AP Polycet 2021: ఆంధ్రప్రదేశ్ పాలిటెక్నిక్ ప్రవేశాలకు నోటిఫికేషన్ విడుదల.. తరగతులు ఎప్పటి నుంచంటే..
AP Polycet 2021: రాష్ట్రంలో పాలిటెక్నిక్ సీట్ల భర్తీకి నోటిఫికేషన్ విడుదల చేశారు. ఆంధ్రప్రదేశ్ విద్యాశాఖ బుధవారం పాలిసెట్‌ 2021 నోటిఫికేషన్‌ను జారీ చేసింది. ఈ ఏడాది పాలిటెక్నిక్ ప్రవేశ పరీక్షకు 68,137 మంది హాజరుకాగా..
Updated on: Sep 29, 2021 | 12:40 PM
AP Polycet 2021: రాష్ట్రంలో పాలిటెక్నిక్ సీట్ల భర్తీకి నోటిఫికేషన్ విడుదల చేశారు. ఆంధ్రప్రదేశ్ విద్యాశాఖ బుధవారం పాలిసెట్‌ 2021 నోటిఫికేషన్‌ను జారీ చేసింది. ఈ ఏడాది పాలిటెక్నిక్ ప్రవేశ పరీక్షకు 68,137 మంది హాజరుకాగా 64,187 మంది అర్హత సాధించారు. ఇదిలా ఉంటే అక్టోబర్ 6 వరకు ఆన్‌లైన్‌లో సీట్ల కోసం దరఖాస్తు చేసుకునే అవకాశాన్ని కలిపించారు. రాష్ట్ర వ్యాప్తంగా మొత్తం 84 పాలిటెక్నిక్ కళాశాలలు ఉండగా వీటిలో 17,004 సీట్లు అందుబాటులో ఉండనున్నాయి. ఎయిడెడ్‌, ప్రైవేట్‌ పరిధిలో 173 పాలిటెక్నిక్ కళాశాలలో మొత్తం 53,423 సీట్లు ఉన్నాయి.
నోటిఫికేషన్ విడుదల చేసిన సందర్భంగా టెక్నికల్‌ ఎడ్యకేషన్‌ కమిషనర్‌ పోలా భాస్కర్‌ మాట్లాడుతూ.. ‘విద్యార్థులకు ఉద్యోగాలు వచ్చేందుకు గాను ఉపాధి అవకాశాలున్న కోర్సులపై ప్రత్యేక దృష్టి సాధించాం. స్టూడెంట్స్‌కి స్కిల్‌డెవలప్‌మెంట్‌ కోసం కొన్ని ప్రముఖ సంస్థలతో ఎంఓయూ చేసుకుంటున్నాం. రాష్ట్రంలోని ప్రభుత్వ పాలిటెక్నిక్ కళాశాలలో చదివే విద్యార్ధులకి ఉపాధి అవకాశాలు లభించేలా అన్ని చర్యలు తీసుకుంటున్నాము’ అని తెలిపారు.
ఇక నోటిఫికేషన్‌కు సంబంధించిన పూర్తి విషయాలకొస్తే.. అక్టోబర్ అక్టోబర్ 6 వరకు ఆన్‌లైన్‌లో ధరఖాస్తులు కొనసాగనున్నాయి. అనంతరం అక్టోబర్ 3 నుంచి 7 వరకు సర్టిఫికేట్స్ వెరిఫికేషన్ నిర్వహించనున్నారు. ఆ తర్వాత అక్టోబర్ 3 నుంచి 8వ తేదీ వరకు వెబ్ ఆప్షన్స్‌ ఇచ్చుకునే అవకాశం కల్పించారు. ఇక ఆప్షన్స్‌లో ఏమైనా మార్పులు ఉంటే అక్టోబర్ 9న మార్చుకునే అవకాశం ఉంది. చివరిగా అక్టోబర్ 11న సీట్లను కేటాయించనున్నారు. విద్యార్థులు అక్టోబర్ 12 నుంచి 18 వరకు విద్యార్ధులు కళాశాలలో రిపోర్ట్ చేయాలి. 18వ తేదీ నుంచి పాలిటెక్నిక్ కళాశాల విద్యార్ధులకి తరగతులు ప్రారంభించనున్నారు.
