Meena: ఆ హీరోతో లింక్‌ పెట్టడం బాధించింది.. రెండో పెళ్లి వార్తలపై మరోసారి స్పందించిన నటి మీనా
ఎంతో ఆనందంగా సాగుతున్న మీనా జీవితంలో గతేడాది తీవ్ర విషాదం చోటు చేసుకుంది. ఆమె భర్త విద్యాసాగర్‌ అనారోగ్యంతో కన్నుమూశాడు. ఈ విషాదం నుంచి కోలుకోవడానికి మీనాకు చాలా కాలమే పట్టింది. అయితే ఇదే సమయంలో మీనాపై కొన్ని రూమర్లు పుట్టుకొచ్చాయి. మీనా మళ్లీ పెళ్లి చేసుకోనుందని పుకార్లు షికార్లు చేశాయి.
ఛైల్డ్‌ ఆర్టిస్టుగా వెండితెరకు పరిచయమైంది మీనా. ఆ తర్వాత స్టార్‌ హీరోయిన్‌గా మారింది. చిరంజీవి, బాలకృష్ణ, నాగార్జున, వెంకటేష్‌, రజనీ కాంత్, మమ్ముట్టి, మోహన్‌లాల్‌ లాంటి దక్షిణాది స్టార్‌ హీరోలతో జోడి కట్టి అగ్ర కథానాయికగా గుర్తింపు తెచ్చుకుంది. స్టార్‌ హీరోయిన్‌గా సుమారు మూడు దశాబ్దాల పాటు సినిమా ఇండస్ట్రీని ఏలిన మీనా కెరీర్‌ పీక్స్‌లో ఉండగానే పెళ్లి చేసుకుంది. వ్యాపార వేత్త విద్యాసాగర్‌తో కలిసి వైవాహిక బంధంలోకి అడుగుపెట్టింది. వీరికి నైనికా అనే పాప ఉంది. ఎంతో ఆనందంగా సాగుతున్న మీనా జీవితంలో గతేడాది తీవ్ర విషాదం చోటు చేసుకుంది. ఆమె భర్త విద్యాసాగర్‌ అనారోగ్యంతో కన్నుమూశాడు. ఈ విషాదం నుంచి కోలుకోవడానికి మీనాకు చాలా కాలమే పట్టింది. అయితే ఇదే సమయంలో మీనాపై కొన్ని రూమర్లు పుట్టుకొచ్చాయి. మీనా మళ్లీ పెళ్లి చేసుకోనుందని పుకార్లు షికార్లు చేశాయి. వీటిని ఎప్పటికప్పుడు ఖండిస్తూ వస్తోన్న మీనా మరోసారి తన రెండో పెళ్లి వార్తలపై స్పందించింది. అలాగే తన ప్రొఫెషనల్‌ అండ్‌ పర్సనల్‌ లైఫ్ గురించి ఆసక్తికర విషయాలు పంచుకుంది.
‘ నా భర్తకు లంగ్‌ ట్రాన్స్‌ప్లాంట్‌ చేయాల్సింది. అయితే చికిత్స ఆలస్యమైంది. దీంతో పరిస్థితి చేజారిపోయింది. ఆయన వెళ్లిపోయిన బాధలో నుంచి ఇప్పుడిప్పుడే కోలుకుంటున్నాను. అయితే నా భర్త చనిపోయిన రెండు నెలలకే నేను రెండో పెళ్లి చేసుకోబోతున్నానని సామాజిక మాధ్యమాల్లో వార్తలు వచ్చాయి. అలాగే హీరో ధనుష్‌తో కూడా లింక్‌ చేశారు. చాలామందితో సంబంధం అంటగట్టారు. వీటిని చదివి నా కుటుంబీకులు ఎంత బాధపడుతారో కూడా ఆలోచించట్లేదు. ఇలాంటి పుకార్లను చూసి నాకు చాలా కోపం వచ్చింది. అయితే మీడియా ముందుకు రావడం నాకే మాత్రం ఇష్టం లేదు.ఇప్పట్లో మళ్లీ పెళ్లి చేసుకోవాలన్న ఆలోచన మాత్రం అసలు లేదు. అలాగనీ రేపు ఏం జరుగుతుందనేది నేను ఊహించలేను’ అని చెప్పుకొచ్చింది మీనా.
క్రిస్మస్ సెలబ్రేషన్స్ లో నటి మీనా..
ముత్తు రీ రిలీజ్.. థియేటర్లలో మీనా సందడి..
సీనియర్ నటీమణులతో మీనా..
మరిన్ని సినిమా వార్తల కోసం ఇక్కడ క్లిక్ చేయండి.