Allu Arjun: మాట నిలబెట్టుకున్న అల్లు అర్జున్.. మానసిక దివ్యాంగురాలి బ్యాంక్ ఖాతాలో డబ్బులు జమ చేసిన బన్నీ

Allu Arjun

ఇటీవల ఆంధ్రప్రదేశ్‌లోని కాకినాడ జిల్లా వేట్లపాలెంలో జరిగిన బాణసంచా పేలుళ్ల ఘటనలో భాగంగా దాదాపు 23 మంది ప్రాణాలను కోల్పోయిన సంగతి తెలిసిందే. మరికొందరు తీవ్రంగా గాయపడ్డారు. ఇదే పేలుడు ప్రమాదంలో కడింపల్లి దుర్గ దుర్గ అనే మానసిక దివ్యాంగురాలు తన తండ్రిని కోల్పోయింది. అంతకు ముందే ఆమె తల్లి కూడా తీవ్ర అనారోగ్యంతో కన్నుమూసింది. దీంతో దుర్గ అనాథలా మిగిలిపోయింది. ఈ విషయం తెలుసుకున్న అల్లు అర్జున్ దుర్గను ఆదుకునేందుకు ముందుకొచ్చారు. కేవలం ఒకసారి ఆర్థిక సాయం చేసి చేతులు దులుపు కోకుండా జీవితాంతం ఆమెకు ఆర్థిక భరోసా కల్పించేలా నిర్ణయం తీసుకున్నాడు ఐకాన్ స్టార్. ఇందులో భాగంగా ప్రతినెల ఆ మహిళకు 7500 రూపాయల ఆర్థిక సహాయం చేస్తానని ప్రకటించారు. దీంతో అల్లు అర్జున్ పై సర్వత్రా ప్రశంసలు కురిశాయి. ఇప్పుడు అల్లు అర్జున్ మాట ఇవ్వడమే కాకుండా ఆ మాట నిలబెట్టుకున్నారు. గత నెలలో చెప్పినట్లుగానే బన్నీ మొదటి నెల కడింపల్లి దుర్గకు 7500 నేరుగా తన బ్యాంకు ఖాతాలో జమ చేశారు. ఇందుకు సంబంధించిన విషయాన్ని సోషల్ మీడియా వేదికగా షేర్ చేస్తూ అల్లు అర్జున్ కు కృతజ్ఞతలు తెలిపారు. దీనిని బన్నీ ఫ్యాన్స్ కూడా నెట్టింట షేర్ చేస్తూ తెగ వైరల్ చేసేస్తున్నారు.

కాగా అల్లు అర్జున్ కేవలం దుర్గకు మాత్రమే కాకుండా ఇటీవల సినీనటి పావలా శ్యామలకు కూడా ఆర్థిక భరోసా కల్పించిన సంగతి తెలిసిందే. ప్రతి నెలా ఆమె బ్యాంక్ ఖాతాలో డబ్బులు జమ చేస్తానని బన్నీ భరోసా ఇచ్చారు. ఇక సినిమాల విషయానికి వస్తే.. ప్రస్తుతం కోలీవుడ్ స్టార్ డైరెక్టర్ అట్లీ కుమార్ దర్శకత్వంలో ఓ సినిమా చేస్తున్నాడు అల్లు అర్జున్. ఇందులోబాలీవుడ్ బ్యూటీ దీపికా పదుకొణె హీరోయిన్ గా చేస్తోంది. సన్ పిక్చర్స్ సంస్థ సుమారు రూ. 800 కోట్లతో ఈ సినిమాను నిర్మిస్తోంది. దీంతో పాటు మరో కోలీవుడ్ స్టార్ డైరెక్టర్ లోకేశ్ కనగరాజ్ డైరెక్షన్ లోనూ ఓ సినిమా చేయడానికి కమిట్ అయ్యాడు బన్నీ. త్వరలోనే ఈ రెండు సినిమాల నుంచి అప్డేట్స్ రానున్నాయి.

మానసిక దివ్యాంగురాలి బ్యాంక్ ఖాతాలో డబ్బులు జమ..

మరిన్ని సినిమా వార్తల కోసం ఇక్కడ క్లిక్ చేయండి.