Laila OTT: అప్పుడే ఓటీటీలోకి విశ్వక్ సేన్ ‘లైలా’! స్ట్రీమింగ్ ఎప్పటినుంచంటే?
టాలీవుడ్ యంగ్ హీరో, మాస్ కా దాస్ విశ్వక్ సేన్ నటించిన తాజా చిత్రం లైలా. రిలీజ్ కు ముందే వార్తల్లో నిలిచిన ఈ సినిమా ప్రేమికుల దినోత్సవం కానుకగా ఫిబ్రవరి 14న ప్రేక్షకుల ముందుకు వచ్చింది. అయితే ఈ మూవీకి మిక్స్ డ్ రెస్పాన్స్ వచ్చింది.
Updated on: Feb 16, 2025 | 5:29 PM
గతేడాది గామి, గ్యాంగ్స్ ఆఫ్ గోదాది, మెకానిక్ రాకీ సినిమాలతో ఆకట్టుకున్నాడు విశ్వక్ సేన్. ఇప్పుడు లైలా అంటూ మరో సినిమాతో మన ముందుకు వచ్చాడు. విశ్వక్ సేన్ లేడీ గెటప్పులో కనిపించడం, పోస్టర్స్, టీజర్స్, గ్లింప్స్, ట్రైలర్ ఆసక్తికరంగా ఉండడంతో సినిమాపై అంచనాలు పెరిగాయి. దీనికి తోడు ప్రీ రిలీజ్ ఈవెంట్ లో పృథ్వీ చేసిన కాంట్రవర్సీ కామెంట్స్ లైలా సినిమాను వార్తల్లో నిలిపాయి. ఇలా రిలీజ్ కు ముందే అందరి నోళ్లల్లో నానిన లైలా సినిమా ప్రేమికుల రోజు కానుకగా థియేటర్లలో విడుదలైంది. కానీ మొదటి షో నుంచే నెగిటివ్ టాక్ తెచ్చుకుంది. విశ్వక్ సేన్ లేడీ గెటప్పులో ఆకట్టుకున్నప్పటికీ నీరసమైన కథా కథనాలు ఆడియెన్స్ ను నిరాశ పర్చాయి. దీనికి తోడు ట్విట్టర్ లో ‘బాయ్ కాట్ లైలా’, ‘డిజాస్టర్ లైలా’ ట్యాగ్ లతో సినిమాపై నెగెటివ్ ప్రచారం జరుగుతోంది. దీంతో లైలా సినిమాకు అనుకున్నంతగా కలెక్షన్లు రావడం లేదు
కాగా లైలా మూవీ రిలీజ్ అయిన రెండు రోజులకే ఓటీటీ స్ట్రీమింగ్కు సంబంధించి ఓ వార్త సోషల్ మీడియాలో వైరల్ అవుతుంది. ఈ చిత్రానికి సంబంధించిన డిజిటల్ స్ట్రీమింగ్ రైట్స్ ను ప్రముఖ సంస్థ అమెజాన్ ప్రైమ్ వీడియో సొంతం చేసుకున్నట్లు తెలుస్తోంది. సాధారణంగా థియేటర్లో రిలీజైన నెల తర్వాత ఓటీటీలో స్ట్రీమింగ్ కావాల్సింది. అయితే ఇప్పుడు లైలా మూవీకి వచ్చిన టాక్ బట్టి చూస్తే.. డీల్ కంటే ముందుగానే ‘లైలా’ చిత్రం ఓటీటీలోకి వస్తుందని సమాచారం. మార్చి మొదటి వారం లేదా రెండో వారంలో లైలా సినిమా స్ట్రీమింగ్ కు రానుందని సమాచారం.
లైలా సినిమాలో విశ్వక్ సేన్..
It is time for the ECHIPAAD ENTERTAINMENT in theatres 💥💥#Laila GRAND RELEASE TODAY ❤️🔥
Book your tickets now for the fun ride now! 🎟 https://t.co/ZAKt1MAQy9 pic.twitter.com/bUZKNcHGof
— VishwakSen (@VishwakSenActor) February 13, 2025
రామ్ నారాయణ్ తెరకెక్కించిన లైలా సినిమాలో ఆకాంక్ష శర్మ హీరోయిన్ గా నటించింది. వెన్నెల కిశోర్, రవి మారియా, నాగి నీడు, హర్ష వర్దన్, బ్రహ్మాజీ, రఘు బాబు, అభిమన్యు సింగ్, పృథ్వీ రాజ్ తదితరులు ప్రధాన పాత్రలు పోషించారు. సాహు గారపాటి నిర్మించిన ఈ సినిమాకు లియోన్ జేమ్స్ స్వరాలు సమకూర్చారు.
ఆ కాంపౌండ్, ఈ కాంపౌండ్ కాదు అందరిది ఒకటే కాంపౌండ్ “సినిమా కాంపౌండ్”
Thank you so much, @KChiruTweets garu, for your unconditional love and support for me and our film #Laila. Your speech on unity in the industry is truly inspiring and essential for a brighter future. With your… pic.twitter.com/hWDTR9n4KA
— VishwakSen (@VishwakSenActor) February 9, 2025
మరిన్ని సినిమా వార్తల కోసం ఇక్కడ క్లిక్ చేయండి
