Bharateeyudu 2 OTT : భారతీయుడు 2 ఓటీటీ రిలీజ్ డేట్ ఫిక్స్.. అనుకున్న తేదీ కంటే ముందుగానే స్ట్రీమింగ్‌.. ఎప్పుడంటే?

Bharateeyudu 2 Movie

లోక నాయకుడు కమల్ హాసన్, సెన్సేషనల్ డైరెక్టర్ శంకర్ కాంబినేషన్ లో తెరకెక్కిన చిత్రం భారతీయుడు 2. 1996లో ఇదే కాంబోలో వచ్చిన సూపర్ హిట్ మూవీ భారతీయుడుకు ఇది సీక్వెల్. జులై 12న థియేటర్లలో విడుదలైన ఈ సినిమాకు మొదటి షో నుంచే నెగెటివ్ టాక్ వచ్చింది. మొదటి పార్ట్ మ్యాజిక్ ను కొనసాగించలేక చతికిల పడింది. తమిళంలో భారీగానే వసూళ్లు సాధించినప్పటికీ తెలుగుతో సహా ఇతర భాషల్లోనూ ఇండియన్ 2 సినిమా డిజాస్టర్ గా నిలిచింది. భారీ తారగణంతో పాటు యాక్షన్ సీక్వెన్స్, విజువల్స్ ఆకట్టుకున్నా నీరసమైన కథా, కథనాలు భారతీయుడు 2 సినిమాను దెబ్బ తీశాయి. దీంతో చాలా మంది ఈ సినిమాను ఓటీటీలో చూద్దామని ఫిక్స్ అయ్యారు. అలాంటి వారి కోసమే ఇప్పుడు భారతీయుడు 2 సినిమా ఓటీటీ రిలీజ్ కు సిద్ధమైందని టాక్. ప్రముఖ ఓటీటీ ప్లా ట్ ఫామ్ నెట్ ఫ్లిక్స్ ఈ సినిమా డిజిటల్ స్ట్రీమింగ్ హక్కులను సొంతం చేసుకుంది. . సూపర్ హిట్ మూవీ సీక్వెల్ కావడం, కమల్, శంకర్ లకు ఉన్న క్రేజ్ ఉండడంతో భారతీయుడు 2 సినిమా ఓటీటీ హక్కుల కోసం నెట్ ఫ్లిక్స్ భారీగానే ఖర్చు పెట్టిందని సమాచారం. అయితే రిలీజ్ తర్వాత సినిమాకు ప్లాఫ్ టాక్ రావడంతో అనుకున్న తేదీ కంటే ముందుగానే భారతీయుడు 2 సినిమాను స్ట్రీమింగ్ కు తీసుకొస్తున్నారట. ఆగష్టు 9 నుంచే ఈ మూవీని స్ట్రీమింగ్ కు అందుబాటులోకి తీసుకురానున్నట్లు ప్రచారం జరుగుతోంది. త్వరలోనే దీనిపై అధికారిక ప్రకటన వెలువడనుందని సమాచారం.

భారతీయుడు 2 సినిమాలో కమల్‌ హాసన్‌తో పాటుగా సిద్ధార్, రకుల్‌ప్రీత్‌ సింగ్‌, బాబీ సింహా, బ్రహ్మానందం, ప్రియా భవానీ శంకర్, కాజల్ అగర్వాల్ తదితరులు కీలకపాత్రలలో మెరిశారు. భారతీయుడు 2 కోసం నిర్మాతలు సుమారు రూ. 250 కోట్లు ఖర్చు చేసినట్లు అంచనా.. అయితే ఓవరాల్ గా ఈ సినిమా రూ. 120 కోట్ల వరకు మాత్రమే కలెక్షన్స్‌ రాబట్టినట్లు సమాచారం. ఈ సినిమాకు తమన్ స్వరాలు సమకూర్చారు. మొదట ఈ సినిమాను స్వాతంత్ర్య దినోత్సవం కానుకగా ఆగస్టు 15న ఓటీటీలోకి తీసుకురానున్నట్లు వార్తలు వచ్చాయి. అయితే థియేటర్లలో పెద్దగా రెస్పాన్స్ లేకపోవడంతో ఇప్పుడీ తేదీ మారిందని సమాచారం. మరి ఆగస్టు 9నే భారతీయుడు 2 ఓటీటీలోకి వస్తుందా? రాదా? అన్నది ఇంకా క్లారిటీ రావాల్సి ఉంది.

భారతీయుడు సినిమా మేకింగ్ వీడియో..

మరిన్ని సినిమా వార్తల కోసం ఇక్కడ క్లిక్ చేయండి.