IRCTC – Zomato: ఇక రైల్లోనూ జొమాటో ఫుడ్‌ డెలివరీ.. తొలుత ఆ ఐదు రైల్వే స్టేషన్లలో మాత్రమే!
రైల్వే ప్రయాణికులకు (IRCTC - Zomato) ఐఆర్సీటీసీ గుడ్‌న్యూస్‌ చెప్పింది. ప్రయాణ సమయంలో ఆహారం అందించేందుకు జోమాటోతో ఐఆర్సీటీసీ ఒప్పందం కుదుర్చుకుంది. దీంతో రైలు ప్రయాణ సమయంలో ప్రయాణికులకు ఆహార సరఫరా విషయంలో మరిన్ని ఆప్షన్లను అందుబాటులోకి తెచ్చింది. ఈ క్యాటెరింగ్‌ సిగ్మెంట్‌లో ప్రయాణికులు ముందుగా ఆర్డర్‌ చేసిన ఆహార పదార్థాలను తెప్పించేందుకు ఫుడ్‌ డెలివరీ యాప్‌ జొమాటోతో భాగస్వామ్యం కుదుర్చుకొంది. ఈ ఒప్పందంలో..
న్యూఢిల్లీ, అక్టోబర్ 18: రైల్వే ప్రయాణికులకు (IRCTC – Zomato) ఐఆర్సీటీసీ గుడ్‌న్యూస్‌ చెప్పింది. ప్రయాణ సమయంలో ఆహారం అందించేందుకు జోమాటోతో ఐఆర్సీటీసీ ఒప్పందం కుదుర్చుకుంది. దీంతో రైలు ప్రయాణ సమయంలో ప్రయాణికులకు ఆహార సరఫరా విషయంలో మరిన్ని ఆప్షన్లను అందుబాటులోకి తెచ్చింది. ఈ క్యాటెరింగ్‌ సిగ్మెంట్‌లో ప్రయాణికులు ముందుగా ఆర్డర్‌ చేసిన ఆహార పదార్థాలను తెప్పించేందుకు ఫుడ్‌ డెలివరీ యాప్‌ జొమాటోతో భాగస్వామ్యం కుదుర్చుకొంది. ఈ ఒప్పందంలో భాగంగా తొలుత ఐదు ‘ప్రూఫ్‌ ఆఫ్‌ కాన్సెప్ట్‌ (PoC)’ రైల్వే స్టేషన్లకు మాత్రమే ప్రాథమికంగా జొమాటో సేవలను పరిమితం చేసింది.
న్యూఢిల్లీ, ప్రయాగ్‌ రాజ్‌, కాన్‌పూర్‌, లక్నో, వారణాసి.. ఈ ఐదు రైల్వే స్టేషన్లలో మాత్రమే జొమాటో ప్రస్తుతానికి తన సేవలు వినియోగించనుంది. రానున్న రోజుల్లో మరిన్ని స్టేషన్లకూ జొమాటో సేవలు విస్తరించే అవకాశం ఉందని ఇండియన్‌ రైల్వేస్‌ ప్రకటించింది. ఐఆర్‌సీటీసీకి చెందిన ఈ-క్యాటరింగ్‌ సేవల కింద రైల్వే ప్రయాణికులు తమకు నచ్చిన ఆహారాన్ని ప్రయాణ సమయంలో ఆర్డర్‌ చేసుకుని ఆరగించే సదుపాయం కల్పించింది. ప్రయాణ సమయంలో మరింత సౌకర్యవంతంగా ఉండేందుకే ఈ విధానాన్ని తీసుకువచ్చినట్లు రైల్వే అధికారులు తెలిపారు.
వాటిని జొమాటో సాయంతో ఆయా స్టేషన్లలో వారికి అందజేస్తారు. ఐఆర్సీటీసీ ఇ- కేటరింగ్‌ పోర్టల్‌ ద్వారా ఈ సదుపాయం కల్పించింది. ఆహారం అందించడం విషయంలో ప్రయాణికులకు ఎక్కువ ఆప్షన్లను అందించడంలో భాగంగానే జొమాటోతో అనుసందానం అయినట్లు ఐఆర్సీటీసీ తెలిపింది. పండగ సీజన్‌ కావడంతో రైల్వే క్యాటరింగ్‌ సర్వీస్‌ ప్రత్యేక సేవలు, ఆఫర్లు అందిస్తోన్న సంగతి తెలిసిందే. నవరాత్రి సందర్భంగా ఉపవాసం చేసే వారి కోసం ఇండియన్‌ రైల్వేస్‌ ప్రత్యేక ‘థాలీ’ని అందిస్తోంది. ఈ నేపథ్యంలో జొమాటో షేర్ ప్రైజ్‌ ఆరంభం రోజున 52 వారాల గరిష్ఠానికి రూ.115 వద్దకు చేరింది. దీంతో అమ్మకాలు తగ్గడంతో నష్టాల్లోకి వెళ్లింది. మరోవైపు ఐఆర్సీటీసీ షేరు కూడా 2 శాతం నష్టాల్లో కొనసాగుతోంది. గరిష్ఠంగా రూ.700 వద్ద ట్రేడ్‌ అవుతోంది.
మరిన్ని జాతీయ వార్తల కోసం క్లిక్‌ చేయండి.