వీధి లైట్లకు ఆటోమెటిక్ స్విచ్.. పదో తరగతి విద్యార్థి అద్భుత ప్రతిభ
తెలంగాణలో పదో తరగతి విద్యార్థి అద్భుత ప్రతిభను చూపారు. వీధి లైట్లకు ఆటోమెటిక్ స్విచ్ని తయారుచేశారు. ఎవరి సహాయం లేకుండా ఆటోమెటిక్గా
Automatic switch for streetlights: తెలంగాణలో పదో తరగతి విద్యార్థి అద్భుత ప్రతిభను చూపారు. వీధి లైట్లకు ఆటోమెటిక్ స్విచ్ని తయారుచేశారు. ఎవరి సహాయం లేకుండా ఆటోమెటిక్గా అవే ఆన్/ఆఫ్ అయ్యేలా పరికరాన్ని తయారుచేశారు. దీంతో ఇప్పుడు అధికారులు, ప్రజాప్రతినిధుల మన్ననలు పొందుతున్నారు.
వివరాల్లోకి వెళ్తే..జయశంకర్ భూపాలపల్లి జిల్లా మహాముత్తారం మండలం దొబ్బలపహాడ్ మోడల్ స్కూల్లో పదో తరగతి విద్యార్థి శశిధర్ రోజూ పాఠశాలకు వెళ్లే సమయంలో వీధి దీపాలు వెలుగుతుండడాన్ని గమనించారు. దీంతో రాత్రి పూట మాత్రమే వీధి దీపాలు వెలిగేలా కొత్త పరికరాన్ని తయారు చేయాలని భావించారు. ఈ క్రమంలో ఓ పరికరం తయారు చేశాడు. అందులో ఆటోమెటిక్గా ఆన్/ఆఫ్ అయ్యేలా సిస్టమ్ని అరేంజ్ చేశారు గతంలో ఒక్క బల్బు మాత్రమే ఆటోమెటిక్గా ఆన్ ఆఫ్ అయ్యేలా రూపొందించారు.
ఇక ఈ పరికరాన్ని మహాముత్తారం మండలంలో గిరిజన గ్రామమైన మాదారంలో విద్యుత్ సిబ్బంది, ప్రజాప్రతినిధుల సమక్షంలో ప్రయోగాత్మకంగా ఓ స్తంభానికి అమర్చగా.. అది విజయవంతమైంది. దీంతో స్థానిక ప్రజాప్రతినిధులు శశిధర్ను అభినందించారు. మాదారం సర్పంచ్, శశిధర్కి నగదు సాయం చేశారు. ఇక తాను తయారు చేసిన పరికరాలను సీఎం కేసీఆర్, మంత్రులు కేటీఆర్, హరీశ్రావుకు, భూపాలపల్లి కలెక్టర్ అబ్దుల్ అజీంకు చూపించాలని ఉందని శశిధర్ పేర్కొన్నారు. కాగా కరోనా లాక్డౌన్ సమయంలో ఆటోమెటిక్ శానిటైజర్ని తయారు చేసిన శశిధర్.. అప్పుడు కూడా పలువురి ప్రశంసలను పొందారు.
Read More: