Divya Nagesh: పెళ్లిపీటలెక్కిన ‘అరుంధతి’ ఛైల్డ్ ఆర్టిస్ట్.. ఫొటోస్ వైరల్.. జేజమ్మ భర్త మరెవరో కాదు..

Divya Nagesh Marriage

టాలీవుడ్ స్టార్ హీరోయిన్ అనుష్క శెట్టి నటించిన లేడీ ఓరియెంటెడ్ చిత్రం అరుంధతి. దివంగత దర్శకుడు కోడి రామకృష్ణ తెరకెక్కించిన ఈ మూవీ బ్లాక్ బస్టర్ గా నిలిచింది. జేజమ్మగా అనుష్క అభినయానికి ప్రేక్షకులు ముగ్దులయ్యారు. అయితే ఇదే సినిమాలో అనుష్క చిన్నప్పటి పాత్రలో ఒక పాప అద్బుతంగా నటించింది. తనే దివ్య నగేష్. అరుంధతి సినిమాలో నటనకు గానూ బెస్ట్ ఛైల్డ్ ఆర్టిస్టుగా నంది అవార్డు కూడా అందుకుంది దివ్య. ఆ తర్వాత సింగం పులి, అపరిచితుడు చిత్రాల్లోనూ నటించి మెప్పించింది. ఇక పెద్దయిన తర్వాత నటిగా కొన్ని సినిమాల్లోనూ యాక్ట్ చేసిన దివ్య తాజాగా తన జీవితంలో సరికొత్త ఆధ్యాయానికి శ్రీకారం చుట్టింది. తన మనసుకు నచ్చిన వాడితో కలిసి మూడుముళ్ల బంధంలోకి అడుగు పెట్టింది. గత ఐదేళ్లుగా సహనటుడు, కొరియోగ్రాఫర్ అజయ్ కుమార్ తో ప్రేమలో ఉన్న దివ్య.. ఈ ఏడాది జనవరిలో నిశ్చితార్థం చేసుకుంది. ఇప్పుడు తమ ప్రేమ బంధాన్ని మరింత ముందుకు తీసుకెళుతూ వైవాహిక బంధంలోకి అడుగు పెట్టారు. సోమవారం (ఆగస్టు 18)న దివ్య- అజయ్ కుమార్ ల వివాహం ఘనంగా జరిగింది. తమ పెళ్లికి సంబంధించిన ఫొటోలను ఈ ఇద్దరు ఎక్కడ అధికారికంగా షేర్ చేయలేదు. కానీ నెట్టింట మాత్రం
దివ్య పెళ్లి ఫోటోలు బాగా సోషల్ మీడియాలో వైరల్ అవుతున్నాయి. కేవలం ఇరు కుటుంబ సభ్యులు, స్నేహితులు, సన్నిహితుల సమక్షంలో దివ్య- అజయ్ కుమార్ ల పెళ్లి వేడుక జరిగినట్లు తెలుస్తోంది.

దివ్య నాగేష్ తన పెళ్లి ఫొటోలు షేర్ చేయకపోయినా ప్రీ వెడ్డింగ్ ఫోటోషూట్ కి సంబంధించిన ఫొటోలను సోషల్ మీడియాలో షేర్ చేసింది. అలాగే తన బ్యాచిలర్ పార్టీ పిక్స్ ను కూడా పంచుకుంది. ప్రస్తుతం ఈ ఫొటోలు నెట్టింట బాగా వైరలవుతున్నాయి. వీటిని చూసిన పలువురు సినీ ప్రముఖులు, అభిమానులు, నెటిజన్లు దివ్య- అజయ్ కుమార దంపతులకు అభినందనలు, శుభాకాంక్షలు తెలుపుతున్నారు.

ప్రీ వెడ్డింగ్ ఫొటో షూట్ లో భర్తతో నటి దివ్య నగేష్..

దివ్య- అజయ్ కుమార్ ల మరిన్ని ఫొటోస్..

మరిన్ని సినిమా వార్తల కోసం ఇక్కడ క్లిక్ చేయండి.