Travel Insurance: డొమెస్టిక్ ట్రావెల్ ఇన్సూరెన్స్ గురించి మీకు తెలుసా? ప్రయాణాల్లో ఎలాంటి నష్టాలను కవర్ చేస్తుంది
విదేశీ ప్రయాణాలకు ట్రావెల్ ఇన్సూరెన్స్ తప్పనిసరి. అయితే, స్వదేశీలో ప్రయాణించేటప్పుడు ట్రావెల్ ఇన్సూరెన్స్ తీసుకోము. దానికి రకరకాల కారణాలున్నాయి. డొమెస్టిక్ ట్రావెల్ ఇన్సూరెన్స్ ఉందనే విషయం కూడా చాలా మందికి..
విదేశీ ప్రయాణాలకు ట్రావెల్ ఇన్సూరెన్స్ తప్పనిసరి. అయితే, స్వదేశీలో ప్రయాణించేటప్పుడు ట్రావెల్ ఇన్సూరెన్స్ తీసుకోము. దానికి రకరకాల కారణాలున్నాయి. డొమెస్టిక్ ట్రావెల్ ఇన్సూరెన్స్ ఉందనే విషయం కూడా చాలా మందికి తెలియదు. అలాగే, ట్రావెల్ ఇన్సూరెన్స్ ప్రమాదం వల్ల కలిగే నష్టాన్ని మాత్రమే కవర్ చేస్తుందని చాలా మంది భావిస్తారు. అయితే ఇది అలా కాదు, మెడికల్ ఎమర్జెన్సీ డొమెస్టిక్ ట్రావెల్ ఇన్సూరెన్స్‌తో పాటు లగేజీ నష్టం, పాస్‌పోర్ట్ నష్టం, ట్రిప్ క్యాన్సిలేషన్ మొదలైనవాటిని కూడా కవర్ చేస్తుంది.
మీరు దేశీయంగా మీరు మీ ప్రయాణాలకు ప్లాన్ చేసుకునేటప్పుడు, కవర్ కోసం మీరు పే చేయాల్సిన ఎమౌంట్ పెద్ద ఎక్కువగా ఉండదు. అయినప్పటికీ, దురదృష్టవశాత్తూ వైద్యపరమైన అత్యవసర పరిస్థితి ఏర్పడినా లేదా మీ వస్తువులు పోగొట్టుకున్నా మీ నష్టాలను భర్తీ చేయడంలో ఇది ఎంతగా ఉపయోగపడుతుంది.
డొమెస్టిక్ ట్రావెల్ ఇన్సూరెన్స్‌తో ప్రయోజనాలు:
డొమెస్టిక్ ట్రావెల్ ఇన్సూరెన్స్‌లో మెడికల్ ఎమర్జెన్సీలు, ప్రమాదాలు, ప్రయాణ సంబంధిత సమస్యలు, విమాన జాప్యాలు, నష్టాలు, రద్దులు, బ్యాగేజీ అలాగే మరి కొన్నిటికి కవరేజీ ఉంటుంది. డొమెస్టిక్ ట్రావెల్ ఇన్సూరెన్స్ ఎందుకు తీసుకోవాలో ఇప్పుడు చూద్దాం. డొమెస్టిక్ ట్రావెల్ ఇన్సూరెన్స్ తీసుకోవడం అనేక కారణాల వల్ల ప్రయోజనకరంగా ఉంటుంది. మీరు ఈ బీమాను కలిగి ఉంటే, మీరు అనేక ప్రయోజనాలను పొందుతారు. వాటిని ఒకసారి చూద్దాం.
- కొత్త ప్రదేశానికి వెళ్లడానికి సంబంధించిన ఆరోగ్య అత్యవసర పరిస్థితుల్లో, వైద్య చికిత్సకు అయ్యే ఖర్చును బీమా కవర్ చేస్తుంది.
- దొంగతనం లేదా దోపిడీ సంఘటన జరిగితే, బీమా కంపెనీ పూర్తి కవరేజీని అందిస్తుంది.
- మీరు అసహ్యకరమైన పరిస్థితులు, ఆర్థిక నష్టాల గురించి చింతించకుండా మీ యాత్రను ప్లాన్ చేసుకోవచ్చు.
- ఫ్లైట్ క్యాన్సిలేషన్స్ లేదా టికెట్ క్యాన్సిలేషన్స్ వంటి సందర్భాల్లో బీమా కంపెనీ మీకు రీఫండ్ ఇస్తుంది.
- పోగొట్టుకున్న పాస్‌పోర్ట్‌లు లేదా క్రెడిట్ కార్డ్‌ల వంటి పత్రాల నకిలీ కాపీలను తయారు చేయడానికి అయ్యే ఖర్చు బీమా పరిధిలోకి వస్తుంది.
- పర్యటన సమయంలో మీ కారు లేదా టాక్సీ చెడిపోతే చాలా ప్లాన్‌లు సహాయ సేవలను అందిస్తాయి. మీరు అంబులెన్స్ సేవలు, వైద్య తరలింపు, మరిన్నింటిలో సహాయం పొందవచ్చు.
డొమెస్టిక్ ట్రావెల్ ఇన్సూరెన్స్ ప్లాన్స్‌:
కొన్ని ప్రధాన డొమెస్టిక్ ట్రావెల్ ఇన్సూరెన్స్ ప్లాన్‌లను చూద్దాం. న్యూ ఇండియా అస్యూరెన్స్ కంపెనీ నుంచి సుహానా సఫర్ పాలసీ, ఫ్యూచర్ జెనరాలి నుంచి శుభ్ యాత్రా పాలసీ, బజాజ్ అలియాంజ్ నుంచి భారత్ భ్రమన్ పాలసీ, టాటా ఎఐజి డొమెస్టిక్ ట్రావెల్ ఇన్సూరెన్స్ పాలసీ మొదలైన ఆప్షన్లు అందుబాటులో ఉన్నాయి. ఈ ప్లాన్‌లు మైక్రో ప్లాన్‌లను కలిగి ఉంటాయి. నెలవారీ, ఆరు నెలలు, వార్షిక, ఎక్కువ కాలం వంటి వ్యవధిని కూడా కవర్ చేస్తాయి.
మీ కుటుంబ సభ్యుల ప్రయాణ ఖర్చులు:
ఈ పాలసీలు విభిన్న విషయాలను కవర్ చేస్తాయి. ప్రయాణ సమయంలో కుటుంబ ప్రయాణం వంటి అత్యవసర పరిస్థితులకు కొన్ని కవర్లు ఉంటాయి. అంటే మీరు ఒంటరిగా ఉండి ఎక్కువ కాలం ఆసుపత్రిలో ఉండాల్సి వస్తే మిమ్మల్ని చూడటానికి వచ్చే మీ కుటుంబ సభ్యుల ప్రయాణ ఖర్చులను ట్రావెల్ ఇన్సూరెన్స్ కంపెనీ భరిస్తుంది.
మీరు మీ విమానం లేదా రైలును మిస్ అయితే, బీమా కంపెనీ మీ టిక్కెట్ ధరను తిరిగి చెల్లిస్తుంది. అదేవిధంగా కొన్ని పాలసీలలో వ్యక్తిగత బాధ్యత ఉంటుంది. ఉదాహరణకు, మీరు ఒకరి ప్రాణానికి లేదా ఆస్తికి హాని కలిగించే ప్రమాదం కలిగి ఉంటే బీమా కంపెనీ దానిని భర్తీ చేస్తుంది. అందువల్ల మీరు ఇకపై దేశంలోని ఏ ప్రాంతానికైనా ప్రయాణం చేయాలి అనుకున్నపుడు డొమెస్టిక్ ట్రావెల్ ఇన్సూరెన్స్ తప్పనిసరిగా చేయించుకోండి.
మరిన్ని బిజినెస్ వార్తల కోసం ఇక్కడ క్లిక్ చేయండి