Akhil Akkineni : అతడిని నేను ఎప్పటికీ మర్చిపోను.. అయ్యగారే నం.1 మీమ్ పై అఖిల్ రియాక్షన్ ఇదే..

అక్కినేని అఖిల్ ప్రస్తుతం నటిస్తున్న చిత్రం లెనిన్. ఈ సినిమాను జూలై 10న విడుదల చేయనున్నారు. దీంతో కొన్ని రోజులుగా ఈ మూవీ ప్రమోషన్లు వేగంగా నిర్వహిస్తుంది చిత్రయూనిట్. ఈ క్రమంలోనే పలు ఇంటర్వ్యూలలో పాల్గొన్న అఖిల్.. తన సినీ ప్రయాణం, సినిమాల గురించి ఆసక్తికర విషయాలు చెప్పుకొచ్చారు. ఇటీవల ఓ ఇంటర్వ్యూలో తన అభిమానులతో తనకున్న అనుబంధం, నెం.1 అనే పదంపై తన ఆలోచనలు, భవిష్యత్ లక్ష్యాల గురించి లోతుగా పంచుకున్నారు. అభిమానులు ఒక నటుడికి ఎంతటి బలాన్ని ఇస్తారో ఈ ఇంటర్వ్యూలో అఖిల్ వివరించారు. సచిన్ టెండూల్కర్ అభిమాని సునీల్ కుమార్ చౌదరి మాదిరిగానే, అయ్యగారే నెం.1 అనే అభిమాని కూడా విస్తృత గుర్తింపు పొందడం పట్ల అఖిల్ ఆశ్చర్యం వ్యక్తం చేశారు. ఈ అభిమాని చూపించిన ప్రేమ, ఆయనకు వచ్చిన వైరల్ గుర్తింపు అఖిల్ జీవితంలో ఒక భాగమయ్యాయి. ట్రైలర్ లాంచ్‌లో అభిమాని చూపిన అపారమైన ఉత్సాహం, జెండా విసరడం వంటి సంఘటనలను గుర్తు చేసుకున్నారు. “ఎక్కడికి వెళ్లినా అయ్యగారు, అయ్యగారు అని పిలుస్తున్నారు” అని చెబుతూ, ఈ గుర్తింపు తనకు ఎంత అదృష్టమో, ఆశీర్వాదమో తెలియజేశారు. తన తండ్రి నాగార్జునకి “కింగ్” అనే బిరుదు ఉన్నప్పటికీ, “అయ్యగారు” అనే పదం తనకంటూ ప్రత్యేకమైన, సహజసిద్ధమైన గుర్తింపును ఇచ్చిందని అఖిల్ అన్నారు.

ఎక్కువ మంది చదివినవి :  Sunil: ఖలేజా సినిమా చేస్తున్నప్పుడు మహేష్ నాతో చెప్పిన మాట అదే.. నా గుండెను తాకింది.. సునీల్ కామెంట్స్..

అయ్యగారే నెం.1 అనే నినాదం అభిమానులలో ఎంతటి ఆశలను నింపిందో అని అన్నారు. అయితే, “నెం.1” అనే లక్ష్యం తనకు సరికాదని ఆయన స్పష్టం చేశారు. “నెం.1” అనేది ఒక వ్యక్తికి ఒకటిగా, మరొకరికి వందగా ఉండగల అభిప్రాయం మాత్రమేనని ఆయన అన్నారు. అభిమాని చూపే ప్రేమ, ఉత్సాహం, ఊపు తనలోని శక్తిని పెంచుతుందని, దానిని తన విజయం వైపు నడిపిస్తుందని అఖిల్ నమ్ముతారు. ఆ అభిమాని అంతటి ప్రేమ చూపిస్తున్నప్పుడు, వారిని నిరాశపరచకూడదనే బాధ్యత, ఒత్తిడి తనపై ఉందని ఆయన ఒప్పుకున్నారు. జై బాలయ్య వంటి ట్యాగ్‌లైన్‌లకు ధీటుగా అయ్యగారే నెం.1 అనే ప్రత్యేక నినాదం తనతో శాశ్వతంగా నిలిచిపోతుందని అఖిల్ సంతోషంగా చెప్పారు.

ఎక్కువ మంది చదివినవి : Tollywood: ఇంట్లోకి వెళ్లగానే సావిత్రిగారిని అలా చూసి ఏడ్చేశా.. మనిషి చిన్నగా అయిపోయి.. టాలీవుడ్ నటి కామెంట్స్..

తన చిత్రాలైన హలో, మిస్టర్ మజ్ను, మోస్ట్ ఎలిజిబుల్ బ్యాచిలర్ గురించి కూడా చర్చించారు. ఈ సినిమాల్లోని చిన్ను, హర్ష వంటి పాత్రలు అమ్మాయిలకు ఎంతటి గౌరవాన్ని, ప్రేమను ఇస్తాయో, ఒక ఆదర్శవంతమైన వ్యక్తిత్వం ఎలా ఉండాలో చూపించాయని అన్నారు. ముఖ్యంగా మోస్ట్ ఎలిజిబుల్ బ్యాచిలర్లో హర్ష పాత్ర ప్రతి అమ్మాయి కల అని పేర్కొన్నారు. తన వ్యక్తిగత జీవితంలో తాను సిగ్గుపడే వ్యక్తి అని, భావోద్వేగాలను ఎక్కువగా వ్యక్తం చేయనని అఖిల్ తెలిపారు.

ఎక్కువ మంది చదివినవి : Arundhati Movie: అరుంధతి సినిమాను రిజెక్ట్ చేసి తప్పు చేశాను.. అతడు మాటలు విని వదిలేశా.. టాలీవుడ్ హీరోయిన్..

ఎక్కువ మంది చదివినవి : Murali Mohan: ఆ హీరోలాంటి మనిషి ఇంకొకరు ఉండరు.. పద్మ శ్రీ వచ్చిందని తెలిసి ఏమన్నారంటే.. మురళి మోహన్..