Personal Loan: పర్సనల్ లోన్ త్వరగా క్లోజ్ చేస్తున్నారా? తొందరపడి ఈ పొరపాటు అస్సలు చేయకండి!
Personal Loan: పర్సనల్ లోన్ త్వరగా తీర్చడం మంచి వ్యూహమే, కానీ అది మీ ఆర్థిక భద్రతను దెబ్బతీయకూడదు. మీ వద్ద తగినంత అత్యవసర నిధి ఉండి, మిగిలిన వడ్డీ భారం ప్రీపేమెంట్ ఛార్జీల కంటే ఎక్కువగా ఉంటేనే ముందస్తు చెల్లింపు చేయండి. ఒకవేళ లోన్..
Updated on: Aug 28, 2026 | 8:36 AM
Personal Loan: ప్రతి నెలా బ్యాంక్ అకౌంట్ నుంచి పర్సనల్ లోన్ ఈఎంఐ (Personal Loan EMI) కట్ అవుతున్నప్పుడు, “ఎలాగైనా ఈ అప్పును వీలైనంత త్వరగా క్లోజ్ చేస్తే బాగుండు” అని చాలామంది ఆలోచిస్తుంటారు. చేతిలో కాస్త అదనపు డబ్బులు జమ కాగానే వెంటనే లోన్ తీర్చేసి ప్రశాంతంగా ఉండాలని భావిస్తారు. లోన్ త్వరగా క్లోజ్ చేయడం వల్ల వడ్డీ భారం తగ్గుతుందనేది నిజమే అయినప్పటికీ, ఎలాంటి ప్లానింగ్ లేకుండా మీ వద్ద ఉన్న మొత్తం పొదుపును లోన్ చెల్లింపుకే వాడితే ప్రమాదంలో పడే అవకాశం ఉందని ఆర్థిక నిపుణులు హెచ్చరిస్తున్నారు.
ప్రీపేమెంట్ చేసేముందు ఎలాంటి జాగ్రత్తలు తీసుకోవాలో ఇప్పుడు చూద్దాం.
పర్సనల్ లోన్ ప్రీపేమెంట్ / ఫోర్క్లోజర్ అంటే ఏమిటి?
మీరు తీసుకున్న రుణం వ్యవధి (Tenure) పూర్తికాకముందే బకాయి ఉన్న సొమ్మును చెల్లించడాన్ని ‘ప్రీపేమెంట్’ అంటారు. ఇందులో కొంత మొత్తం అదనంగా కట్టి అసలు తగ్గించుకోవచ్చు లేదా మొత్తం డబ్బును ఒకేసారి చెల్లించి లోన్ అకౌంట్ను క్లోజ్ చేయవచ్చు. మొత్తం డబ్బు చెల్లించి లోన్ క్లోజ్ చేయడాన్ని ‘ఫోర్క్లోజర్’ (Foreclosure) అని పిలుస్తారు. అయితే కొన్ని బ్యాంకులు లేదా ఆర్థిక సంస్థలు ప్రీపేమెంట్ లేదా ఫోర్క్లోజర్ చేయడానికి ఛార్జీలు విధిస్తాయి. అందుకే ఈ నిర్ణయం తీసుకునే ముందు మీ లోన్ ఒప్పంద పత్రాన్ని (Loan Agreement) సరిగ్గా చదువుకోవడం చాలా ముఖ్యం.
ఇది కూడా చదవండి: Gold Price: మహిళలకు గుడ్న్యూస్.. భారీగా తగ్గిన బంగారం ధరలు..!
ఎప్పుడు లోన్ ముందస్తుగా చెల్లించడం ప్రయోజనకరం?
పర్సనల్ లోన్లపై వడ్డీ రేట్లు సాధారణంగా ఇతర సురక్షిత రుణాల (హోమ్ లోన్, కార్ లోన్) కంటే చాలా ఎక్కువగా ఉంటాయి. మీరు ఆదా చేసే వడ్డీ సొమ్ము, బ్యాంక్ విధించే ప్రీపేమెంట్/ఫోర్క్లోజర్ ఛార్జీల కంటే గణనీయంగా ఎక్కువగా ఉన్నట్లయితే లోన్ త్వరగా తీర్చడం ఆర్థికంగా లాభదాయకం. అంతేకాకుండా ప్రతి నెలా ఈఎంఐ భారం తగ్గి క్యాష్ ఫ్లో (Cash Flow) పెరుగుతుంది. అయితే, డబ్బులు ఉన్నాయనే ఒకే ఒక్క కారణంతో తొందరపడి వెంటనే లోన్ క్లోజ్ చేయాల్సిన అవసరం లేదు.
అత్యవసర నిధి తప్పనిసరి:
లోన్ క్లోజ్ చేసే క్రమంలో మీ ఆర్థిక భద్రతను నిర్లక్ష్యం చేయకూడదు. ఆర్థిక నిపుణుల ప్రకారం.. కనీసం 6 నెలల కుటుంబ అవసరాలకు సరిపడా ‘ఎమర్జెన్సీ ఫండ్’ను మీ బ్యాంక్ ఖాతాలో సురక్షితంగా ఉంచుకోవడం చాలా ముఖ్యం. మీ వద్ద ఉన్న పొదుపు మొత్తాన్ని అంతటినీ లోన్ కట్టడానికి ఉపయోగించి, ఆ తర్వాత ఉద్యోగం పోవడం, అనారోగ్యం లేదా ఇతర అత్యవసర పరిస్థితులు ఎదురైతే మళ్లీ అప్పులు చేయాల్సి వస్తుంది.
ఇది కూడా చదవండి: Success Story: ఒకే దుకాణం.. నాలుగు వ్యాపారాలు.. నెలకు రూ.4 లక్షల ఆదాయం.. గ్రాడ్యుయేట్ సక్సెస్ సీక్రెట్ ఇదే!
రుణం ప్రారంభంలో లోన్ తీసుకున్న మొదటి 1-3 సంవత్సరాల వ్యవధిలోనే ప్రీపేమెంట్ చేస్తే మీకు మిగిలే వడ్డీ చాలా ఎక్కువగా ఉంటుంది. ఇది మీకు ఎంతో లాభదాయకం. లోన్ వ్యవధి ముగియడానికి చివరి 1-2 సంవత్సరాల ముందు క్లోజ్ చేస్తే, మీరు అప్పటికే ఎక్కువ భాగం వడ్డీ చెల్లించేసి ఉంటారు. అందుకే ఆ సమయంలో ప్రీపేమెంట్ చేయడం వల్ల వచ్చే ఆర్థిక ప్రయోజనం చాలా స్వల్పం అనే గమనించాలి.
పర్సనల్ లోన్ త్వరగా తీర్చడం మంచి వ్యూహమే, కానీ అది మీ ఆర్థిక భద్రతను దెబ్బతీయకూడదు. మీ వద్ద తగినంత అత్యవసర నిధి ఉండి, మిగిలిన వడ్డీ భారం ప్రీపేమెంట్ ఛార్జీల కంటే ఎక్కువగా ఉంటేనే ముందస్తు చెల్లింపు చేయండి. ఒకవేళ లోన్ తీర్చడం వల్ల మీ సేవింగ్స్ అన్నీ ఖాళీ అవుతాయనుకుంటే, సాధారణ ఈఎంఐలు కొనసాగిస్తూ వీలున్నప్పుడు కొద్దికొద్దిగా అదనపు చెల్లింపులు చేయడం శ్రేయస్కరం.
ఇది కూడా చదవండి: Eye Glasses: కళ్లద్దాలు వాడితే కంటి పవర్ పెరుగుతుందా? చాలా మందికి ఉన్న పెద్ద అపోహా ఏంటి?
మరిన్ని బిజినెస్ వార్తల కోసం ఇక్కడ క్లిక్ చేయండి
