Personal Finance: జీతం పెరిగినప్పుడు చాలా మంది చేసే 5 ప్రధాన పొరపాట్లు ఏంటో తెలుసా..?
Personal Finance: సాలరీ పెరగడంతో క్రెడిట్ లిమిట్ కూడా పెరుగుతుంది. చాలామంది తమకు రాబోయే బోనస్ లేదా భవిష్యత్తు ఆదాయాన్ని ముందే ఊహించి క్రెడిట్ కార్డ్ల ద్వారా విలాసవంతమైన వస్తువులు కొనుగోలు చేస్తారు. క్రెడిట్ కార్డ్లను కేవలం అత్యవసరాలకు లేదా ప్రయోజనం ఉన్న చోట..
Updated on: Aug 26, 2026 | 9:45 AM
Personal Finance: చాలా మంది ఉద్యోగులు తమ సంపదనలో పొదుపు కంటే ఖర్చు చేయడమే ఎక్కువగా ఉంటుంది. జీతం పెరగగానే ఖర్చులను కూడా పెంచేస్తుంటారు. అప్పుడు అప్పుల్లో కూరుకుపోయే పరిస్థితి వస్తుంటుంది. చాలా మంది తాము నెలకు ఎంత ఖర్చు చేస్తున్నామో లెక్కలు వేసుకోరు. అలాగే డబ్బును పొదుపు చేసేందుకు ఎలాంటి ప్లాన్స్ వేసుకోలేరు. కొన్ని చిన్నపాటి పొరపాట్ల వల్ల పొదుపు
1. బడ్జెట్, ఖర్చుల గుర్తింపు లేకపోవడం
జీతం పెరగగానే ఎంతోమంది ఎంత ఖర్చు చేస్తున్నారో ట్రాక్ చేయడం మానేస్తారు. క్రెడిట్, డెబిట్ కార్డ్లను విచక్షణారహితంగా ఉపయోగించడం వల్ల నెల చివరికి జీతం మొత్తం ఎక్కడ ఖర్చయిందో తెలియక ఇబ్బంది పడతారు. మీ ఆదాయం, తప్పనిసరి ఖర్చులు మరియు పొదుపులకు సంబంధించి స్పష్టమైన బడ్జెట్ తయారుచేసుకోవాలి. డిజిటల్ యాప్ల ద్వారా రోజువారీ ఖర్చులను ట్రాక్ చేయడం మంచిది.
2. ఫిక్స్డ్ ఖర్చులను పెంచుకోవడం
ఆదాయం పెరగగానే ఖరీదైన ఇంటికి మారడం, కొత్త కార్ EMIలు పెట్టుకోవడం లేదా ప్రీమియం క్లబ్ సభ్యత్వాలు తీసుకోవడం వంటివి చేస్తారు. ఒకసారి ఫిక్స్డ్ నెలవారీ ఖర్చులు (EMIలు/అద్దెలు) పెరిగితే, వాటిని తగ్గించుకోవడం మానసికంగా చాలా కష్టం. సాలరీ పెరిగిన వెంటనే EMIలు లేదా అద్దె భారాన్ని పెంచుకోకండి. మీ స్థిరమైన నెలవారీ EMIలు నికర ఆదాయంలో 30-35% కంటే ఎక్కువ ఉండకూడదు.
3. పొదుపు కంటే ముందే ఖర్చు చేయడం
మిగిలిన దాన్ని పొదుపు చేద్దాం అనుకోవడం అతిపెద్ద పొరపాటు. జీతం పెరగగానే ఆర్డర్ చేసే ఆహారాలు, ఖరీదైన గ్యాడ్జెట్లు లేదా ప్రయాణాలకు ముందే డబ్బును కేటాయించడం వల్ల పొదుపు రేటు పడిపోతుంది. వార్రెన్ బఫెట్ సూత్రం ప్రకారం “ముందు పొదుపు చేయండి, ఆ తర్వాత మిగిలినది ఖర్చు చేయండి”. జీతం పెరిగిన రోజునే అందులో కనీసం 50% సొమ్మును ఆటోమేటిక్ SIPలు, EPF లేదా NPS లోకి మళ్లించండి (Pay Yourself First).
4. అత్యవసర నిధి, రిటైర్మెంట్ ప్లానింగ్ను విస్మరించడం
ఆదాయం పెరిగినప్పటికీ, మీ అత్యవసర నిధి (Emergency Fund) పాత జీతం స్థాయిలోనే ఉండిపోవచ్చు. అలాగే భవిష్యత్తు కోసం రిటైర్మెంట్ ఫండ్ పెంచకపోవడం వల్ల రాబోయే కాలంలో ఆర్థిక ఒత్తిడి పెరుగుతుంది. మీ ప్రస్తుత జీవన శైలి ఖర్చులకు తగినట్లుగా కనీసం 6 నెలల ఖర్చులకు సరిపడే ఎమర్జెన్సీ ఫండ్ను సిద్ధంగా ఉంచుకోవాలి. అలాగే వయస్సు పెరిగే కొద్దీ రిటైర్మెంట్ ప్లాన్ల పెట్టుబడులను కూడా పెంచాలి.
5. క్రెడిట్ కార్డ్లు, అప్పుల వలలో పడటం
సాలరీ పెరగడంతో క్రెడిట్ లిమిట్ కూడా పెరుగుతుంది. చాలామంది తమకు రాబోయే బోనస్ లేదా భవిష్యత్తు ఆదాయాన్ని ముందే ఊహించి క్రెడిట్ కార్డ్ల ద్వారా విలాసవంతమైన వస్తువులు కొనుగోలు చేస్తారు. క్రెడిట్ కార్డ్లను కేవలం అత్యవసరాలకు లేదా ప్రయోజనం ఉన్న చోట మాత్రమే వాడాలి. అప్పులు చేసి లైఫ్స్టైల్ను మెరుగుపరుచుకోవడం వల్ల దీర్ఘకాలంలో తీవ్రమైన ఆర్థిక సంక్షోభం ఎదురవుతుంది. సాలరీ పెరగడం అంటే వెంటనే మీ జీవనశైలిని మార్చుకోవడం కాదు. జీతం పెరిగినా, పాత జీవనశైలినే కొనసాగిస్తూ… ఆ అదనపు ఆదాయాన్ని ఆస్తులు, పెట్టుబడులుగా మార్చడమే నిజమైన ఆర్థిక స్వాతంత్ర్యం. జీతం పెంపు ఈ సమస్యను మరింత తీవ్రతరం చేయగలదు. ఉదాహరణకు, ఒక ఉద్యోగికి నెలకు రూ. 40,000 జీతం పెరిగిందనుకుందాం. ఆ అదనపు ఆదాయంలో అధిక భాగాన్ని పెట్టుబడుల వైపు మళ్లించడానికి బదులుగా, అది పెరిగిన కార్ ఈఎంఐ, మెరుగైన విహారయాత్రలు, కొత్త జీవనశైలి సబ్స్క్రిప్షన్లకే ఖర్చైపోతుంది. ఆ వ్యక్తి ఎక్కువ సంపాదిస్తున్నప్పటికీ, అంతకంటే ఎక్కువ పొదుపు చేయకపోవచ్చు. చాలా మంది చేసే అతిపెద్ద ఆర్థిక పొరపాట్లలో ఇది ఒకటని పీజీపీ అకాడమీ వ్యవస్థాపకుడు, మేనేజింగ్ డైరెక్టర్, ఆర్థిక విద్య, సంపద నిర్వహణ నిపుణులు రాహుల్ బానర్జీ చెబుతున్నారు. ఎక్కువ జీతాన్ని ఎక్కువ ఖర్చు చేయడానికి అనుమతిగా భావించకూడదు. అది మరింత సంపదను నిర్మించుకోవడానికి ఒక అవకాశంగా ఉండాలి అని ఆయన అన్నారు.
ఇది కూడా చదవండి: MG EV: సింగిల్ ఛార్జింగ్తో 550 కిలోమీటర్ల రేంజ్.. పవర్ఫుల్ 7 సీటర్ కారు!
మరిన్ని బిజినెస్ వార్తల కోసం ఇక్కడ క్లిక్ చేయండి
