Arjun Das: ఆ క్రేజీ హీరోయిన్తో ప్రేమలో అర్జున్ దాస్! అసలు పెళ్లే చేసుకోనన్న అమ్మాయిని ఎలా పడేశాడబ్బా!
కోలీవుడ్ స్టార్ యాక్టర్ అర్జున్ దాస్ గురించి ప్రత్యేక పరిచయం అక్కర్లేదు. తమిళ నటుడే అయినప్పటికీ ప్రస్తుతం పలు తెలుగు సినిమాల్లోనూ నటిస్తున్నాడీ ట్యాలెంటెడ్ యాక్టర్. కేవలం యాక్టింగ్ పరంగానే కాకుండా అర్జున్ దాస్ గంభీరమైన గొంతుకు కూడా చాలా మంది అభిమానులు ఉన్నారు.
Updated on: Aug 24, 2025 | 2:44 PM
చెన్నైలో పుట్టి పెరిగాడు అర్జున్ దాస్. ఆ తర్వాత దుబాయ్ వెళ్లి అక్కడే బ్యాంక్ ఉద్యోగిగా స్థిర పడ్డాడు. అయితే సినిమాలపై మక్కువతో మళ్లీ ఇండియాకు తిరిగొచ్చేశాడు. ఏకంగా 40 కిలోల బరువును తగ్గించుకుని నటుడిగా ఎంట్రీ ఇచ్చాడు. 2015లో ఓ తమిళ సినిమాతో ఇండస్ట్రీకి పరిచయమయైన అర్జున్ దాస్ పలు సూపర్ హిట్ సినిమాల్లో నటించాడు. హీరోగా, సహాయక నటుడిగా, విలన్ గా .. ఇలా అన్ని పాత్రలతోనూ ఆకట్టుకున్నాడు. ముఖ్యంగా లోకేష్ కనగరాజ్ తెరకెక్కించిన మాస్టర్, విక్రమ్ సినిమాల్లో అర్జున్ దాస్ యాక్టింగ్ అద్దిరిపోయింది. ఆక్సిజన్, బుట్టబొమ్మ లాంటి స్ట్రెయిట్ తెలుగు సినిమాల్లోనూ నటించిన ఈ నటుడు ప్రస్తుతం పవన్ కల్యాణ్ ఓజీలోనూ ఓ కీలక పాత్ర పోషిస్తున్నారు. కోలీవుడ్ లో హ్యాండ్సమ్ యాక్టర్లలో ఒకరైన అప్పుడప్పుడు లవ్, డేటింగ్ విషయాలతోనూ వార్తల్లో నిలుస్తుంటాడు. ముఖ్యంగా ఒక ప్రముఖ హీరోయిన్ తో అతను ప్రేమలో ఉన్నాడంటూ రూమర్లు వినిపిస్తుంటాయి. గతంలో ఇదే తరహా గుసగుసలు వినిపించగానే వాటిని అర్జున్ దాస్ ఖండించారు. సదరు హీరోయిన్, తాము మంచి స్నేహితులమంటూ వివరణ ఇచ్చాడు. ఇప్పుడు మళ్లీ అర్జున్ దాస్ ప్రేమ వ్యవహారం కోలీవుడ్ సర్కిల్ లో హాట్ టాపిక్ గా మారింది. దీనికి కారణం లేకపోలేదు.
ప్రముఖ దర్శకుడు బాలాజీ మోహన్ తెరకెక్కిస్తోన్న ఓ వెబ్ సిరీస్ లో అర్జున్ దాస్ ఆ క్రేజీ హీరోయిన్ కలిసి నటిస్తున్నారు. దీంతో మరోసారి వీరి లవ్ రూమర్లు నెట్టింట వైరలవుతున్నాయి. వీరిద్దరూ ప్రేమలో ఉండటం వల్లే కలిసి వెబ్ సిరీ్సలో నటించారంటూ పలువురు కామెంట్స్ చేస్తున్నారు. ఇంతకీ అర్జున్ దాస్ పడిపోయింది ఎవరికో తెలుసా? హీరోయిన్ ఐశ్వర్య లక్ష్మి. మట్టి కుస్తీ తో పాటు పలు సినిమాలతో తెలుగు ఆడియెన్స్ కు చేరువైన ఈ అందాల తారతో అర్జున్ ప్రేమలో ఉన్నట్లు కోలీవుడ్ మీడియాలో వార్తలు వస్తున్నాయి. ప్రజెంట్ ఐశ్వర్య లక్ష్మి తెలుగులో సాయి ధరమ్ తేజ్ సరసన సంబరాల ఏటి గట్టు సినిమాలో నటిస్తోంది.
ఐశ్వర్య లక్ష్మి ఇన్ స్టా గ్రామ్ పోస్ట్..
View this post on Instagram
కాగా గతంలో లవ్, డేటింగ్ , మ్యారేజ్ లపై పలు ఆసక్తికర కామెంట్స్ చేసింది ఐశ్వర్య లక్ష్మి. అసలు తానే పెళ్లి చేసుకోనంటూ షాకింగ్ స్టేట్మెంట్ ఇచ్చింది. మరి అలాంటి స్టేట్ మెంట్ ఇచ్చిన ఐశ్వర్య ప్రేమలో పడిందా? లేదా? అన్నది ఇద్దరిలో ఎవరో ఒకరు స్పందిస్తే గాని క్లారిటీ రాదు.
సాయి ధరమ్ తేజ్ సినిమాలో..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
