TTWREIS Admissions 2022: తెలంగాణ గిరిజన గురుకుల స్పోర్ట్స్‌ పాఠశాలల్లో 5వతరగతి ప్రవేశాలు.. రేపే ఆఖరు..
తెలంగాణ ప్రభుత్వానికి చెందిన హైదరాబాద్‌లోని తెలంగాణ గిరిజన సంక్షేమ గురుకుల విద్యాలయాల సంస్థ (TTWREIS).. 2022-2023 విద్యాసంవత్సరానికి సంబంధించి రాష్ట్రంలోనున్న రెండు క్రీడా పాఠశాలల్లో ఐదో తరగతిలో ప్రవేశాలకు..
TTWREIS 5th class admissions 2022: తెలంగాణ ప్రభుత్వానికి చెందిన హైదరాబాద్‌లోని తెలంగాణ గిరిజన సంక్షేమ గురుకుల విద్యాలయాల సంస్థ (TTWREIS).. 2022-2023 విద్యాసంవత్సరానికి సంబంధించి రాష్ట్రంలోనున్న రెండు క్రీడా పాఠశాలల్లో ఐదో తరగతిలో ప్రవేశాలకు దరఖాస్తులు కోరుతోంది. ఏటూరునాగారం స్పోర్ట్స్‌ స్కూల్‌, చేగుంట స్పోర్ట్స్‌ స్కూల్లలో మొత్తం 80 సీట్లను ఈ నోటిఫికేషన్‌ ద్వారా భర్తీ చేయనుంది. శారీరకంగా బలంగా ఉండి, నాలుగో తరగతిలో ఉత్తీర్ణత సాధించిన విద్యార్థులు (బాలబాలికలు) దరఖాస్తు చేసుకోవడానికి అర్హులు. ఐతే విద్యార్ధుల తల్లిదండ్రుల వార్షికాదాయం పట్టణాల్లోనైతే రూ. 2 లక్షలు, గ్రామీణ ప్రాంతాల్లోనైతే 1.5 లక్షలకు మించరాదు. ఆసక్తి కలిగిన విద్యార్ధుల తల్లిదండ్రులు ఆన్‌లైన్‌ విధానంలో జులై 8 వరకు దరఖాస్తు చేసుకోవచ్చు. ఐతే విద్యార్ధులను ఏ ప్రాతిపదికన ఎంపిక చేస్తారనేది ఇంకా వెల్లడించలేదు. ఇతర పూర్తి వివరాలకు 9121174434 / 9121333472 ఫోన్‌ నంబర్లను సంప్రదించవచ్చు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.