హిందీ భాషకు తాను వ్యతిరేకం కాదని.. కానీ తమిళ భాషకి అడ్డుపడితే ఎదుర్కోవడానికి సిద్ధంగా ఉన్నానన్నారు తమిళ్ స్టార్ హీరో కమల్ హాసన్ (Kamal Hasaan).. ఆయన ప్రధాన పాత్రలో నటించిన విక్రమ్ సినిమా ప్రస్తుతం అన్ని కార్యక్రమాలు పూర్తిచేసుకుని జూన్ 3న విడుదల కానుంది. డైరెక్టర్ లోకేష్ కనకరాజ్ దర్శకత్వం వహించిన ఈ సినిమాలో ఫహద్ ఫాజిల్, విజయ్ సేతుపతి, సూర్య కీలకపాత్రలలో నటించగా.. అనిరుధ్ రవి చంద్రన్ సంగీతం అందించారు. కమల్ స్వీయ నిర్మాణంలో తెరకెక్కిన ఈ మూవీ జూన్ 3న విడుదల కానుంది. ఈ సినిమా ప్రమోషన్లలో భాగంగా ట్రైలర్, పాటల విడుదల కార్యక్రమంలో పాల్గోన్న కమల్ హాసన్ హిందీ వివాదంపై స్పందించారు.
ఈ సందర్భంగా కమల్ హాసన్ మాట్లాడుతూ..” సినిమాలు.. రాజకీయాలు.. రెండు కవల పిల్లలు.. అదే నేను చేస్తున్నాను.. తమిళం వర్థిల్లాలి అని చెప్పడం నా బాధ్యత.. దీనికి ఎవరు అడ్డువచ్చినా ఎదుర్కొవడానికి సిద్ధంగా ఉన్నాను. దీనికి రాజకీయాలకు ఎలాంటి సంబంధం లేదు.. ఎవరు కూడా మాతృభాషను మరవకూడదు.. హిందీకి వ్యతిరేకినని నేను చెప్పను.. అలాగే గుజరాతీ.. చైనీస్ భాషలు కూడా మాట్లాడండి.. చివరి సమయంలో నటుడు సూర్య మాకు సహకరించారు.. ఆయనకు కృతజ్ఞతలు.. సినీ పరిశ్రమలో నా తొలి గురువు శివాజీ గణేషన్.. రెండవ గురువు గీత రచయిత వాలి.. వారివల్లే నేను ఇక్కడ నిలబడి మాట్లాడుతున్నాను” అంటూ చెప్పుకొచ్చారు.