చేసిన లక్స్ పాప వరుసగా ఇంటర్వ్యూలు ఇస్తోంది. తన పర్సనల్ అండ్ ప్రొఫెషనల్ విషయాలను అందరితో పంచుకుంటోంది. అలాగే ప్రేమ, పెళ్లి గురించి పలు ఆసక్తికర విషయాలపై ఓపెన్ గా మాట్లాడింది.
‘నాకు బాయ్ఫ్రెండ్ ఉన్నాడు. కానీ పెళ్లి చేసుకునే ఉద్దేశం మాత్రం అసలు లేదు. ఎందుకంటే.. ప్రస్తుతం జనరేషన్ లో పెళ్లి చేసుకున్న రెండుమూడేళ్లకే విడాకులు అవుతున్నాయి. అలా నా ఫ్రెండ్స్ లో చాలా మందిని చూశాను. కాబట్టి వివాహం జోలికి వెళ్లకూడదనుకుంటున్నాను. ప్రస్తుతానికి రిలేషన్షిప్లోనే సంతోషంగా ఉంటున్నాను’ అని ఫ్లోరా షైనీ చెప్పుకొచ్చింది.
బిగ్ బాస్ లో ఫ్లోరా షైనీ..
View this post on Instagram
కాగా తెలుగుతో పాటు పలు హిందీ సినిమాల్లో హీరోయిన్ గా నటించింది ఫ్లోరా షైనీ అలియాలిస్ ఆశా షైనీ. ముఖ్యంగా నరసింహ నాయుడు చిత్రంలో ‘లక్స్ పాప.. లక్స్ పాప’ అంటూ ఆమె వేసిన స్టెప్పులు తెలుగు ఆడియెన్స్ కు ఇప్పటికీ గుర్తున్నాయి. తెలుగులో నువ్వు నాకు నచ్చావ్, నరసింహ నాయుడు, మనసున్న మారాజు, నవ్వుతూ బ్రతకాలిరా, ప్రేమతో రా, ఓ చిన్నదాన, అదృష్టం, సొంతం, ఒట్టేసి చెబుతున్నా, 143, సామి, బ్రోకర్ తదితర సినిమాల్లో నటించింది. హిందీలోనూ పలువురు స్టార్ హీరోలతో కలిసి యాక్ట్ చేసింది. అదే సమయంలో ఓ ప్రముఖ నిర్మాతను ఈ ముద్దుగుమ్మ ప్రేమించింది. కానీ అతను తనకు నరకం చూపించాడని పలు సందర్భాల్లో వాపోయిందీ అందాల తార.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
