AYUSH Recruitment: ఆయుష్‌ మంత్రిత్వశాఖలో ఉద్యోగాలు.. ఎవరు అర్హులు.? ఎలా దరఖాస్తు చేసుకోవాలంటే..

AYUSH Recruitment 2021: భారత ప్రభుత్వానికి చెందిన ఆయుష్‌ మంత్రిత్వ శాఖ పలు పోస్టుల భర్తీకి నోటిఫికేషన్‌ జారీ చేసింది. నోటిఫికేషన్‌లో భాగంగా మొత్తం 07 ఖాళీలను భర్తీ చేయనున్నారు. ఈ పోస్టులను కాంట్రాక్ట్‌ విధానంలో తీసుకోనున్నారు. ప్రస్తుతం దరఖాస్తుల ప్రక్రియ కొనసాగుతోంది, ఈనెల 10తో ప్రక్రియ ముగియనున్న నేపథ్యంలో నోటిఫికేషన్‌కు సంబంధించిన పూర్తి వివరాలపై ఓ లుక్కేయండి..

భర్తీ చేయనున్న ఖాళీలు, అర్హతలు..

* మొత్తం 07 ఖాళీలకుగాను సీనియర్‌ ప్రోగ్రాం మేనేజర్ (టెక్నికల్‌) – 01, జూనియర్‌ ప్రోగ్రాం మేనేజర్‌ (టెక్నికల్‌)-02, ప్రోగ్రాం మేనేజర్‌ (అడ్మినిస్ట్రేటివ్‌) – 02, డేటా అసిస్టెంట్‌ – 01, మల్టీ టాస్కింగ్‌ స్టాఫ్‌ – 01 భర్తీ చేయనున్నారు.

* పైన తెలిపిన పోస్టులకు దరఖాస్తు చేసుకునే అభ్యర్థులు ఖాళీలను అనుసరించి ఇంటర్మీడియట్‌, సంబంధిత సబ్జెక్టుల్లో గ్రాడ్యుయేషన్‌, ఎంబీఏ, పీజీ ఉత్తీర్ణత సాధించి ఉండాలి.

* వీటితో పాటు రాష్ట్ర ప్రభుత్వాలు, రీసెర్చ్‌ కౌన్సిల్‌, ప్రభుత్వరంగ సంస్థల్లో మూడేళ్లు పనిచేసి అనుభవం ఉండాలి.

* అభ్యర్థుల వయసు 50 ఏళ్ల లోపు ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* ఎంపికైన అభ్యర్థులు పోస్టులను అనుసరించి నెలకు రూ. 16,000 నుంచి రూ. 75,000 వరకు లభిస్తుంది.

* ఎంపికైన అభ్యర్థులకు 2022 మార్చి 31 వరకు కాంట్రాక్ట్‌ గడువుతో పనిచేయాల్సి ఉంటుంది.

* అభ్యర్థులను రాతపరీక్ష ఆధారంగా ఎంపిక చేస్తారు.

* అభ్యర్థులు ముందుగా ఆన్‌లైన్‌లో ఫామ్‌ ఫిల్‌ చేసి, దరఖాస్తుతో పాటు అవసరమైన డ్యాక్యుమెంట్స్‌ జత చేసి ఆఫ్‌లైన్‌లో పంపించాలి.

* దరఖాస్తులను అసిస్టెంట్‌ అడ్వైజర్‌, చాంపియన్‌ సర్వీస్‌ సెక్టార్‌ స్కీమ్‌, రూమ్‌ నెం 8, ఆయుష్‌ భవన్‌, న్యూఢిల్లీ 110023 అడ్రస్‌కు పంపించాలి.

* పూర్తి వివరాల కోసం ఇక్కడ క్లిక్‌ చేయండి..

Also Read: Festival Season Effect: అక్టోబర్‌లో ఫాస్టాగ్‌ వసూళ్లు ఎంత పెరిగాయంటే..

Cyber Crime: పెళ్లి సంబంధం పేరుతో టోకరా.. రూ.17.90 లక్షలు కాజేసిన వైనం..

Viral News: కిలో స్వీట్ ధర రూ. 11,000.. ఏంటి బంగారంతో చేస్తారంటారా.? అవును నిజమే..