Pushpa 2: రాఖీబాయ్ రికార్డ్స్ ను పుష్పరాజ్ బద్దలు కొడుతాడా..? ఆ విషయంలో పైచేయి ఎవరిదో!

అల్లు అర్జున్ బర్త్ డే సందర్భంగా ఏప్రిల్ 8న ‘పుష్ప 2’ టీజర్ విడుదల కానుండటంతో దీనిపై భారీ అంచనాలు నెలకొన్నాయి. పాన్ ఇండియా మూవీ పుష్ప 2 ప్రేక్షకుల ముందుకు రాకముందే జరగబోయే ప్రమోషన్స్ కి ఈ టీజర్ వేదికకానుంది. ఇక విషయానికి వస్తే కేజీఎఫ్ 2, పుష్ప 2 (రెండూ సీక్వెల్స్) బాక్సాఫీస్ క్లాష్ కానప్పటికీ, కేజీఎఫ్ 2 ఆల్ టైమ్ రికార్డ్ సాధించడం చర్చనీయాంశంగా మారింది. కేజీఎఫ్ 2 టీజర్ 275 మిలియన్ వ్యూస్ తో ఇండియన్ సినిమాలో ఇప్పటివరకు మోస్ట్ లైక్స్ పొందిన టీజర్ గా నిలిచింది. మరే భారతీయ సినిమా టీజర్ కూడా ఈ టీజర్ కు దగ్గరగా లేదని టాలీవుడ్ టాక్.

దీంతో యూట్యూబ్ లో కేజీఎఫ్ 2 ఆల్ టైమ్ రికార్డ్ ను పుష్ప 2 టచ్ చేయగలదా అనే ప్రశ్న ఇప్పుడు హాట్ టాపిక్ గా మారింది. అయితే పుష్ప మూవీ ఊహించినదాని కంటే హిట్ అవ్వడం, అల్లు అర్జున్ నటన హైలైట్ గా నిలవడంతో ఈ రికార్డు కొట్టడం సాధ్యమేనని భావిస్తున్నారు సినీ క్రిటిక్స్. యూట్యూబ్ వ్యూస్ ఒక రకంగా చెప్పాలంటే ఒక సినిమా రీచ్ ను, ప్రేక్షకుల్లో మరిన్ని భారీ అంచనాలు నెలకొల్పేలా చేస్తుంది. ఇది సినిమాకు బిగ్ మైలేజీగా నిలుస్తుందని చెప్పక తప్పదు. కేజీఎఫ్ 2 విషయంలో ఈ విషయం రుజువైంది. బాక్సాఫీస్ వద్ద కలెక్షన్లకు నిదర్శనంగా నిలిచింది. కాబట్టి యూట్యూబ్ లో పుష్ప 2కు లభించిన ఆదరణ చూస్తే దాని రీచ్ ఏ స్థాయిలో ఉందో అర్థం అవుతుంది.

యశ్ హీరోగా నటించిన కేజీఎఫ్, కేజీఎఫ్ 2 సినిమాలు పాన్ ఇండియా ప్రేక్షకులను విపరీతంగా ఆకట్టుకున్నాయి. యశ్ బలమైన నటన, డైరెక్టర్ ప్రశాంత్ నీల్ టేకింగ్ హైలెవల్ లో ఉండటంతో భారీ కలెక్షన్లు సాధించింది. ఈ నేపథ్యంలో అల్లు అర్జున్, సుకుమార్ కాంబినేషన్ లో వచ్చిన పుష్ప మూవీ కూడా అంతేస్థాయిలో ఆకట్టుకుంది. అయితే ఇప్పుడు అందరి కళ్లు పుష్ప2 పైనే ఉన్నాయి. ఈ మూవీ కేజీఎఫ్ 2 రికార్డులను బ్రేక్ చేస్తుందా? అని చర్చించుకుంటున్నారు.