Lavanya Tripathi: చెప్పిన తేదీ కంటే ముందే వచ్చేస్తోన్న అందాల రాక్షసి.. లావణ్య హ్యాపీ బర్త్ డే రిలీజ్ డేట్ ఫిక్స్..

Lavanya Tripathi

తెలుగు చిత్రపరిశ్రమలో అందాల రాక్షసి లావణ్య త్రిపాఠి (Lavanya Tripati). మొదటి సినిమాతోనే అందం, అభినయంతో ఆకట్టుకున్న ఈ ముద్దుగుమ్మ.. ఆ తర్వాత వరుస ఆఫర్లు అందుకుంటూ సక్సెస్ ఫుల్ గా దూసుకుపోతుంది. గత కొద్ది రోజులుగా ఈ అమ్మడు ఖాతాలో సరైన హిట్టు పడలేదు.. దీంతో ఇప్పుడు ఈ అమ్మడు ఆశలన్నీ హ్యాపీ బర్త్ డే సినిమా పైనే ఉన్నాయి.. హ్యాపీ బర్త్ డే అనే ఇంట్రస్టింగ్ టైటిల్ తో రానున్న ఈ సినిమాకు మత్తువదలరా.. ఫెమ్ రితేష్ రానా దర్శకత్వం వహిస్తున్నారు. ఇప్పటికే విడుదలైన ఈ సినిమా పోస్టర్లు ప్రేక్షకులను ఆకట్టుకున్నాయి. ఇక ఇటీవల విడుదలైన టీజర్ సైతం ప్రేక్షకులను ఆకట్టుకుంది.

అయితే ఈ సినిమాను జూలైన 15న విడుదల కానున్నట్లు గతంలోనే ప్రకటించింది చిత్రయూనిట్. తాజాగా ఈ మూవీ రిలీజ్ డేట్ విషయంలో మేకర్స్ కాస్త వెనక్కు తగ్గారు. అనుకున్న సమయం కంటే ఒక వారం ముందుగానే ఈ మూవీని రిలీజ్ చేయనున్నట్లుగా అనౌన్స్ చేశారు. అంటే జూలై 15కు రావాల్సిన హ్యాపీ బర్త్ డే సినిమా ఇప్పుడు జూలై 8న థియేటర్లలో సందడి చేయనుంది. ఈ చిత్రాన్ని క్లాప్ ఎంటర్‌టైన్‌మెంట్ సంస్థ ప్రముఖ నిర్మాణ సంస్థ మైత్రీ మూవీ మేకర్స్‌తో కలిసి నిర్మిస్తుంది. నవీన్ ఎర్నేని, రవిశంకర్ యలమంచిలి సమర్పణలో చిరంజీవి (చెర్రి), హేమలత పెదమల్లు ఈ చిత్రాన్ని నిర్మిస్తున్నారు. నరేష్ ఆగస్త్య, సత్య, వెన్నెల కిషొర్, గుండు సుదర్శన్ తదితరులు ముఖ్యపాత్రల్లో నటిస్తున్న ఈ మూవీకి కాల భైరవ సంగీతం అందిస్తున్నారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.