CSIR UGC NET 2026 డిసెంబర్ నోటిఫికేషన్‌ వచ్చేసింది.. నవంబర్ 5లోగా దరఖాస్తు చేసుకోండి
CSIR UGC NET డిసెంబర్ 2026 పరీక్షకు నోటిఫికేషన్‌ విడుదలైంది. సైన్స్‌ విభాగాల్లో జేఆర్‌ఎఫ్‌, అసిస్టెంట్‌ ప్రొఫెసర్‌ అర్హత, పీహెచ్‌డీ ప్రవేశాల కోసం నిర్వహించే ఈ పరీక్షకు అర్హులైన అభ్యర్థులు నవంబర్ 5, 2026లోగా ఆన్‌లైన్‌లో దరఖాస్తు చేసుకోవాలి. విద్యార్హతలు, వయోపరిమితి, దరఖాస్తు ఫీజు, ముఖ్యమైన తేదీల వివరాలు తెలుసుకోండి..
సైన్స్‌ విభాగాల్లో పరిశోధన, బోధన రంగాల్లో స్థిరపడాలనుకునే అభ్యర్థులకు శుభవార్త. జాయింట్‌ సీఎస్‌ఐఆర్‌-యూజీసీ నెట్‌ (CSIR UGC NET) డిసెంబర్ 2026 పరీక్షకు నోటిఫికేషన్‌ విడుదలైంది. నేషనల్‌ టెస్టింగ్‌ ఏజెన్సీ (NTA) ఈ పరీక్షను నిర్వహించనుంది. ఈ పరీక్షలో అర్హత సాధించడం ద్వారా జూనియర్‌ రీసెర్చ్‌ ఫెలోషిప్‌ (JRF), అసిస్టెంట్‌ ప్రొఫెసర్‌ అర్హతతో పాటు పీహెచ్‌డీ ప్రవేశాలకు అవకాశం లభిస్తుంది. అర్హత కలిగిన అభ్యర్థులు నవంబర్ 5, 2026లోగా ఆన్‌లైన్‌లో దరఖాస్తు చేసుకోవాలి.
పరీక్ష వివరాలు
- పరీక్ష పేరు: జాయింట్‌ సీఎస్‌ఐఆర్‌-యూజీసీ నెట్‌ డిసెంబర్ 2026
- నిర్వహణ సంస్థ: నేషనల్‌ టెస్టింగ్‌ ఏజెన్సీ (NTA)
- పరీక్ష విధానం: కంప్యూటర్‌ ఆధారిత పరీక్ష (CBT)
- ప్రశ్నల విధానం: మల్టిపుల్‌ ఛాయిస్‌ ప్రశ్నలు (MCQs)
- మొత్తం మార్కులు: 200
- పరీక్ష వ్యవధి: 3 గంటలు
- అందుబాటులో ఉన్న సబ్జెక్టులు
ఈ పరీక్షను ఐదు సైన్స్‌ విభాగాల్లో నిర్వహిస్తారు.
- కెమికల్‌ సైన్సెస్‌ (Chemical Sciences)
- ఎర్త్‌, అట్మాస్ఫియరిక్‌, ఓషన్‌ అండ్‌ ప్లానెటరీ సైన్సెస్‌ (Earth, Atmospheric, Ocean and Planetary Sciences)
- లైఫ్‌ సైన్సెస్‌ అండ్‌ బయోటెక్నాలజీ (Life Sciences and Biotechnology)
- మ్యాథమేటికల్‌ సైన్సెస్‌ (Mathematical Sciences)
- ఫిజికల్‌ సైన్సెస్‌ (Physical Sciences)
గుర్తింపు పొందిన విశ్వవిద్యాలయం నుంచి మాస్టర్స్‌ డిగ్రీ లేదా తత్సమాన అర్హత కలిగిన అభ్యర్థులు దరఖాస్తు చేసుకోవచ్చు. జనరల్‌ కేటగిరీ అభ్యర్థులు కనీసం 55 శాతం మార్కులు సాధించి ఉండాలి. ఓబీసీ (నాన్‌-క్రీమీలేయర్‌), ఎస్సీ, ఎస్టీ, దివ్యాంగులు, థర్డ్‌ జెండర్‌ అభ్యర్థులకు కనీస మార్కుల అర్హతలో సడలింపు ఉంటుంది. దరఖాస్తు చేసుకునే ముందు సంబంధిత కేటగిరీకి వర్తించే విద్యార్హతలు, ఇతర నిబంధనలను అధికారిక నోటిఫికేషన్‌లో పరిశీలించాలి. అలాగే జూనియర్‌ రీసెర్చ్‌ ఫెలోషిప్‌ (JRF)కు జనరల్‌ కేటగిరీ అభ్యర్థులకు డిసెంబర్ 2026 నాటికి గరిష్ఠ వయోపరిమితి 30 ఏళ్లు. నిబంధనల ప్రకారం ఎస్సీ, ఎస్టీ, దివ్యాంగులు, మహిళా అభ్యర్థులకు ఐదేళ్లు, ఓబీసీ (నాన్‌-క్రీమీలేయర్‌) అభ్యర్థులకు మూడేళ్ల వరకు వయోసడలింపు వర్తిస్తుంది. అసిస్టెంట్‌ ప్రొఫెసర్‌, పీహెచ్‌డీ ప్రవేశాలు విభాగాలకు గరిష్ఠ వయోపరిమితి లేదు.
ఈ అర్హతలు కలిగిన వారు ఆన్లైన్ విధానంలో నవంబర్ 5, 2026వ తేదీ వరకు దరఖాస్తు చేసుకోవచ్చు. దరఖాస్తు ఫీజు కింద జనరల్‌ కేటగిరీ అభ్యర్ధులు రూ.1150, జనరల్‌ ఈడబ్ల్యూఎస్‌ / ఓబీసీ (ఎన్‌సీఎల్‌) అభ్యర్ధులు రూ.600, ఎస్సీ / ఎస్టీ / దివ్యాంగులు / థర్డ్‌ జెండర్‌ అభ్యర్దులు రూ.325 చొప్పున ఫీజు చెల్లించవల్సి ఉంటుంది. దరఖాస్తు సమయంలో వ్యక్తిగత వివరాలు, విద్యార్హతలు, కేటగిరీ వివరాలను జాగ్రత్తగా నమోదు చేయాలి. అవసరమైన పత్రాలను సిద్ధం చేసుకుని, నిర్ణీత ఫీజు చెల్లించి దరఖాస్తును సమర్పించాలి. చివరిగా అప్లికేషన్‌ కాపీని భద్రపరచుకోవాలి.
ముఖ్యమైన తేదీలు
- ఆన్లైన్ దరఖాస్తుకు చివరి తేదీ: నవంబర్ 5, 2026.
- ఫీజు చెల్లింపునకు చివరి తేదీ: నవంబర్ 5, 2026.
- దరఖాస్తు వివరాల సవరణ: నవంబర్ 10 నుంచి 12, 2026 వరకు
- రూ.500 అదనపు రుసుముతో దరఖాస్తుకు పేర్కొన్న గడువు: నవంబర్ 6 నుంచి 9, 2026
CSIR UGC NET 2026 ఆన్లైన్ దరఖాస్తు కోసం ఇక్కడ క్లిక్ చేయండి.