Tollywood : నేను తన లవర్ అని ఆ హీరో అందరికీ చెప్పేవాడు.. చివరి రోజుల్లోనూ మెసేజెస్ చేశాడు.. టాలీవుడ్ నటి..

ప్రముఖ నటి జయలలిత తన సినీ ప్రస్థానం, కుటుంబ బాధ్యతలు, వ్యక్తిగత నమ్మకాలపై ఓ ఇంటర్వ్యూలో ఎంతో ఆసక్తికరంగా మాట్లాడారు. మధ్యతరగతి కుటుంబం నుండి వచ్చి, తన కుటుంబ పోషణ కోసం చిత్ర పరిశ్రమలో ఎలా కొనసాగారో, ఎదురైన అనుభవాలను ఆమె పంచుకున్నారు. జయలలిత తండ్రి జర్నలిజంలో ఉండేవారు. మంచి పర్సనాలిటీ, రంగు, ఎత్తు ఉండటంతో ఆమె తండ్రి మొదటి నుంచీ ఆమెను డాన్సర్ లేదా హీరోయిన్‌గా చూడాలని కోరుకున్నారు. డిగ్రీ పూర్తి చేశాక ఆంధ్ర నాట్యం నేర్చుకోవడానికి హైదరాబాద్‌లోని నటరాజ రామకృష్ణ గారి వద్ద చేరారు. అక్కడే నాట్యం నేర్చుకుంటున్న సమయంలో, తండ్రి స్నేహితులు సినిమా తీస్తున్నారని, అందులో హీరోయిన్‌గా నటించమని కోరగా ఆమె తొలుత నిరాకరించారు. నటరాజ రామకృష్ణ, కలా కృష్ణ గారి సర్దిచెప్పడంతో “ఈ పోరాటం మార్పు కోసం” అనే చిత్రంతో సినీ రంగ ప్రవేశం చేశారు. ఈ చిత్రం టాకీ పార్ట్ రేపల్లెలో, పాటల చిత్రీకరణ చెన్నైలోని విజయ్ గార్డెన్స్‌లో జరిగాయి.

ఎక్కువమంది చదివినవి :  Comedian Sudhakar: ఒక్క సినిమాకు రూ.30 వేల రెమ్యునరేషన్.. ఆస్తులపై క్లారిటీ ఇచ్చిన నటుడు సుధాకర్..

పాటల షూటింగ్ సమయంలో “ఖైదీ” చిత్ర నిర్మాతలు ధనుంజయ్ రెడ్డి ఆమెను చూసి, తమ చిత్రంలో ఓ పాత్ర ఉందని, వెంటనే మద్రాసుకు మారాలని సూచించారు. తండ్రి ఎటువంటి సంప్రదింపులు లేకుండా, తన కూతురు హీరోయిన్‌గా కావాలనే కోరికతో మొత్తం కుటుంబాన్ని చెన్నైకి మార్చేశారు. అయితే కొన్ని కారణాల వల్ల “ఖైదీ” చిత్రంలో ఆ పాత్ర జయలలితకు దక్కలేదు. ఇదే సమయంలో మలయాళంలోని ప్రముఖ పత్రిక నానా ఆమెను ఇంటర్వ్యూ చేసింది. దీని ద్వారా ఆమెకు మలయాళ చిత్ర పరిశ్రమలో అవకాశం లభించింది. దర్శకుడు పవిత్రన్ “ఉప్పు” (సాల్ట్) అనే మలయాళ చిత్రంలో తల్లి, కూతురు అనే రెండు పాత్రల్లో నటించే అవకాశం ఇచ్చారు. మధు అంబట్ కెమెరామెన్‌గా పని చేసిన ఈ చిత్రం ఆమెకు మంచి పేరు తెచ్చిపెట్టింది. ఈ సినిమాకు కేరళ బెస్ట్ యాక్ట్రెస్ అవార్డును కూడా ఆమె అందుకున్నారు.

ఎక్కువమంది చదివినవి :  Eshwar Sai : ఆ టైంలోనే మాధురి నాకు కనెక్ట్ అయ్యింది.. ఆమె చాలా మంచిది.. నోరు విప్పిన ఫోక్ డ్యాన్సర్ ఈశ్వర సాయి..

ఆ తర్వాత ఐ.వి. శశి దర్శకత్వంలో వచ్చిన “వృధం” చిత్రంలో కమల్ హాసన్, శోభన, గీతలతో కలిసి నటించారు. ఇందులో ఆమె వ్యాంప్ పాత్ర పోషించారు, ఆ సమయంలో ఆ పదం అర్థం కూడా తెలియదని ఆమె గుర్తుచేసుకున్నారు. “ఇంద్రుడు చంద్రుడు” చిత్రానికి రామానాయుడు గారు కమల్ హాసన్ PAగా ఎవరు బాగుంటారని అడిగినప్పుడు, కమల్ హాసన్ ఆమె పేరును సూచించారు. అలా కమల్ హాసన్ ద్వారా ఆమెకు తెలుగులో “ఇంద్రుడు చంద్రుడు” వంటి అవకాశం లభించింది. కుటుంబ బాధ్యతల కోసం ఆమె మలయాళంలో దాదాపు 25 చిత్రాల్లో నటించారు. వీటిలో మోహన్‌లాల్, మమ్ముట్టి వంటి ప్రముఖ నటులతో పాటు భరతన్, పద్మరాజన్, విశ్వంభరన్ వంటి గొప్ప దర్శకులతో కలిసి పనిచేశారు.

ఎక్కువమంది చదివినవి : Chalaki Chanti: వాడు నా పొట్ట కొట్టాడు.. నాకు అవకాశాలు రాకుండా చేశాడు.. చలాకీ చంటి..

క్యాస్టింగ్ కౌచ్ వంటివి తనకు తెలియవని, ఆ సమయంలో పరిశ్రమ ఒక కుటుంబంలా ఉండేదని ఆమె అన్నారు. శోభన్ బాబుతో “దొరబాబు” చిత్రం షూటింగ్ అనుభవాలను, ఆయనతో తనకున్న అనుబంధాన్ని పంచుకున్నారు. శోభన్ బాబు ఆమెను “లవర్” అని సరదాగా పిలిచేవారని, ఆయన మరణం తనకు తీరని లోటని చెప్పారు. ఇటీవల మరణించిన శరత్ బాబుతో కూడా ఆమెకు చాలా సన్నిహిత సంబంధం ఉండేదని, వారిద్దరినీ దేవుళ్ళుగా చూస్తానని జయలలిత తెలిపారు. కోట శ్రీనివాసరావు, రాళ్ళపల్లి, నాగబాబు, రాజ రవీంద్ర వంటి అనేక మంది నటులతో తనకున్న ఆప్యాయమైన అనుబంధాలను, వారిని పిలిచే పేర్లను ఆమె వివరించారు. తన ఇంటికి జగయ్య, రాజబాబు వంటి నటులు వచ్చి భోజనం చేసిన సందర్భాలను కూడా గుర్తుచేసుకున్నారు.

ఎక్కువమంది చదివినవి : Aamani: నాకు లైఫ్ ఇచ్చింది ఆయనే.. ఆ హీరోతోనే ఎక్కువ సినిమాలు చేశా.. హీరోయిన్ ఆమని..