Income Tax: రూ.18 లక్షల ఆదాయం ఉన్నా..నో ట్యాక్స్.. ఎలా సాధ్యమో తెలుసా?
Income Tax: కేంద్ర ఆర్థిక శాఖ మంత్రి నిర్మలా సీతారామన్ బడ్జెట్ను ప్రవేశపెట్టిన విషయం తెలిసిందే. ఈ బడ్జెట్లో రూ.12 లక్షల వరకు ఎలాంటి ట్యాక్స్ చెల్లించాల్సిన అవసరం లేదని స్పష్టం చేశారు. అయితే రూ.18 లక్షల వరకు ఉన్న ఆదాయంపై కూడా పన్ను చెల్లించకుండా చేసుకోవచ్చు. ఎలాగో చూద్దాం..
Updated on: Feb 10, 2025 | 10:59 AM
ఫిబ్రవరి 1న పార్లమెంటులో సమర్పించిన కేంద్ర బడ్జెట్లో రూ. 12 లక్షల వరకు ఆదాయం పన్ను రహితంగా చేసిన విషయం తెలిసిందే. కానీ మీ జీతం రూ. 12 లక్షల కంటే ఎక్కువ ఉంటే పన్ను ఆదా చేసే ఆప్షన్ ఏదైనా ఉంటుందా? మీరు రూ. 12 లక్షల కంటే ఎక్కువ ఆదాయాన్ని పన్ను రహితంగా చేయాలనుకుంటే, కొత్త పన్ను విధానం ప్రకారం మీరు ఈ ట్రిక్ను అనుసరించవచ్చు. ఈ ట్రిక్ తో మీరు రూ. 18 లక్షల వరకు జీతంపై కూడా ఎటువంటి పన్ను చెల్లించాల్సిన అవసరం లేదు. మీ పన్ను బాధ్యత సున్నా అయ్యే విధంగా చేసుకోవచ్చు.
పన్ను ఆదా చేసుకునే మార్గం
మీ ప్రాథమిక జీతం, డీఏ రూ.12.25 లక్షలు అయితే, దానిని వివిధ భత్యాలు, ప్రయోజనాల ద్వారా పన్ను రహితంగా చేయవచ్చు. ఉదాహరణకు.. NPS సహకారం రూ.1.71 లక్షలు, మోటారు కారు సౌకర్యంగా రూ. 4 లక్షలు, బహుమతిగా రూ. 5,000 జోడించవచ్చు. ఈ విధంగా మీ గ్రాస్ సాలరీ రూ. 18.01 లక్షలు అవుతుంది.
దానికి పన్ను మినహాయింపు ఎలా అవుతుంది?
- NPS సహకారం: సెక్షన్ 80CCD(2) కింద బేసిక్, DAలో 14% వరకు NPS సహకారం పన్ను రహితంగా పరిగణిస్తారు. దీని వలన రూ. 1.71 లక్షల పొదుపు లభిస్తుంది.
- గిఫ్ట్ అలవెన్స్: కంపెనీ ఇచ్చే రూ. 5,000 వరకు బహుమతులు సెక్షన్ 17(2)(vii) నియమం 3(7)(iv) ప్రకారం పన్ను రహితంగా ఉంటాయి.
- స్టాండర్డ్ డిడక్షన్: జీతం పొందే ఉద్యోగులందరూ రూ. 75,000 వరకు స్టాండర్డ్ డిడక్షన్కు అర్హులు.
ఇది కూడా చదవండి: Gold Price Today: రూ.86 వేలు దాటిన బంగారం ధర.. హైదరాబాద్లో ఎంతో తెలుసా..?
మరిన్ని బిజినెస్ వార్తల కోసం ఇక్కడ క్లిక్ చేయండి
