Babu Mohan : ఇండస్ట్రీనే శాసించిన హీరోయిన్.. పిచ్చోళ్లే ఆమె గురించి చెడుగా చెప్తారు.. బాబు మోహన్..
నటుడు బాబు మోహన్ ఓ ఇంటర్వ్యూలో దివంగత సినీయర్ నటితో తన అనుబంధాన్ని పంచుకున్నారు. ఆమెను గొప్ప డ్యాన్సర్, అత్యంత గౌరవనీయమైన వ్యక్తి అని అన్నారు.. ఆమె అహంకారి అనే రూమర్ ఖండిచారు. . మద్రాసులో ఆమె ఇంటికి వెళ్ళిన ఒక సంఘటనను గుర్తుచేసుకుంటూ, మేకప్ లేకుండా సాధారణ దుస్తుల్లోనే తన ఇంటిని చూపించిందంటూ పలు ఆసక్తికర విషయాలను వెల్లడించారు.
నటుడు బాబు మోహన్ దివంగత నటి సిల్క్ స్మితతో తనకున్న అనుబంధాన్ని, ఆమె వ్యక్తిత్వాన్ని వివరంగా పంచుకున్నారు. సిల్క్ స్మితను సాధారణంగా హీరోలతోనే చేసేదని, అయితే తనతో కలిసి చాలా పాటలు చేశారని బాబు మోహన్ గుర్తుచేసుకున్నారు. ఆమె క్రేజ్కు కేవలం తెరపైనే కాకుండా, ఆమె వ్యక్తిగత ప్రవర్తన, అంకితభావం కూడా కారణమని ఆయన స్పష్టం చేశారు. ఆమె గర్వంతో ఉంటుందనే అపోహలను బాబు మోహన్ తోసిపుచ్చారు, ఆమెను “పిచ్చివాళ్ళు” మాత్రమే అలా అంటారని పేర్కొన్నారు. సిల్క్ స్మిత అత్యంత డిగ్నిఫైడ్, మంచి స్వభావం కల మహిళ అని బాబు మోహన్ వివరించారు. ఆమె సెట్స్లో చాలా క్వైట్, స్ట్రిక్ట్గా తన పని చేసుకునేవారని తెలిపారు. అయితే, తనతో మాత్రం “బాస్” అని ఆత్మీయంగా పిలుస్తూ మాట్లాడేవారని చెప్పారు. వారిద్దరి ఆన్స్క్రీన్ కెమిస్ట్రీ ఎంతగానో వర్కవుట్ అయ్యేదని, ఆఫ్ స్క్రీన్ కూడా మంచి స్నేహితులుగా ఉండేవారని బాబు మోహన్ అన్నారు. తాను ఆమెను, ఆమె తనను చాలా ఇష్టపడేవారని, వారి మధ్య గౌరవం, ఆప్యాయత ఉండేవని ఆయన వెల్లడించారు. సిల్క్ స్మిత తన కంటే సీనియర్ అని కూడా బాబు మోహన్ పేర్కొన్నారు.
ఎక్కువ మంది చదివినవి : Gopichand : జయం సినిమాకు నాకు ఇచ్చిన రెమ్యునరేషన్ అంతే.. ఎలా ఖర్చు చేశానంటే.. గోపిచంద్ కామెంట్స్..
ఒకసారి మద్రాసులో చిరంజీవి, రోజా సినిమా షూటింగ్లో ఉండగా, సిల్క్ స్మిత తనను “ఏయ్ బాస్!” అని పిలిచిందని బాబు మోహన్ ఒక సంఘటనను గుర్తుచేసుకున్నారు. మేకప్ లేకుండా, చిన్న షార్ట్, టీ-షర్ట్తో ఉన్న ఆమెను మొదట గుర్తించలేదని, ఆ వీధిలోని వారికి ఆమె సినిమా నటి అని కూడా తెలియదని ఆయన ఆశ్చర్యం వ్యక్తం చేశారు. షూటింగ్ పూర్తయిన తర్వాత, సిల్క్ స్మిత తన చేయి పట్టుకొని “మన ఇల్లు ఇదే” అని చెబుతూ తన ఇంటికి తీసుకెళ్లిందని తెలిపారు.
ఎక్కువ మంది చదివినవి : Sekhar Kammula : ఆ సినిమా తీసి తప్పు చేశాను.. అది ఒక పొరపాటు మాత్రమే.. డైరెక్టర్ శేఖర్ కమ్ముల కామెంట్స్..
సిల్క్ స్మిత తన ఇంటిని ఎంత సుందరంగా, అద్భుతంగా అలంకరించుకుందో బాబు మోహన్ వివరించారు. ఇల్లంతా ఆమె డిజైన్ చేసుకున్నదని, ప్రత్యేకమైన డ్రెస్సులతో, కుండలతో గోడలను అలంకరించుకుందని చెప్పారు. “నేనే చేశాను బాస్, మా ఇల్లు ఎలా ఉంది?” అని ఆమె అడిగిందని, దానికి తాను “చాలా బాగుంది బాస్” అని చెప్పానని తెలిపారు. ఇల్లంతా ఒక ప్యాలెస్ లాగా ఉందని, ముఖ్యంగా ఆమె బెడ్ రూమ్ మరింత బాగుందని బాబు మోహన్ పంచుకున్నారు. ఈ సంఘటన జరిగిన రెండు మూడు నెలలకే సిల్క్ స్మిత మరణించారని చెబుతూ, ఆత్మీయుడిని కోల్పోయినట్లుగా తాను భావించానని ఆయన తీవ్ర విచారం వ్యక్తం చేశారు. తమ ఇద్దరికీ ఫ్రెండ్షిప్పులు చేయడానికి సమయం లేనప్పటికీ, కలుసుకున్నప్పుడు మాత్రం ఆత్మీయంగా మాట్లాడుకునేవారని బాబు మోహన్ వివరించారు. సిల్క్ స్మిత చాలా షిఫ్ట్లు, స్పెషల్ సాంగ్స్, క్యారెక్టర్స్ చేస్తూ చాలా బిజీగా ఉండేవారని ఆయన తెలిపారు.
ఎక్కువ మంది చదివినవి : Tollywood : రూ.5 వేలకు స్కూల్లో టీచర్.. ఇప్పుడు ఒక్కో సినిమాకు కోట్లలో రెమ్యునరేషన్.. పాన్ ఇండియా గ్లామరస్ హీరోయిన్..
ఎక్కువ మంది చదివినవి : Krishna Vamsi : రమ్య కృష్ణతో ప్రేమ, పెళ్లికి ఆ పాటనే కారణం.. డైరెక్టర్ కృష్ణ వంశీ..