ఆ అరుదైన వ్యాధితో కరోనాకు సంబంధం: డబ్ల్యూహెచ్‌ఓ

కొన్ని వారాలుగా యూరప్‌, అమెరికాలోని చిన్న పిల్లల్లో వెలుగు చూస్తున్న అరుదైన వ్యాధికి సంబంధించిన కొన్ని ప్రాథమిక నివేదికల అంచనాను బట్టి ఈ వ్యాధికి కరోనాతో సంబంధం ఉందని అనిపిస్తుందని డబ్ల్యూహెచ్‌ఓ తెలిపింది. పిల్లల్లో వచ్చే ఈ వ్యాధిని బాగా అర్థం చేసుకోండని డబ్ల్యూహెచ్‌ఓ డైరక్టర్ టెడ్రోస్‌ అధనామ్ వైద్య నిపుణులకు సూచించారు.

కాగా పీడియాట్రిక్‌ ఇన్‌ఫ్లేమేటరీ మల్టీసిస్టమ్‌ సిండ్రోమ్‌గా చెప్పుకొనే ఈ అరుదైన వ్యాధి యూరప్‌, అమెరికా దేశాల్లో విజృంభిస్తోంది. దీని కారణంగా న్యూయార్క్‌లో ముగ్గురు, యూరప్‌లో ఇద్దరు పిల్లలు మరణించారు. మరికొంత మంది పరిస్థితి ఆందోళనకరంగా ఉందని వైద్యులు ఆందోళన వ్యక్తం చేస్తున్నారు. ముఖ్యంగా 14 ఏళ్ల లోపు పిల్లలు ఈ అరుదైన వ్యాధికి గురవుతున్నారు. కవాసాకి వ్యాధి మాదిరిగానే.. ఈ అరుదైన వ్యాధి సోకిన చిన్నపిల్లలో నిరంతరాయంగా జ్వరం, కడుపు నొప్పి, ఒంటి మీద దద్దుర్లు, నాలుక వాపు లక్షణాలు కనిపిస్తున్నాయి. ఇప్పటికే కరోనాతో ప్రపంచ దేశాలన్నీ అల్లకల్లోలం అవుతుండగా.. పిల్లల్లో వస్తోన్న ఈ అరుదైన వ్యాధితో అందరిలో ఆందోళన మరింత పెరుగుతోంది.

Read This Story Also: క్షమించండి.. వేరే దారి లేక మీ సైకిల్ ఎత్తుకెళ్తున్నా.. వలస కార్మికుడి లేఖ!