Pushpaka Vimanam: లేచి పోయిన భార్య ప్లేస్లో మరో భార్యను తెచ్చిన చిట్టిలంక సుందర్.. ‘పుష్పక విమానం’ కొత్త ప్రోమో చూశారా.?
Pushpaka Vimanam: ఆనంద్ దేవరకొండ హీరోగా తెరకెక్కుతోన్న చిత్రం 'పుష్పక విమానం'. ‘దొరసాని’, ‘మిడిల్క్లాస్ మెలొడీస్’తో విజయ్ దేవరకొండ సోదరుడిగా కాకుండా తనకంటూ ఓ ప్రత్యేక గుర్తింపును సొంతం చేసుకున్నాడు ఆనంద్..
Updated on: Nov 11, 2021 | 5:00 PM
Pushpaka Vimanam: ఆనంద్ దేవరకొండ హీరోగా తెరకెక్కుతోన్న చిత్రం ‘పుష్పక విమానం’. ‘దొరసాని’, ‘మిడిల్క్లాస్ మెలొడీస్’తో విజయ్ దేవరకొండ సోదరుడిగా కాకుండా తనకంటూ ఓ ప్రత్యేక గుర్తింపును సొంతం చేసుకున్నాడు ఆనంద్. ఇక పుష్ఫక విమానంతో నటుడిగా ఆనంద్ మరో మెట్టు ఎక్కేందుకు సిద్ధమవుతున్నాడు. ఇప్పటికే ఈ చిత్రానికి సంబంధించి విడుదలైన పాటలు, ట్రైలర్ సినిమాపై అంచనాలు భారీగా పెంచేశాయి. పెళ్లి గురించి ఎన్నో కలలు కన్న ఓ కుర్రాడు.. తీరా వివాహం అయిన కొద్ది రోజులకే భార్య వదిలేసి పోతే అప్పుడు సమాజం నుంచి ఆ కుర్రాడికి ఎలాంటి ప్రశ్నలు ఎదురయ్యాయి. లేచి పోయిన భార్య గురించి ఎవరికీ చెప్పుకోకుండా ఎలాంటి బాధను అనుభవించాడు.? లాంటి కథాంశంతో తెరకెక్కిన ఈ సినిమా ప్రేక్షకుల్లో క్యూరియాసిటీ పెంచేసింది.
దామోదర దర్శకత్వం వహిస్తున్న ఈ సినిమాలో ఆనంద్కు జోడిగా శాన్వీ మేఘన నటిస్తోంది. ఆనంద్ ఈ సినిమాలో చిట్టిలంక సుందర్ అనే పాత్రలో నటిస్తున్నాడు. ఈ చిత్రాన్ని నవంబర్ 12 విడుదల చేయనున్నారు. దీంతో సినిమా విడుదలకు ఇంకా కొన్ని గంటలే మిగిలి ఉన్న నేపథ్యంలో చిత్ర యూనిట్ మరో ప్రోమోను విడుదల చేసింది. ట్రైలర్ను మించిన ఎంటర్టైన్మెంట్ను ఈ ప్రోమోలో అందించారు. ట్రైలర్లో చిట్టిలంక సుందర్.. లేచి భార్య గురించి ఇరుగుపొరుగు వారికి చెప్పకుండా మ్యానేజ్ చేస్తే.. కొత్త ప్రోమోలో మాత్రం తన భార్య స్థానంలో మరో భార్యను అందరికీ పరిచయం చేస్తున్నట్లు చూపించారు. అయితే చివరికి పోలీస్ పాత్రలో నటించిన సునీల్.. సుందర్ చెప్పింది అబద్ధం అని తేల్చేస్తాడు.
దీంతో కథ ఎలాంటి మలుపు తిరుగుతుందని ప్రేక్షకుల్లో ఆసక్తి పెరిగింది. ఇదిలా ఉంటే ఈ సినిమా కేవలం కామెడీకే పరిమితం కాకుండా.. ఎమోషనల్ సీన్స్కూడా భారీగా ఉంటాయని ఆనంద్ ఇటీవల ఇచ్చిన ఓ ఇంటర్వ్యూలో తెలిపాడు. మరి ఈ సినిమా ఆనంద్ కెరీర్ను ఎలాంటి మలుపు తిప్పుతుందో తెలియాలంటే రేపటి వరకు వేచి చూడాల్సిందే. ‘పుష్పక విమానం’ కొత్త ప్రోమోపై మీరూ ఓ లుక్కేయండి..
Also Read: Health: ఈ సమస్యలున్న వారు అస్సలు ఉసిరి తినకూడదు.. పొరపాటున తిన్నారో మొదటికే మోసం..
Viral Video: రెస్టారెంట్ నిండా రంగురంగుల చేపలు.. ఈ స్వీట్ఫిష్ కేఫ్ ప్రత్యేకత ఏంటంటే..
