ఇది సినిమా సెట్ కాదు.. యాక్సిడెంటే..?

సినిమా సెట్టింగ్ అనుకున్నారో ఏమో.. కానీ వాహనాలపై వెళ్తోన్నవారు ఆగి మరీ సెల్ఫీలు తీసుకున్నారు. దీంతో.. ఆ ప్రాంతమంతా ట్రాఫిక్ జామ్‌తో నిండిపోయింది. చివరకు పోలీసులు వస్తేనే గానీ.. అక్కడి వాళ్లకు అసలు విషయం అర్థంకాలేదు. అది సినిమా సెట్ కాదు.. యాక్సిడెంట్ అని.. దీంతో విషయం తెలుసుకున్న స్థానికులు షాక్‌కు గురయ్యారు. ఈ ఘటనలో ఎవరికీ ప్రమాదం జరగకపోవడంతో ఊపిరి పీల్చుకున్నారు.

విజయవాడలోని రామవరప్పాడు ఇన్నర్ రింగ్‌రోడ్డులో ఓ యాక్సిడెంట్ జరిగింది. గుణదల ప్రాంతానికి చెందిన ఓ వ్యక్తి.. తన కారుతో రామవరప్పాడు రోడ్డు మీదుగా ఇంటికి వెళ్తున్నాడు. వేగంగా వెళ్తున్న కారు.. గుణదల రైల్వే వంతనపై ముందు వెళ్తున్న ఆటోని ఢీ కొట్టింది. వెంటనే కారు.. ఫుట్‌పాత్‌ మీదుగా రిటైనింగ్ వాల్ పైకి ఎక్కింది. వెనుక చక్రాలు వంతెన పక్కనున్న గోడపై వేలాడాయి. ఘటన విషయం తెలియగానే పోలీసులు ఆ ప్రాంతానికి చేరుకున్నారు. క్రేన్ సాయంతో కారుని కిందికు దించారు.