Stock Market Investments: ఆ స్టాక్స్‌లో పెట్టుబడితో రాబోయే వారాల్లో నమ్మలేనంత రాబడి.. ఏకంగా 14 శాతం ఇన్‌కమ్‌..!

స్టాక్‌ మార్కెట్‌ పెట్టుబడి మంచి లాభాలను ఇస్తుందని అందరికీ తెలిసిందే. అయితే రాబడి ఎంత స్థాయిలో వచ్చిందో? అంతే స్థాయిలో నష్టాలను ఇస్తుంది. ఇటీవల కాలాల్లో స్టాక్ మార్కెట్ లాభాలతో ముగుస్తుంది. గత వారాన్ని అప్ ట్రెండ్‌తో ముగించింది. స్టాక్ మార్కెట్ వరుసగా నాలుగో వారం వృద్ధితో ముగిసింది. వారం ట్రేడింగ్‌లో బీఎస్‌ఈ సెన్సెక్స్ 0.26 శాతం లేదా 175 పాయింట్లు పెరిగి 65,970 వద్ద ముగిసింది. కాగా ఎన్‌ఎస్‌ఈ నిఫ్టీ 50 శుక్రవారం 62.9 పాయింట్లు లేదా 0.31% లాభపడి 19,794.7 వద్ద ముగిసింది. గత వారంలో బీఎస్‌ఈ మిడ్‌క్యాప్ 0.7 శాతం, బీఎస్‌ఈ స్మాల్‌క్యాప్ 0.5 శాతం పెరిగింది. నిఫ్టీ రియాల్టీ ఇండెక్స్ 1.5 శాతం పెరిగింది. నిఫ్టీ మెటల్, నిఫ్టీ ఆయిల్, గ్యాస్ , ఫార్మా రంగ సూచీలు కూడా 1 శాతం లాభంతో ముగిశాయి. బిఎస్‌ఈ సెన్సెక్స్ 47.77 పాయింట్లు లేదా 0.072% విలువను కోల్పోయింది. దీనిని బట్టి పెట్టుబడిదారులు వచ్చే వారం బుల్లిష్ వ్యూహాన్ని అనుసరించవచ్చని నిపుణులు సూచిస్తున్నారు. కాబట్టి రాబోయే రెండు మూడు వారాల్లో 14 శాతం వరకు రాబడి వచ్చే అవకాశం ఉన్న మూడు స్టాక్‌లను వారు పేర్కొంటున్నారు. అవేంటో ఓ సారి తెలుసకుందాం.

భారత్ ఫోర్జ్ 

భారత్ ఫోర్జ్ షేర్లు రాబోయే రెండు మూడు వారాల్లో రూ.1,250 స్థాయికి చేరుకోవచ్చని అంచనా.  సోమవారం, భారత్ ఫోర్జ్ స్టాక్ 1.90 శాతానికి పెరిగి, మధ్యాహ్నం 12:10 గంటలకు ఒక్కొక్కటి రూ. 1,115.15 వద్ద ట్రేడవుతోంది. భారత్ ఫోర్జ్ షేర్లను కొనుగోలు చేయమని పెట్టుబడిదారులకు సలహా ఇస్తూ రూ. 1,040 వద్ద స్టాప్-లాస్ ఉంచాలని నిపుణులు సూచిస్తున్నారు. అంతకుముందు అయితే జూన్ 2021, జూలై 2023 మధ్య భారత్ ఫోర్జ్ బలమైన క్షీణతను చవిచూసింది. జూలై 2023 తర్వాత స్టాక్ నిరంతరం లాభపడటం ప్రారంభించింది. ఫ్లాగ్, పోల్ నమూనాతో స్టాక్‌లో ఇప్పుడు బ్రేక్అవుట్ కనిపిస్తుంది, ఇది సంభావ్య పైకి ట్రెండ్‌ను సూచిస్తుంది.

కోల్‌గేట్ పామోలివ్

కాల్గేట్ పామోలివ్ షేర్లలో పెట్టుబడి పెట్టాలని నిపుణులు సూచిస్తున్నారు. ఈ షేరు గత వారం రూ.2,187.15 వద్ద ముగిసింది. సోమవారం నాడు 0.09% తగ్గి రూ.2185.20 వద్ద ట్రేడవుతోంది. రూ. 2,450 టార్గెట్ ధరను రూ. 2,090 వద్ద సిఫార్సు చేసిన స్టాప్-లాస్‌తో నిపుణులు నిర్ణయిస్తున్నారు. కోల్‌గేట్ పామోలివ్ షేర్ బలమైన అప్‌ట్రెండ్‌ను ప్రదర్శిస్తోంది. జూలై 2023 మొదటి వారంలో స్టాక్ మూడు సంవత్సరాల క్రితం ఏర్పడిన దీర్ఘచతురస్ర నమూనా నుంచి బయటపడింది. ఇది స్థిరంగా దాని 12-వారాల ఈఎంఏ కంటే ఎక్కువగా వర్తకం చేస్తోంది. ఇది స్థిరమైన అప్‌ట్రెండ్‌ను సూచిస్తుంది.

ఇవి కూడా చదవండి

దీపావళిలో దుమ్మురేపుతున్న స్టాక్స్‌.. సూపర్‌ లాభాలు వారికే..!

ఆ కంపెనీలో పెట్టుబడితో కళ్లుచెదిరే లాభాలు

ఎంసీఎక్స్‌ ఇండియా 

ఎంసీఎక్స్‌ ఇండియా స్టాక్ శుక్రవారం రూ. 2,926.30 వద్ద ముగిసింది. ప్రస్తుతం రూ. 2,920.10 వద్ద ట్రేడవుతోంది. ఇది మునుపటి ముగింపుతో పోలిస్తే 0.21% క్షీణతను సూచిస్తుంది. కాబట్టి రాబోయే రెండు మూడు వారాల్లో 14% జంప్ చేసి రూ. 3,335 స్థాయికి చేరుకుంటుందని నిపుణులు అంచనా వేస్తున్నారు. స్టాక్‌కు సంబంధించిన చార్ట్ నమూనా సంభావ్య ఆదాయాలను సూచిస్తుంది. అక్టోబర్ 2021 స్వింగ్ హై నుంచి బ్రేక్అవుట్ తర్వాత అధిక గరిష్టాలు, అధిక కనిష్టాలు గమనించారు.ఈ స్టాక్ ప్రస్తుతం దాని 50 రోజుల ఈఎంఏ, 100 రోజుల ఈఎంఏ కంటే ఎక్కువగా ట్రేడవుతుంది.

(ఇక్కడ అందించినది కేవలం సమాచారం కోసం మాత్రమే. మార్కెట్‌లో పెట్టుబడి పెట్టడం మార్కెట్ నష్టాలకు లోబడి ఉంటుంది. పెట్టుబడిదారుగా డబ్బును పెట్టుబడి పెట్టే ముందు నిపుణుల సలహా తీసుకోండి)

మరిన్ని బిజినెస్ న్యూస్ కోసం